Jwma, 17 Tamız 2018
631 0 pikir 17 Mamır, 2018 sağat 10:10

Almatı oblısında 100 jaña biznes-jobanı iske qosu josparlanıp otır

Almatı oblısı ekonomikasınıñ damuında biznes mañızdı röl atqaradı, sondıqtan qazir Almatı oblısında bwl mäselege ülken köñil bölinude. Biılğı jılı 100 käsipkerlik nısandarın aşu josparlanıp, sonıñ arqasında 2034 adam jwmısqa ornalastırılmaq.

Oblıs ekonomikasınıñ qarqındı damuında mikro jäne şağın biznes sektorı mañızdı röl atqarıp keledi. Oblıstağı şağın jäne orta bizneste 110 mıñ sub'ekti, olarda jwmıs isteytinderdiñ sanı 11% ösip, 248 mıñ adamğa jetti. Osı salada öndirilgen önim men körsetilgen qızmet kölemi 1 trln. teñgeniñ aynalasında, olardan 75 mlrd. teñge salıq tüsip, onıñ jergilikti byudjettegi ülesi 37-den 43%-ke östi.

Almatı oblısınıñ käsipkerlik jäne industrialdı-innovaciyalıq damu basqarmasınıñ mälimetteri boyınşa, jaña jobalardıñ negizgi böligi sauda, önerkäsip jäne tamaq önimderin öndiru salaları bolmaq.

İle audanındağı eñ iri jobalardıñ biri «Sokol avtodrom» sporttıq-tehnikalıq keşeni bolıp tabıladı. Jobağa 22 mlrd 235 mln teñge  bölingen.  Auqımdı maqsattı orındauğa jergilikti twrğındardan 70 adamdı jwmıspen qamtu mümkindigi tuıp otır.

Sonımen qatar, İle audanı jüzege asırılatın jobalar boyınşa  eñ ülken körsetkiş körsetude. Jalpı alğanda 418 jaña jwmıs ornın aşu közdelgen.  Sonıñ işinde audan ortalıq jılıtu jüyesin jürgizudi, tau-ken önerkäsibin damıtu üşin öñdelmegen ken öndiru zauıtın aşu, mal şaruaşılığın jäne qwrılıs materialdarın öndiretin birneşe zauıttar salınbaq.

Mısalı, Köksu audanında qaraşada 1000 bas malğa arnalğan jemdeytin orın paydalanuğa beru josparlanğan, al Balqaş audanında jalpı qwnı 895 mln. teñgeden asatın eki azıq-tülik alañı iske qosıladı.

Qaratal audanında «Almaty Energy Project» JŞS ağımdağı jıldıñ qırküyek ayında kün elektr stanciyasın, Qapşağay qalası «Sarıbwlaq JES» JŞS 11 jel elektr stansasın twrğızudı josparlauda.
Eskeldi audanınıñ «Sälem-Qws» JŞS biılğı jılı bödene şaruaşılığın saludı bastaydı, Aqsu audanınıñ «Kalekov» şarua qojalığı Üşköl kölinde balıq ösirudi közdeude.

Jobalardıñ bası böligi 2018 jılı Alaköl audanında jüzege asırılatın boladı. Öñirde  jeke käsipkerler turizm salasın damıtu üşin  demalıs orındarın, qonaq üy keşenderin, dükender men şağın-bazarlardıñ qwrılısın jürgizip jatır. Rayımbek audanı da osı salanı bastı nazarğa alıp otır.

Ayta ketu kerek, olardıñ barlığı memleket tarapınan qoldau tapqan. Öz önimderin aşuğa nemese keñeytuge niet bildirgen adamdarğa nesie, jeñildikter, granttar beriletin boladı.

Abai.kz

0 pikir