Jwma, 22 Mausım 2018
447 0 pikir 23 Mamır, 2018 sağat 08:44

Käsipodaq lideri Ämin Eleusinov türmeden şıqtı

Oil Construction Company (OSS) käsipornı käsipodağınıñ bwrınğı törağası 57 jastağı Ämin Eleusinov mamırdıñ 22-si küni Pavlodardağı AP-162/3 türmesinen bosap şıqtı. Bwl turalı Azattıqqa qızı Onı Milana Eleusinova habarladı.

Mamırdıñ 4-i küni Pavlodar qalalıq №2 sotı türme jazasın şarttı türge auıstırğan. Sot ötken küni advokat Tölegen Şaikov "Eleusinovtiñ tuıstarı memleket aldındağı şığındardı ötegenin" aytqan.

Ämin Eleusinovti mwnayşılardıñ Qazaqstan täuelsiz käsipodaqtarı konfederaciyasın jabuğa qarsı aştıq akciyası kezinde wstağan. Käsipodaqtıñ Mañğıstau oblısındağı filialdarın bilik belgilegen merzimge deyin tirkelmegeni üşin jappaq bolğan. Aqtauda jäne Qalamqas pen Jetibay kenişterinde ötken narazılıq akciyalarına jüzdegen mwnayşı qatısqan.

2017 jılı säuirde Astana qalasınıñ Almatı audandıq 2-sotı Ämin Eleusinovti "käsipodaqtıñ senip tapsırğan qarjısın jımqırdı" jäne "policeylerge til tigizdi, bağınbadı jäne olarğa küş qoldandı" degen ayıptarmen eki jılğa sottağan.

Eleusinovpen birge kompaniya käsipodağınıñ eñbek inspektorı Nwrbek Qwşaqbaev ta jazalanğan. Nwrbek Qwşaqbaev "zañsız ereuildi jalğastıruğa arandattı" degen ayıppen eki jarım jılğa türmege qamalğan.

Mamırdıñ 11-i küni Pavlodar qalalıq №2 sotı Qwşaqbaevtı da türmeden bosatu turalı şeşim qabıldağan.

Abai.kz

0 pikir