Seysenbi, 13 Qaraşa 2018
Süyinşi! 971 2 pikir 12 Mausım, 2018 sağat 17:27

Ağılşın baspa üyi akademik Orazalı Säbdenniñ kitabın basıp şığardı

Euraziya qwrlığınan şıqqan ğılımi-tanımdıq eñbekterdi jariyalauğa mamandanğan "Hertfordshire Press" ağılşın baspa üyi akademik Orazalı Säbdenniñ "Abay, Qazaqstannıñ bolaşağı jäne älemdik örkeniet" attı filosofiyalıq kitabın basıp şığardı.

Ol älemdik qauımdastıqtıñ qızığuşılığın tuğızıp, qazir keñinen talqılanuda. Älem qauımdastığına wsınılğan bwl kitap qazaqtıñ wlı aqını Abaydıñ poetikalıq jäne qara sözderi arqılı bügingi künniñ mäselesin köterude uaqıt pen keñistikti eñseretin epikalıq jwmıs bop tabıladı.

Bolaşaqtı boljau är kezde oñay bolmağan, mine osınday auır jügi bar ğılımi eñbek tek Qazaqstan men Ortalıq Aziya elderi ğana emes, sonımen qatar barlıq älemge tän birqatar mäseleniñ basın şaladı. "Tehnologiyalıq" bolaşaqqa köz jwma ilesip, jüytkip bara jatqan mına biz neni tısqarı qaldırıp jatırmız? Bastı nazar audartatın da tws osı onda.

Orazalı Säbdenniñ şeteldik basılım basıp şığarğan bwl ekinşi kitabı, negizi. Aldında, yağni 2016 jılı Londonda ötken “Open Eurasian Literature Festival&Book Forum” attı V ädebi festivali kezinde Äbdimälik Äşirovpen birge jazğan “The Conceptual Strategy for Humankind’s Survival in the XXI Century and Food Security” kitabınıñ twsauı kesilgen edi. Bwl tek Orazalı Säbdenniñ ğana emes, jalpı Qazaqstan ekonomikası ğılımınıñ qol jetkizgen ülken jetistigi dep bağalanğan edi sol kezde.

Sonday-aq ol ağılşınnıñ ğılımi qauımdastığı tarapınan ülken qoldauğa ie bolğan Qazaqstan ekonomikasınıñ tarihı turalı alğaşqı eñbek. Qazaq ğalımınıñ eñbegine Nobel' sıylığınıñ teñ iegeri, Vaşington akademiyasınıñ akademigi S.Timaşevtiñ özi oñ pikir jazıp qaldırğan. Wlıbritaniyadağı baspanıñ mälimetinşe, büginderi bwl kitap Avstraliya, Jaña Zelandiya, Kanada, Şveciya, Niderlandı, Daniya, Wlıbritaniya jäne AQŞ sındı elderde satılımğa şığarılğan. Odan bölek älemdegi eñ mıqtı degen 200 universietettiñ kitaphanasına jöneltilgen.

Al büginderi jarıq körgen “Abay, Qazaqstannıñ bolaşağı jäne älemdik örkeniet” eñbegi aldındağı kitapta köterilgen adamzattıñ ömirşeñdigin wzartu mäselesin arı qaray talqılaydı. Söytip onı ekonomikalıq, sayasi, ekologiyalıq twrğıdağı pälsapalıq közqarastağı şeşimder arqılı sipattap, jwrt nazarına birneşe wsınıstıñ talqısın wsınadı. Onımen bireu keliser, bireu kelispes, degenmen ğılımi ortanıñ payımı jalpı jwrtşılıqqa osılay jetude.

Ağılşın baspası akademik Orazalı Säbdendi Ortalıq Aziyadan şıqqan mıqtı ğalım, Qazaqstan ğalımdarı odağınıñ prezidenti, akademik, QR Parlamentinde tört ret deputat bolğan, ol älemdik ğılımi oydıñ epicentrinde jarq etken ğalamdıq masştabtağı özgege wqsamaytın jemisti ideyalarımen tanılğan Ortalıq Aziyanıñ tükpirinen şıqqan ğalım dep tanıstıradı.

Ayta ketelik, biıl 16 jıldığın atap ötpek “Hertfordshire Press“ ağılşın baspa üyi Euraziya qwrlığındağı ğılımi eñbekterdi iriktep, jariyalap, älemge osı öñirdiñ ömiri men halqın, jay-küyi men twrmıs-tirşiligin nasihattaydı. 16 jıl işinde bwl baspa 65 avtordıñ 130-dan astam kitabın basıp şığarğan.

Abai.kz

2 pikir