Düysenbi, 25 Mausım 2018
46 - söz 2046 24 pikir 11 Mausım, 2018 sağat 02:05

Qazaqstanğa yadrolıq qaru kerek pe?

Qazaqstanğa yadrolıq qaru kerek pe? Osı swraqqa oylanuşılar sanı büginde tım köp. Öytkeni älemdegi qauipsizdik mäselesi uşığıp, memleketterdiñ täuelsizdigine tikeley tönetin türli qauipter sanı artuda. Kün sayın.

Biz 1992 jılı 1400 yadrolıq oqtwmsıqtan öz erkimizben bas tarttıq. Ol swmdıq küş edi. Bizdiñ yadrolıq arsenalımız Qıtay, Franciya men Wlıbritaniyanı on oraytın. Sanı men quatı jağınan ol sätte biz törtinşi orında twrdıq. Biraq odan bas tarttıq.

Ol sätte bizge "yadrolıq qarudıñ bir danasın sat" dep Kaddafi, artınşa Mısır qolqa saldı. Bolmadı. Satpadıq. Oğan deyin olar "älemde yadrolıq qaruı bar mwsılman eli payda boldı" dep quanğan edi.

1992-de Lissabonda öz erkimizben bas tartqandıqtan, 1994-te AQŞ, Resey, Qıtay, Wlıbritaniya, Franciya bizdiñ aumaqtıq twtastığımızğa kepildik berdi.

Jä, qoyşı. Däl osınday kepildikti olar Ukrainağa da bergen bolatın. Büginde Resey ädettegidey öz sözinen bas tartıp, beybit eldiñ aumağınan birneşe oblısın tartıp aldı. Onısın "wlttıq qauipsizdikti qorğau jolındağı äreket" degenmen jılı jappaq. Sol arqılı özi kepildik bergen qwjatqa tikeley tükirdi.

2014 jılı Reseydiñ Ukrainağa jasağan ittigi, eşbir memleket özge eldiñ twtastığına jauap bermeytinin anıq körsetti. Derjavalar seniñ aumağıñdı qorğamaydı, biraq quana-quana onda soğıs bastauı ğajap emes.

Büginde kün sayın artıp kele jatqan Reseydiñ tikeley agressiyası men Qıtaydıñ ekspansiyasına tötep berudiñ, onı tejeudiñ birden-bir jolı osı yadrolıq qaru deytinder köp. Tipti bwl oydı kezinde qwptamağandar da ayta bastadı.

Ärine, 90-da bas tartpasaq biz ne sankciya qwrsauında qalar edik, ne Iraktıñ kebin kier edik. Biraq qazir bizge kerek pe? Siz ne oylaysız?

Ashat Qasenğalidıñ Facebook-tegi paraqşasınan

Abai.kz

24 pikir