QR ÚQK Shekara qyzmetine qarasty «Qorghas» shekara beketining qyzmetkerleri tútqyndaghan qazaq әieli Sayragýl Sauytbaydyng isine qatysty jana derekter shyqty.

Býgin Taldyqorghan qalasyndaghy uaqytsha tergeu izolyatorynda (UTI) qamauda otyrghan Sayragýl Sauytbay Almaty oblystyq auruhanasyna jetkizilgen boluy bek mýmkin. Osy auandaghy aqpar «vatsap» jelisi arqyly redaksiyamyzgha jetti.

Biz Sayragýl Sauytbaydyng qorghaushysy, belgili zanger Abzal Qúspan myrzadan atalghan aqparattyng anyq-qanyghyn bilmek bolyp, habarlastyq.  Qyzmet babymen Astana qalasynda is-saparda jýrgen Abzal Qúspan myrzanyng auzynan estip bilgenimizdi jazayyq, endi.

«Sayragýl Sauytbay Taldyqorghandaghy uaqytsha tergeu izolyatorynda qamauda otyr. Ótkende ózderinizben birge tergeuge bardyq. Ol kezde jaghdayy jaqsy bolghan. Qazir Sayragýldi Almaty oblystyq auruhanasyna jetkizipti. Men ótkende Taldyqorghannan shyghyp, Almaty, Astana qalalaryna júmys babymen ketken em. Qazir Sayragýlge dereu arada barugha mýmkindigim bolmay túr. Al aqparattyng ras-ótirigine kóz jetkizu ýshin, auruhana men tergeu izolyatoryna habarlasyp súraularynyzgha әbden bolady», - dedi advokat Abzal Qúspan.

Ayta keteyik, Abzal myrzagha atalghan aqparatty belgisiz bireuler jetkizgen eken. Onda Sayragýl Sauytbaydyng Almaty oblystyq auruhanasynyng neyrohirurgiya bólimine jetkizilgendigi taygha tanba basqanday anyq aitylghan.

Biz Taldyqorghan qalasyndaghy Eskeldi by kóshesi 283-ýy degen meken-jayda ornalasqan oblystyq auruhanagha habarlastyq. Qabyldau bólimindegi medbiyke qyz ózin – Núrsúltanqyzy Alimira Túraqova dep tanystyrdy.

Songhy 1 aptanyng sheginde (19-25 mausym aralyghynda) auruhanagha jetkizilgen adamdardyng tizimin tekserip shyghyp, Sayragýl Sauytbay esimdi adamnyng tirkelmegenin aitty.

Sonan song №2-Taldyqorghan qalalyq auruhanasyna habarlastyq. Atalghan auruhana Gauhar ana kóshesi 87 degen meken-jayda ornalasqan eken.

Sodan Sayragýldi jetkizui mýmkin degen Taldyqorghan qalalyq kópsalaly auruhanasyna habarlastyq. Toqtasyn Erasyl esimdi azamat telefon tútqasyn kóterdi. Ózi kezekshi dәriger (medbrat) eken. Sayragýl Sauytbay esimdi azamatshanyng auruhanada jatqan adamdar tiziminde joqtyghyn aitty.

Taldyqorghan qalasyndaghy birneshe auruhanagha habarlasyp, Sayragýldi tappaghan son, Taldyqorghan qalasyndaghy uaqytsha tergeu izolyatoryna habarlasyp, Sayragýlding qayda ekendigin súradyq. Esim-soyy Maqsat Ensebaev degen UTI  qyzmetkeri, qabyldau bóliminde otyrghan qyzmetker bizge Sayragýlding tergeu izolyatorynda jatqanyn aitty.

«Sayragýl Sauytbay bizde jatyr. Densaulyghy jaqsy. Artynan izdep kelushiler kóp emes. Sayragýlge qatysty aqparattardy bizdegi arnayy bólimnen (spesotdel) súrap bile alasyzdar», - dedi bizge.

Ensebaev núsqaghan nomerge habarlastyq. Alayda eshkim telefon tútqasyn kótermedi.

Esterinizge sala keteyik, 22-mamyr kýni Almaty oblysy Enbekshiqazaq audanyna qarasty Bәidibek by auylynan әskery kuәligi bar eki adam Sayragýldi tútqyndap ketken. Sodan Sayragýldi «Qorghasqa» aparypty.

24-mamyr kýni redaksiyamyzgha Sayragýlding qayyn inisi Núrbolat Asan kelip, bolghan jaydy bayandap bergen. «Asan Núrbolat: Shekaralyq polisiya ókilderi «Qytay súratyp jatyr» dep jengemdi alyp ketti» atty maqala alghash bolyp «Abai.kz» aqparattyq portalynda jariya boldy. Búl qazaq qoghamynda qyzu talqylanyp, Sayragýlding ýstinen qylmystyq is qozghaldy. Sayragýl Qazaqstanda qaldyryldy.

