Jwma, 22 Mausım 2018
435 0 pikir 23 Mamır, 2018 sağat 08:40

Tramp AQŞ-tıñ ädilet ministrligine jaña tergeu jürgizudi tapsırdı

AQŞ prezidenti düysenbi küni Aq üyde bas prokurordıñ orınbasarı Rod Rozenstayn men Federaldıq tergeu byurosınıñ (FTB) basşısı Kristofer Reymen kezdesti. Bwnıñ aldında prezident AQŞ ädilet ministrliginen onıñ saylau qarsañındağı ştabına FTB şınımen tıñşı engizgen-engizbegenin anıqtauın talap etken.

21 mamırda AQŞ-tıñ ädilet ministrligi bas inspektorğa FTB-nıñ 2016 jılğı prezidenttik saylauğa Reseydiñ ıqpal etuin zertteu üşin sayasi motivi bolğan-bolmağanın anıqtaudı tapsırdı.

Bas prokurordıñ orınbasarı Rod Rozenstaynnıñ mälimdeuinşe, "eger kimde-kim saylau qarsañındağı ştabqa tıñşı engizu arqılı olardıñ äreketterin äşkereleuge talpınsa, onda biz onı anıqtap, tiisti şara qoldanuımız kerek".

Tramp senbi küni FTB men ädilet ministrligi öziniñ saylau qarsañındağı ştabına tıñşı engizgen dep mälimdedi. Birqatar aqparat agenttikteriniñ mälimetine qarağanda, 73 jastağı Stefan Haller aqpar beruşi qızmetin atqarğan. Ol AQŞ-ta tuğan, britaniyalıq Kembridj universitetiniñ professorı, üş respublikalıq äkimşilikte jwmıs istegen.

Barak Obama prezidenttigi kezinde Wlttıq qauipsizdik keñesi qwramına kirgen ​Ned Prays prezident Tramp ayıptauları Amerika demokratiyasına qauipti dep mälimdedi.

Wlttıq qauipsizdik keñesiniñ bwrınğı baspasöz hatşısı Tommi Vitor tvitterde "Tramp ädilet ministrligin sayasi tergeu jürgizuge mäjbürlep otır, dese de bwlay iteuge bolmaytının özi de moyındaydı" dep jazdı.

Abai.kz

0 pikir