Seysenbi, 13 Qaraşa 2018
1059 1 pikir 13 Mausım, 2018 sağat 11:38

Ukraina Reseyge qarsı BWW sotına şağımdandı

Ukraina BWW Halıqaralıq sotına Reseyge qarsı terrorizmdi qarjılandırıp, näsildik kemsituşilik tuğızıp jatır dep şağım tüsirgen. Bwl jöninde Ukraina prezidenti Petr Poroşenko mälimdedi.

Ol BWW Halıqaralıq sottıñ 12 mausım – Resey küninde memorandum beriluin belgileudi simvolikalıq dep atadı. "Memorandumda sot täjiribesi üşin öte köp dälelder bar", – dep jazadı Poroşenko Feysbuktegi paraqşasına.

Ukraina sırtqı ister ministri Pavel Klimkin Tvitter arqılı memorandum 29 tomnan, 17,5 mıñ betten twradı dep jazdı.

Ukraina sırtqı ister ministriniñ europalıq integraciya mäseleleri jönindegi orınbasarı Elena Zerkal' Mäskeu "Gruziyanıñ Reseyge qarsı isi" sekildi ärine qarsı twradı. Onıñ pikirinşe, bwl isti qarauğa keminde bir jarım jıl uaqıt ketedi.

Kievtiñ qañtar ayında tüsirgen şağımında Reseydi "terrorizmdi qarjılandırdı" dep tanuın talap etedi, sonımen birge Reseyden Donbass separatisterin qarjılandırudı toqtatıp jäne Doneckte apatqa wşırağan malayziyalıq "Boing" wşağınıñ atıp tüsirgenin moyındap, ötemaqı töleudi talap etedi.

BWW Halıqaralıq sotı 19 säuirde Ukraina talabın jartılay qanağattandırıp, Reseydi qırım tatarları qwqığına qısım körsetpeuin jäne Qırımda ukrain tilin oqıtuğa mümkindik beruin orındauğa şaqırğan. Sol kezde Resey SİM BWW sotı Ukrainanıñ "Qırım märtebesi turalı" şağımın qoldamauın mañızdı dep atap ötken jön degen.

Abai.kz

1 pikir