25-mamyr kýni belgili zanger Abzal Qúspan Sayragýlding isine qatysty pikir bildirip, ony óz qorghauyna alatynyn mәlimdedi. «Sayragýl Sauytbaydy Qytaygha qaytaru – eldigimizge syn!» atty Abzal myrzanyng maqalasy «Abai.kz» aqparattyq portalynda jariyalandy.

25-mamyr. Almaty qalasynda ornalasqan Halyqaralyq Adam qúqyqtaryn qorghau úiymynyng Qazaqstandaghy burosynyng kensesinde baspasóz jiyny ótti. Oghan Sayragýlding kuyeui Uәly Sylam men balalary kelip qatysty. Bolghan jaydy BAQ ókilderine egjey-tegjeyli bayandap berdi.

Atalghan jiynnan keyin saytymyzda: «Sayragýlding qyzy: Anam qylmysker bolsa, Qazaqstannyng týrmesinde otyrsynshy» atty maqala jariya boldy.

29-mamyr. 2018 jyl. Redaksiyamyzgha shekaralyq polisiya qyzmetkerleri tútqyndaghan Sayragýl Sauytbaydyng advokaty Abzal Qúspan myrza habarlasty. Atalghan is boyynsha keybir bassyzdyq әreketter jayly ashyq aita kelip, mәlimdeme jasady. «Búl elde "әi" deytin әje, "qoy" deytin qoja - Bas prokuratura. Ol qayda qarap otyr?» atty maqala da saytymyzda jariya bolyp, qyzu talqygha týsti.

30-mamyr. Ábekeng Almatygha keldi. Sayragýl men onyng tergeushisi Vlad Antonovpen jolyghyp, iske kirisu ýshin advokat Abzal Qúspan bastap, belgili jurnalist Sәule Ábildahanqyzy, «Atajúrt jastary» eriktiler birlestigining jetekshisi Serikjan Bilәshúly, «Abai.kz» aqparattyq portalynyng redaktory, yaghny osy joldardyng avtory Núrgeldi Ábdighaniyúly bar, Panfilov audanyna, «Qorghas» shekara beketine jol tarttyq.

Búl kezde Sayragýl Sauytbay Panfilov audanynyng ortalyghy Jarkent qalasyndaghy uaqytsha tergeu izolyatorynda qamauda jatqan. Osydan song Sayragýldi Taldyqorghan qalasyndaghy uaqytsha tergeu izolyatoryna auystyrghan. Búl turaly materialmen tanysamyn degen oqyrmangha, mine silteme: https://abai.kz/post/71269

19-mausym. 2018 jyl. Sayragýlding jayyn taghy qauzamaq bolyp bir top belsendi, Sayragýlding joldasy Uәly Silәm, úly Úlaghat, qyzy Ýkilay, qaynysy Núrbolat, qogham belsendileri Sәule Ábdildahanqyzy, Cerikjan Bilәsh, Qydyrәli Orazúly jәne jurnalist Núrgeldi Ábdighaniyúly Taldyqorghangha bardyq. Osy joly advokat Abzal Qúspan tergeuge qatysyp shyqty. UTIY-daghy Sayragýlding hal-jaghdayy jayly aqparatty sol kezde jazdyq. Ol turaly myna siltemeden oqyp tanysa alasyzdar. https://abai.kz/post/72215

Osy rette aita keteyik, kýni býginge deyin Sayragýl Sauytbay isine qatysty «Abai.kz» aqparattyq portalynda  onnan asa maqala jazyldy. Osy maqalalar arqyly biz «bir adamnyng taghdyry - últtyng taghdyry» ekenin búqaragha dәleldedik dep oilaymyz.

Al Sayragýlding qazirgi jaghdayyna qatysty aqparat әli de anyqtalu ýstinde. Degenmen qúzyrly organ ókilderi tarapynan Sayragýlding densaulyghyna qatysty keybir mәlimetter jasyryn ústaluy mýmkin degen kýdigimiz de joq emes.

Sayragýlding erlikke para-par «qylmysy» - dýiim júrttyng talqysynda. Bir ghana Sayragýlding jayy - býkil Qytaydaghy qazaqtyng taghdyryn kóz aldymyzgha keltiredi. Sondyqtan da, bizding qúziretti organdar Sayragýl Sauytbaygha keshirimmen qarap, bostandyqqa shygharugha tiyis. Sayragýl sekildi azamattardyng bәrine azamattyqty jyldam jasap, óz qazaghymyzgha qorghan bola alsaq, úrpaq aldyndaghy mindetimizding oryndalghany...

Núrgeldi Ábdighaniyúly

Abai.kz