Jwma, 16 Qaraşa 2018
1651 12 pikir 14 Mausım, 2018 sağat 13:16

Cifrlandırılğan barlıq tarihi-mädeni derekter birıñğay portalda qoljetimdi boladı

Bwl turalı QR Ükimetiniñ baspasöz ortalığı alañında «Ruhani jañğıru» bağdarlaması ayasında «Qazaqstannıñ kieli jerleriniñ geografiyası» jobasın iske asıru turalı brifing barısında mädeniet jäne sport vice-ministri Aqtotı Rayımqwlova mälim etti.

Qazaqstannıñ tarihi keseneleriniñ tizimine tanımal Qoja Ahmet YAssaui, Joşı han, Qarahan men Ayşa-bibi ğimarattarı endi. Keluşiler jaña tehnologiyalardıñ kömegimen Qazaqstannıñ teñdesi joq mekenderimen virtualdı türde tanısa aladı.

«Cifrlandırılğan nısandardı biz bükil älemge paş ete alamız. Älemniñ kez kelgen nüktesinen adamdar 3D körip qana qoymay, sonda bolğanday şınayı äser ala aladı», — dedi A. Rayımqwlova.

Vice-ministrdiñ aytuınşa, Qazaqstanda alğaş ret tanımal Qoja Ahmet YAssaui jäne Qarahan keseneleri 3D-formatında cifrlandırıldı.

«3D-turlar jan-jaqtı bayandalğan, jalpıwlttıq jäne jergilikti mañızı bar kieli nısandar boyınşa interaktivti virtualdı karta jasaldı», — dep atap ötti vice-ministr A. Rayımqwlova.

Sonımen qatar, kitaphana qorı men tarihi qwjattar derekterin cifrlandıru boyınşa jwmıstar jürgizilip jatır, onda joba jañalıqtarınıñ biri Qazaqstannıñ kitaphanalarınıñ barlıq derekter qorın biriktiru boladı. Cifrlandırılğan barlıq derekter e-Sulture portalında qoljetimdi boladı dep közdelgen.

Kieli nısandardı tanıtu maqsatında vedomstvo qasietti orındarda sapar-ortalıqtarın aşadı. Bügingi tañda «Wlıtau», «Otırar» jäne «Tañbalı» sekildi tarihi-mädeni muzey-qorıqtarda qwrılıs jwmıstarı jürip jatır.

Mädeniet jäne sport ministrliginiñ mälimdeuinşe, osınday muzey-qorıqtar biregey mädeniet eskertkişterin saqtauğa, turisterdi tartu boyınşa bäsekege qabilettilikti arttıruğa, ğılımi-zertteu, arheologiya, ağartu jäne bilim beru bağdarlamaların äzirleuge qajetti jağdaydı qamtamasız etuge mümkindik beredi.

Ayta keteyik, mädeniet salasın cifrlandıru Elbası ötken jıldıñ jeltoqsan ayında bekitken «Cifrlıq Qazaqstan» memlekettik bağdarlaması ayasında jürgizilude. Memlekettik bağdarlamanı tabıstı iske asıru Qazaqstanğa 2050 jılğa qaray älemniñ ozıq damığan 30 eliniñ qatarına kiruge jol aşadı. 

Abai.kz

12 pikir