Býgin Almaty qalasynda ornalasqan Halyqaralyq Adam qúqyqtaryn qorghau úiymynyng Qazaqstandaghy burosynyng kensesinde shekaralyq polisiya qyzmetkerleri alyp ketken Sayragýl Sauytbaydy qoldaghan bir top belsendi baspasóz jiynyn ótkizdi.

Jiyngha Sayragýlding kýieui Uәly Sylam men eki balasy, qogham belsendileri, "Atajúrt jastary eriktileri" birlestigining jetekshileri Serikjan Bilәsh pen Qydyrәli Orazúly jәne BAQ ókilderi qatysty.

Biz Sayragýlding kýieui Uәly Sylamdy sózge tartyp, 22-mamyr kýni bolghan oqighanyng jay-japsaryn súrap bildik.

Uәly Sylam, QR Azamaty:

-Mening aty-jónim Uәly Sylam bolady. Kelinshegimning aty-jóni Sayrangýl Sauytbay. 1976 jyldyng qyrkýiek aiynda tughan.

Mine, kelinshegimdi alyp ketkenine 4 kýn boldy.  Ýige kelgen kisiler alghashynda jyly-júmsaq sóilep: "Biz barlyghyna kómektesemiz. Qújattarynda jasap beremiz. Sen bizben birge jýrseng boldy"- dedi. Bizge aitqan uәjderi - Sayrangýl shekaradan qashyp ótken eken.

Shyn mәninde Qytayda qysymgha shydamay, janyn shýberekke týiip, beri qaray ótip ketken. Vizasy joq.

Onyng qalay ótkenin men súradym. Maghan da aitpay qoydy. "Balalardyng amandyghy ýshin men aitpaymyn. Men Qazaqstannyng azamattyghyn alghansha ishimde bolady. Óltirseng de aitpaymyn" dedi. Men qayta-qayta súradym.

Sol kýni Sayrangýldi alyp ketuge kelgen azamattar qarapayym kiyimde boldy. Bireui qyzmettik kuәligin kórsetti. Bauyrjan Quanysh degen jigit eken. Áskery sheni - mayor. Búlardyng qaydan kelgenin bilmedim. Keyin bir bilgenim - Almatydan kelipti.

Kelinshegim qazir Qorghasta otyr. Onyng Qazaqstangha kelgenine 1 aidan asa uaqyt boldy. Shynyn aitsam, biz qatty qoryqyp otyrmyz.

Qytayda bala-baqsha diyrektory bolyp qyzmet istegen. Ózining maghan aityp bergeni boyynsha, sayasy lagerge adam aparghan, oqytushy aparghan. Lagerding jaghdayyn biraz biletin kórinedi. Ózi oqytushy bolmaghan.

Osy Qazaqstangha qashardyng aldynda Sayrangýlding ózin janaghy lagerge qamamaq bolghan eken. Sóitip, jan saqtau ýshin beri qashqan.

Sayrangýldi әskeriyler Qorghasqa alyp ketip, inim sizderge habarlasqan son, bizding Bәidibek by auylyndaghy ýiimizge qara djip mingen belgisiz bir adamdar kelip, qoqan-loqy kórsetti. Ol kezde ýide myna eki balam ghana jýrgen. Oqigha týsten keyingi saghat 4-5 shamasynda bolghan.

Sayrangýlding qyzy:

-Dәu qara djip mingen eki adam keldi. Bizge qazaqsha sóiledi. "Men sening anana kómektesemin" dedi. Menen anamnyng qayda ekenin súrady. Men aitpay qoydym. Ol kezde anamdy әskeriyler alyp ketken edi. Ýide inim ekeuimiz ghana bolghanbyz.

Ózderin tanystyrghan joq. Biraq, mening jәne inimning atyn biledi eken.

Men Preziydentimizden súraymyn, mening anamdy Qytaygha jibermesinshi. Anam qylmysker emes. Ol biz ýshin qashyp keldi. Anam eger qylmysker bolsa, Qazaqstannyng týrmesinde bolsynshy.

Qosymsha: Býgin belgili advokat Abzal Qúspan Uәly Sylam men "Qorghas" shekara beketinde qamauda otyrghan Sayrangýl Sauytbekke qúqyqtyq kómek kórsetuge әzir ekendigin aityp, "Abai.kz" aqparattyq portalyna óz pikirin bildirgen edi. 

Býgin Sayrangýlding kýieui Uәly Sylam notarius arqyly advokat Abzal Qúspannyng atyna "Senimhat" jasatqany belgili boldy.

Esterinizge sala keteyik, kýni keshe ghana «Abai.kz» aqparattyq portalynyng redaksiyasyna Asan Núrbolat esimdi azamat bas súghyp, jengesi Sayragýl Sauytbaydy shekaralyq polisiya (ÚQK) ókilderi kelip, alyp ketkenin habarlady. Sodan keyin portalymyzda  «Shekaralyq polisiya ókilderi «Qytay súratyp jatyr» dep jengemdi alyp ketti»  atty maqala jariyalandy.

Núrgeldi Ábdighaniyúly

Abai.kz