دۇيسەنبى, 25 ماۋسىم 2018
1243 12 پىكىر 14 ماۋسىم, 2018 ساعات 13:16

تسيفرلاندىرىلعان بارلىق تاريحي-مادەني دەرەكتەر بىرىڭعاي پورتالدا قولجەتىمدى بولادى

بۇل تۋرالى قر ۇكىمەتىنىڭ ءباسپاسوز ورتالىعى الاڭىندا «رۋحاني جاڭعىرۋ» باعدارلاماسى اياسىندا «قازاقستاننىڭ كيەلى جەرلەرىنىڭ گەوگرافياسى» جوباسىن ىسكە اسىرۋ تۋرالى بريفينگ بارىسىندا مادەنيەت جانە سپورت ۆيتسە-ءمينيسترى اقتوتى رايىمقۇلوۆا ءمالىم ەتتى.

قازاقستاننىڭ تاريحي كەسەنەلەرىنىڭ تىزىمىنە تانىمال قوجا احمەت ياسساۋي، جوشى حان، قاراحان مەن ايشا-ءبيبى عيماراتتارى ەندى. كەلۋشىلەر جاڭا تەحنولوگيالاردىڭ كومەگىمەن قازاقستاننىڭ تەڭدەسى جوق مەكەندەرىمەن ۆيرتۋالدى تۇردە تانىسا الادى.

«تسيفرلاندىرىلعان نىسانداردى ءبىز بۇكىل الەمگە پاش ەتە الامىز. الەمنىڭ كەز كەلگەن نۇكتەسىنەن ادامدار 3D كورىپ قانا قويماي، سوندا بولعانداي شىنايى اسەر الا الادى»، — دەدى ا. رايىمقۇلوۆا.

ۆيتسە-ءمينيستردىڭ ايتۋىنشا، قازاقستاندا العاش رەت تانىمال قوجا احمەت ياسساۋي جانە قاراحان كەسەنەلەرى 3D-فورماتىندا تسيفرلاندىرىلدى.

«3D-تۋرلار جان-جاقتى باياندالعان، جالپىۇلتتىق جانە جەرگىلىكتى ماڭىزى بار كيەلى نىساندار بويىنشا ينتەراكتيۆتى ۆيرتۋالدى كارتا جاسالدى»، — دەپ اتاپ ءوتتى ۆيتسە-مينيستر ا. رايىمقۇلوۆا.

سونىمەن قاتار، كىتاپحانا قورى مەن تاريحي قۇجاتتار دەرەكتەرىن تسيفرلاندىرۋ بويىنشا جۇمىستار جۇرگىزىلىپ جاتىر، وندا جوبا جاڭالىقتارىنىڭ ءبىرى قازاقستاننىڭ كىتاپحانالارىنىڭ بارلىق دەرەكتەر قورىن بىرىكتىرۋ بولادى. تسيفرلاندىرىلعان بارلىق دەرەكتەر e-سulture پورتالىندا قولجەتىمدى بولادى دەپ كوزدەلگەن.

كيەلى نىسانداردى تانىتۋ ماقساتىندا ۆەدومستۆو قاسيەتتى ورىنداردا ساپار-ورتالىقتارىن اشادى. بۇگىنگى تاڭدا «ۇلىتاۋ»، «وتىرار» جانە «تاڭبالى» سەكىلدى تاريحي-مادەني مۋزەي-قورىقتاردا قۇرىلىس جۇمىستارى ءجۇرىپ جاتىر.

مادەنيەت جانە سپورت مينيسترلىگىنىڭ مالىمدەۋىنشە، وسىنداي مۋزەي-قورىقتار بىرەگەي مادەنيەت ەسكەرتكىشتەرىن ساقتاۋعا، تۋريستەردى تارتۋ بويىنشا باسەكەگە قابىلەتتىلىكتى ارتتىرۋعا، عىلىمي-زەرتتەۋ، ارحەولوگيا، اعارتۋ جانە ءبىلىم بەرۋ باعدارلامالارىن ازىرلەۋگە قاجەتتى جاعدايدى قامتاماسىز ەتۋگە مۇمكىندىك بەرەدى.

ايتا كەتەيىك، مادەنيەت سالاسىن تسيفرلاندىرۋ ەلباسى وتكەن جىلدىڭ جەلتوقسان ايىندا بەكىتكەن «تسيفرلىق قازاقستان» مەملەكەتتىك باعدارلاماسى اياسىندا جۇرگىزىلۋدە. مەملەكەتتىك باعدارلامانى تابىستى ىسكە اسىرۋ قازاقستانعا 2050 جىلعا قاراي الەمنىڭ وزىق دامىعان 30 ەلىنىڭ قاتارىنا كىرۋگە جول اشادى. 

Abai.kz

12 پىكىر