Jwma, 17 Tamız 2018
531 0 pikir 17 Mamır, 2018 sağat 09:59

Senat Törağası Toqaev Gruziya vice-prem'erin qabıldadı

Parlament Senatınıñ Törağası Qasım-Jomart Toqaev XI Astana ekonomikalıq forumına qatısu üşin Qazaqstanğa saparlap kelgen Gruziyanıñ vice-prem'er-ministri, sırtqı ister ministri Mihail Djanelidzeni qabıldadı.

Elordanıñ qarqındı damuına rizaşılıq bildirgen M.Djanelidze Astana ekonomikalıq forumı jahandıq auqımdağı özekti mäseleler köteriletin halıqaralıq alañğa aynalğanın atap ötti.

Q.Toqaev Memleket basşısı N.Nazarbaevtıñ bastamasımen jüzege asıp kele jatqan instituttıq jäne äleumettik reformalar turalı gruzin meymanın habardar etti.

Taraptar eki eldiñ joğarı zañ şığaru organdarındağı ünqatısudı öristetu üşin qwrılğan parlamentaralıq ıntımaqtastıq toptarınıñ äleuetin belsendi türde paydalanuğa uağdalastı. «Biz osı qatınastardı damıtuğa jan-jaqtı järdemdesetin bolamız. Sizderdiñ täjiribeleriñiz bizdi qattı qızıqtıradı», dedi M. Djanelidze.

Q.Toqaev elderdiñ tranzittik äleuetin tiimdi paydalanu üşin küş-jigerdi biriktiru qajettigin atap ötti. Törağa Qazaqstan men Gruziya Aziya men Europa arasındağı kölik köpirine aynalatın Qıtaydıñ «Bir beldeu, bir jol» jobasınıñ keleşegi zor dep sanaydı. «Bizdiñ elderimiz Transkaspiy halıqaralıq kölik bağdarı men Baku-Tbilisi-Kars jaña temirjol jelisi ayasında ıntımaqtasıp keledi. Logistikanıñ jaqsaruına baylanıstı saudanı damıtu üşin qosımşa mümkindikter payda boladı», - dedi Q.Toqaev.

Abai.kz

0 pikir