Jwma, 17 Tamız 2018
Qwyılsın köşiñ 1367 0 pikir 14 Mamır, 2018 sağat 11:17

Ağayın araşa swraydı, Äbdirahmanov mırza!

Qıtay Ükimetiniñ ondağı az wlttarğa aşıq jasap jatqan sayasi qudalauları jaylı baspasözde jii aytılıp keledi. Äsirese, Şıñjañ ölkesindegi qazaqtardıñ jergilikti bilik tarapınan türli qısım körip, qamauğa alınıp jatqanı däleldendi, büginde.

Sayasi qısım Qıtayda twratın qazaqtarğa ğana jasalıp jatqan joq. Qazaqstanğa kelip-ketip jürgen ağayın da, Qazaqstan azamattığın alğan qazaqtar da quğın-sürginge wşırauda. Eki ortada otbasılar ajırap qalıp jatır. Ökinişti desek te, ras.

"Abai.kz" aqparattıq portalına ülken ümit artıp, dwğay-dwğay sälemin joldap jatqan ağayın azaymay twr. Solardıñ birsıpırasın ötken jolı jariyaladıq.  Olardıñ jağdayımen tolıq tanısamın deseñizder, mına siltemeden qarasañızdar boladı.

Bügin araşa swrağan ağayınnıñ birneşe beyne hatın jariyalağandı jön kördik.

Ämen Sarina

;feature=youtu.be

5 balanıñ anası. Şığıs Qazaqstan oblısı, Qalbatau auılında twradı. Joldası 2017 jıldıñ qırküyek ayınıñ 20-küni Qıtayğa ketken. Sol jaqta belgisiz sebeptermen saqşılar qwjatın tartıp alğan bolıp şıqtı. 8 aydan beri otbasınıñ qamqorşısız otırğan köp balalı ana eriksiz közine jas alıp, joğarı jaqtan kömek swradı.

 

 

Mayra Ömirzaqqızı

;feature=youtu.be

Joldası Qıtay elinde. Sayasi üyrenu dep wstap äketken eken. Sodan beri, eş habar joq.  Ol qıtay azamatı. Sebebi, sol jaqtıñ avtobusın Öskemenge jetkizip jürgen eken.

Ayqıngül Kädirğazıqızı

;feature=youtu.be

Qarağandı oblısı, Abay audanı, Sarıapta auılınıñ twrğını. 2 balası bar. Küyeuiniñ Qıtay eline ketkenine 6 ayğa juıq uaqıt bolğan. Küyeui inisiniñ üyinde, qwjattarın tartıp alğandıqtan da şarasız küyge tüsken.

Läzzat Qaysa

;feature=youtu.be

Şığıs Qazaqstan oblısı, Jarma audanında twradı. Ata-anası 2017 jılı jeltoqsan ayınıñ 8-i küni emdeluge ketken eken. Sodan, olardıñ qwjattarın tartıp aldı. Jastarı 70-ge tayap qaldı. Ata-anasınıñ Qıtay elinde jatatın da jerleri joq.

Qabde Gülsara

;feature=youtu.be

Qazaqstan Respublikasınıñ azamatı. Almatı oblısı, Aqsu audanı, Jansügirov audanınıñ twrğını. 2017 jılı Qıtayğa jwmıs babımen ketip, äli oralmağan eken. Qwjatın tartıp alıp, qaytarmağan.

Tüyin. Biz Qazaqstan Respublikasınıñ Sırtqı ister ministrligi araşa swrağan ağayınnıñ mäselesin baqılauğa alıp, eki el arasında orın alğan osı keleñsizdikti diplomatiyalıq jolmen şeşedi dep senemiz.

Abai.kz

0 pikir