Düysenbi, 22 Qazan 2018
Ätteñ... 1532 3 pikir 18 Şilde, 2018 sağat 10:10

Sağıntaev Mäsimovtiñ “erligin” qaytalay ala ma?

Sırttağı qazaq qandayda bir qiındıqqa tap bolsa, eldegi qazaqtıñ mazası ketetini belgili. Küni keşe ğana Moñğoliyadağı qazaqtar qonıstanğan Bayan-Ölgey aymağında nöser jauın jauıp, 275 otbasınıñ su astında qalğanın aqparat qwraldarınan estip, bildik.

Büginde tasqın sudıñ zardabın joyuğa Moñğoliyanıñ aymaqtıq TJD, Qarulı küşterdiñ №340 bölimi, Baylanıs ornı qızmetkerlerinen qwralğan 124 adam jäne 24 tehnika jwmıldırılğanı jayında habar aldıq. 

Bizge jetken habar boyınşa 163 adamdı qauipsiz jerge köşirip, 95 adamdı Ölgey qalalıq №6 orta mekteptiñ jataqhanasına ornalasqan. Adam şığını joq, alayda seldiñ saldarınan materialdıq şığınğa batqan twrğındar bar eken.

Äzirşe tasqın sudan zardap şekken Ölgeyge qol wşın beruge Sağıntaev Ükimeti asığar emes. 

2016 jılı Bayan-Ölgeydegi qazaqtar tasqın sudıñ astında qalıp, qiın jağdayğa tap bolğanda eldegi jwrttıñ sın-eskertpesinen keyin, sol kezdegi eks-prem'er Kärim Mäsimov Moñğoliyağa atbasın bwrıp, tilsiz judan japa şekken qandastardıñ köñilin aulap, hal-jağdayın bilip, Qazaqstan Ükimeti tarapınan 200 mıñ dollar (ne degen köp aqşa deseñizşi) mölşerinde qarjılay qoldau körsetken-di. 

Ölgeydegi qandastıramız Mäsimovke «200 mıñ dollar qay jırtığımızğa jamau boladı» dep ökpe-renişin aytqan joq. Qayta Ükimet basşısınıñ izdep kelgenine mäz bolıp, bar qiındıqtı wmıtqanı esimizde. 

Aytpaqşı, däl sol sätte belgili änşi Ömirqwl Ayniyazov 200 mıñ dollarğa äreñ degen de üy salğanın aytıp, mwnşama aqşağa ne isteuge bolatın aytıp bergeni de esimizde. 

Özge bir elderdi su alıp, ört şalsa milliondağan dollardı oylanbastan bere salatın Qazaqstan Ükimetiniñ qandastıramızğa 200 mıñ dollardan artıq aqşa bere almağanına qarınmız aşqan edi. 

Bizdiñ bilik ötken jıldan beri Reseydiñ şaşbauın köterip, Siriyada qırıq pışaq bolğan taraptardıñ basın qosıp, olardıñ bärin Astanağa aldırıp, bar jağdayın jasap, arağayın bolıp jatqanın bärimiz bilemiz. 

Iä, bwl resmi Astananıñ düniejüzindegi bedelin köteru üşin qajet dünie ekenin talay şeşender jaqtarı talğanşa aytıp, sanamızğa qwyğanı jasırın emes. 

Eger tasqın sudıñ astında qalğan Ölgeydegi qazaqtarğa Ükimet qol wşın berse, abıroy-bedeldiñ astında qalıp, Sağıntaev Ükimeti halqınıñ aldında qwrmet-qoşemetke bölenip şığa kelmey me? 

Biraq bizdiñ bilik eldegi qazaqtardıñ aldında süykimdi bolğannan göri özge eldiñ aldında abıroylı, aybarlı köringendi jön sanaytın ädeti bar emes pe? 

Osı twrğıdan alıp qarağanda, aldağı uaqıtta Baqıtjan Sağıntaevtıñ Moñğoliyağa barıp, at minip, şapan kigen (ömirinde alğaş ret şığar dep oylaymız) Mäsimovtıñ «erligin» qaytalay ala ma degen swraq kökeyimizge qonaqtap qaldı. 

Eger Sağıntaev Moñğoliyağa bwrıp, Ölgeydegi qandastarımızdıñ hal-jağdayın swrasa, ondağı jwrt topan su tobığınan kelmegendey ğajayıp küyge tüsip, adam auızben aytıp jetkize almaytın eyforiyanı bastan keşer edi. 

Nwrlan Jwmahan

Abai.kz

3 pikir