Auruhanagha baryp qayttym. Ol jaqtan shyqqanda myna tóbeni tesip, miyndy qaynatatynday ystyqqa "jalob" aitpaymyn dep sheshtim. Bola bersin ystyq! Kýidirsin meyli! Qashangha sozylar deysiz? Búl da ótpeli. Qyryq kýn shilde ótkesin ókpe keng tynys alar. Kórmey jýrgen jaz ba? Bilmey jýrgen shilde me? Sezinbegen ystyq pa edi?

Bastysy, bas aman, den sau bolsyn!

Men auruhanadan osylay jigerimdi janyp qayttym. Óitkeni...

Palatada diagnozy da, hali de auyr nauqastar jatyr edi. Biri sóiley almaydy. Tili kýrmetilgen. Su súraugha til joq, qolmen ymdayyn dese qasyndaghy nauqastar da ózi siyaqty auyr haldegi adamdar. Medbiykeni dauystap shaqyrugha mýmkindigi joq, qoly jetpeytin jerdegi bos stakannan kózin ala almay, tilimen kezerip ketken ernin qayta-qayta jalap, basyn shayqay beredi. Ornynan túryp su isheyin dese, bir jaq ayaq-qol istemeydi...
Ekinshi adam ayaq-qoly úiyp, jansyzdanyp qalghan. Qapyryq ystyqta terlep, kiyimi men tósegi su bolyp kete beredi. Terley berip moyyndary qyzaryp, bórtip ketipti. Onyng qyshityny anyq endi. Qasaqana qastyq qylghysy kelgendey ashy ter tap sol bórtken jerge qaray aghyp jatyr. Ony sýrtuge shama qayda, qol týgili sausaq qozghalmaydy. Jata berip jambas asty da janyp barady. Qozghalyp, ózine ynghayly etip bir qyrynan auysu da arman. Ystyqta qozghalyssyz jata bergennen, әri aua ótpey, terge malshynghannan arqasynyng terisi kýldirep ketipti.

Jap-jas medbiyke qyzdar kýnine eki ret nauqastardyng kiyimderin auystyryp, ózderin dushqa týsirip túrady. Qasyqtap as berip, týtikshemen su ishkizedi. Olargha da tannan keshke deyin tynym joq: әr palata arasynda shapqylap jýr. Qozghala almaytyn, sóiley almaytyn jandardyng qalauyn kózinen, ymnan týsinuge tyrysady. Salmaghy auyr nauqasty kóterip kolyaskagha otyrghyzyp, shomyldyryp, ornyna qayta jatqyzghanda ózderining de mandaylarynan ter sorghalap ketedi.

Palatada kondisioner qosu qauipti: onsyz da terge malshynyp jatqan aghzasy әlsiz qart kisilerge ýp etken jelding ózi salqyn bolyp tiyedi. Esik-terezeni ashyp qoiygha "skvoznyak" ta bolmaydy. Sondyqtan medbiykeler әlsin-әlsin jyly sugha batyrghan dәkemen nauqastardyng betin, moynyn, denesin sýrtip beredi. Anda-sanda jeldetkishti salqyny tiymesin dep teris qarata qoyady. Áyteuir barynsha amaldap jatyr. Olardyng kýn ystyghyna shaghymdanugha shamasy joq. Nauqastardyng da, medbiykelerding de. Bar maqsattary - shydau, sauyghu, sauyqtyru.

Osyny kórgende ayaq-qoly býtin, deni sau, as ta iship, sóilep te, bastysy shauyp jýrgen bizding kýn ystyghyna shaghymdanymyz óte úyat dep sheshtim.
Bilemin, kýn ystyq. Janyp túr. Jýikege tiyedi. Bola bersin ystyq! Kýidirsin meyli! Qashangha sozylar deysiz? Búl da ótpeli. Qyryq kýn shilde ótkesin ókpe keng tynys alar. Kórmey jýrgen jaz ba? Bilmey jýrgen shilde me? Sezinbegen ystyq pa edi?

Bastysy, bas aman, den sau bolsyn!

Roza Beketaevanyng Facebook-tegi paraqshasynan

Abai.kz