Särsenbi, 14 Qaraşa 2018
Birligimiz jarasqan 2284 0 pikir 11 Mausım, 2018 sağat 02:10

N.Nazarbaev. Qazaqstan men Qıtay arasında şeşimin tappağan mäsele joq

Nwrswltan Nazarbaev jurnalisterge arnalğan sözinde eki eldiñ bükil qarım-qatınastarı tarihında memleketter basşıları arasında senimdilik sipatındağı dialog ornıqqanın atap ötti. - dep habarlaydı Abay-aqparat Aqordanıñ baspasöz qızmetine silteme jasap.

– Qıtay Halıq Respublikasınıñ Törağası Si Czin'pinmen birge özara senimdi jäne dostıq qatınastarımızdı nığayta beremiz. Elderimiz arasında şeşimin tappağan mäsele joq, kerisinşe, odan äri damu üşin jolımız aşıq, – dedi Memleket basşısı.

Qazaqstan Prezidenti wlttıq ekonomikanıñ şikizattıq emes sektorların damıtudıñ mañızdılığın atap ötip, birlesken industrialdı-innovaciyalıq jobalardı jüzege asıru mäselesine toqtaldı.

– Biz 51 jobağa qatıstı uağdalastıqqa qol jetkizdik. Industrialdı-innovaciyalıq bağdarlamanı jüzege asırıp jatırmız. Sonıñ ayasında 1200 käsiporın aştıq. Bizdiñ mindetimiz – şikizat resurstarına täuelsiz ekinşi balamalı ekonomika qalıptastıru, – dedi Nwrswltan Nazarbaev.

Brifing barısında özara tiimdilikti qamtamasız etu qağidatı negizinde  Qazaqstannıñ Qıtaymen ekonomikalıq ıntımaqtastıqtı damıtıp kele jatqanı jöninde aytıldı. Eki jaqtı qarım-qatınastar strategiyalıq mindetter jäne Qazaqstan ekonomikasın damıtudıñ basımdıqtarı twrğısınan qalıptasıp keledi. Atap aytqanda, himiya önerkäsibindegi, tau-ken-metallurgiya keşenindegi, maşina jasau, energetika, agroönerkäsip keşeni jäne ekonomikanıñ basqa da salarındağı industrialdı-innovaciyalıq jobalardı jüzege asıru közdelip otır. Birlesken jobalardı iske asıru nätijesinde eksportqa bağıttalğan äri joğarı qosımşa qwnı bar joğarı tehnologiyalı otandıq önim öndiretin käsiporındar qwrıladı.

Sonımen qatar, Qazaqstan-Qıtay iskerlik keñesi otırısınıñ nätijeleri de atap ötildi. Sonıñ barısında eki eldiñ biznesmenderi jalpı soması şamamen 13 milliard teñge bolatın 40 qwjatqa qol qoydı.

Nwrswltan Nazarbaev iskerlik toptar men jobalardı jüzege asıruğa atsalısatın şaruaşılıq sub'ektiler Qıtay Halıq Respublikasımen investiciyalıq ıntımaqtastıqtı ilgeriletudiñ negizgi drayverleri bolıp sanalatınına nazar audardı. Bwl üderiste jobalıq qarjılandıru tetikteri belsendi paydalanıladı. Soğan säykes jobanıñ özi kepildemelik qamtamasız etuşi bolıp sanaladı.

Sonımen qatar, Nwrswltan Nazarbaev eldiñ kölik-tranzit äleuetin arttıruğa bağıttalğan infraqwrılımdıq jobalardı orındau mäselelerine toqtaldı.

Memleket basşısı agroönerkäsip keşenindegi ıntımaqtastıqtı tereñdetuge Qıtaydıñ müddelilik tanıtıp otırğanın da atap ötti.

Qazaqstan Prezidenti Şanhay ıntımaqtastıq wyımı ayasında wlttıq valyutalarmen özara esep ayırısu jöninde wsınıs bildirgeni turalı tolıq äñgimelep, Qıtay Halıq Respublikasınıñ Törağası Si Czin'pinmen bolğan kelissözder barısına toqtaldı.

– Senim bolğan kezde barlıq mäsele şeşiledi. Kez kelgen jağdayda öz eliñniñ müddesin eskeru kerek. Kelissöz jürgizu qaşan da qiın, sol sebepti bwğan mwqiyat dayındalamın. Bwl – halqımnıñ mağan jüktegen jauapkerşiligi, – dedi Nwrswltan Nazarbaev.

Abai.kz

0 pikir