بەيسەنبى, 15 قاراشا 2018
46 - ءسوز 2445 24 پىكىر 11 ماۋسىم, 2018 ساعات 02:05

قازاقستانعا يادرولىق قارۋ كەرەك پە؟

قازاقستانعا يادرولىق قارۋ كەرەك پە؟ وسى سۇراققا ويلانۋشىلار سانى بۇگىندە تىم كوپ. ويتكەنى الەمدەگى قاۋىپسىزدىك ماسەلەسى ۋشىعىپ، مەملەكەتتەردىڭ تاۋەلسىزدىگىنە تىكەلەي تونەتىن ءتۇرلى قاۋىپتەر سانى ارتۋدا. كۇن سايىن.

ءبىز 1992 جىلى 1400 يادرولىق وقتۇمسىقتان ءوز ەركىمىزبەن باس تارتتىق. ول سۇمدىق كۇش ەدى. ءبىزدىڭ يادرولىق ارسەنالىمىز قىتاي، فرانتسيا مەن ۇلىبريتانيانى ون ورايتىن. سانى مەن قۋاتى جاعىنان ول ساتتە ءبىز ءتورتىنشى ورىندا تۇردىق. بىراق ودان باس تارتتىق.

ول ساتتە بىزگە "يادرولىق قارۋدىڭ ءبىر داناسىن سات" دەپ كاددافي، ارتىنشا مىسىر قولقا سالدى. بولمادى. ساتپادىق. وعان دەيىن ولار "الەمدە يادرولىق قارۋى بار مۇسىلمان ەلى پايدا بولدى" دەپ قۋانعان ەدى.

1992-دە ليسسابوندا ءوز ەركىمىزبەن باس تارتقاندىقتان، 1994-تە اقش، رەسەي، قىتاي، ۇلىبريتانيا، فرانتسيا ءبىزدىڭ اۋماقتىق تۇتاستىعىمىزعا كەپىلدىك بەردى.

ءجا، قويشى. ءدال وسىنداي كەپىلدىكتى ولار ۋكرايناعا دا بەرگەن بولاتىن. بۇگىندە رەسەي ادەتتەگىدەي ءوز سوزىنەن باس تارتىپ، بەيبىت ەلدىڭ اۋماعىنان بىرنەشە وبلىسىن تارتىپ الدى. ونىسىن "ۇلتتىق قاۋىپسىزدىكتى قورعاۋ جولىنداعى ارەكەت" دەگەنمەن جىلى جاپپاق. سول ارقىلى ءوزى كەپىلدىك بەرگەن قۇجاتقا تىكەلەي تۇكىردى.

2014 جىلى رەسەيدىڭ ۋكرايناعا جاساعان يتتىگى، ەشبىر مەملەكەت وزگە ەلدىڭ تۇتاستىعىنا جاۋاپ بەرمەيتىنىن انىق كورسەتتى. دەرجاۆالار سەنىڭ اۋماعىڭدى قورعامايدى، بىراق قۋانا-قۋانا وندا سوعىس باستاۋى عاجاپ ەمەس.

بۇگىندە كۇن سايىن ارتىپ كەلە جاتقان رەسەيدىڭ تىكەلەي اگرەسسياسى مەن قىتايدىڭ ەكسپانسياسىنا توتەپ بەرۋدىڭ، ونى تەجەۋدىڭ بىردەن-ءبىر جولى وسى يادرولىق قارۋ دەيتىندەر كوپ. ءتىپتى بۇل ويدى كەزىندە قۇپتاماعاندار دا ايتا باستادى.

ارينە، 90-دا باس تارتپاساق ءبىز نە سانكتسيا قۇرساۋىندا قالار ەدىك، نە يراكتىڭ كەبىن كيەر ەدىك. بىراق قازىر بىزگە كەرەك پە؟ ءسىز نە ويلايسىز؟

اسحات قاسەنعاليدىڭ Facebook-تەگى پاراقشاسىنان

Abai.kz

24 پىكىر