Düysenbi, 16 Qırküyek 2019
Dep jatır 2041 10 pikir 8 Tamız, 2018 sağat 10:03

Vice-ministrdiñ qırıq ötirigi. Dizel' qımbattay bersin, diqandar bılq etpeydi...

QR energetika vice-ministri Bolat Aqşolaqov jağarmaydıñ, dwrısı dizel' otınınıñ  qımbattauı diqandarğa kedergi keltirmeydi dedi. Keyde bizdiñ şendi-şekpendilerdiñ osınday külkili mälimdemelerin joqqa şığarıp, söz şığındaudıñ qajeti joq. Özi ne ayttı, sonı sol küyinde oqırmanğa wsınsañ da jetkilikti. Vice-ministrdiñ resmi jañıltpaşın oqıp köriñizder. 

Vice-ministrdiñ sözine sensek, AJQS-tarda dizel' otını bağasınıñ ösui zañdı qwbılıs körinedi.

Energetika vice-ministri dizel'dik otındı twtınu köleminiñ artuınıñ negizgi faktorların ayta kelip, auıl şaruaşılığı tauarın öndiruşilerge (AŞTÖ) mwnay önimderin wstauşılar tarapınan beriletin edäuir jeñildik bar dedi.

Bolat Aqşolaqov, QR energetika vice-ministri:

- AŞTÖ üşin dizel' otınına degen arzandatılğan bağalardı zañnamalıq bekitu qwzırettiligi Energetika ministrliginde auıl şaruaşılığı üşin qarastırılmağan. AŞTÖ-ge mwnay öñdeu zauıttarınan dizel' otının jöneltu basımdıqpen iske asırıladı. Sonımen qatar, jöneltilgen otındı baqılau jäne oğan monitoring jürgizu täulik sayın orındaladı. Energetika ministrligi 2018 jılğı dala jwmıstarın twraqtı äri uaqıtılı jürgizu üşin AŞTÖ-ni jan-jaqtı qoldau şaraların qabıldap jatır.

Sonımen qatar, 2018 jıldıñ dala jwmıstarın uaqıtılı jürgizudi qamtamasız etu maqsatında Energetika ministrligi Auıl şaruaşılığı ministrligimen birlese otırıp, «2018 jıldıñ dala jwmıstarına dizel' otının jetkizu boyınşa oblıstardı MÖZ-ge bekitu kestelerin» äzirledi. Onıñ ayasında AŞTÖ-ge arnalğan jalpı ötinim tolıq kölemde qanağattandırıldı jäne 769,4 mıñ t köleminde bekitildi. Osılayşa, fermerlerge dizel'dik otın köktemde egis jwmıstarına jäne küzde astıq jinauğa jetkiziledi. Jıl basında auıl şaruaşılığı tauarın öndiruşilerge 375 mıñ tonna dizel'dik otın bölindi. Küzgi jwmıstarğa 394,4 mıñ tonna boladı.  

Energetika ministrliginiñ aqparatına säykes, jetkizu kestesi şilde–qazan aralığına belgilengen.

Osı jıldıñ şilde ayındağı jetkizu josparı 112,2 mıñ tonna kölemi kezinde jöneltilim 90,2 mıñ tonnanı nemese 80,4% qwradı. Jöneltu aqısı tölengen kölemge säykes twraqtı türde jürgiziledi. Osı jıldıñ 6 tamızındağı jağday boyınşa dizel' otınınıñ jiıntıq qorı 255,8 mıñ tonnanı qwraydı, onıñ işinde 193,1 — respublikanıñ mwnay bazalarında. Sonımen qatar, Ai-92 benzininiñ qorı 347,9 qwraydı, onıñ işinde respublikanıñ mwnay bazalarında — 299,7.

«Büginde bwl kölem tolığımen oblıstar boyınşa bölingen. Dizel' otınına qoyılğan bağalar memlekettik deñgeyde rettelmeydi. Bağa narıqta qoyıluda. Auıl şaruaşılığı tauar öndiruşilerine qatıstı bağalarğa eşqanday da memlekettik subsidiyalau qarastırılmağan. Osığan qaramastan, mwnay önimderin wstauşılar auıl şaruaşılığı tauar öndiruşilerine aytarlıqtay jeñildik jasadı. Mäselen, dizel' otınınıñ bölşek sauda bağası 1 litrine 183–187 teñge bolsa, auıl şaruaşılığınıñ qajettilikteri üşin resurs saqtauşılar dizel'di zauıttan 150 teñgeden şığarıp jatır.

Tüyin

Vice-ministrdiñ sol 150 teñgeden şığarıp jatqan jağarmayı osını oqıp otırğan qay halıqqa, qay diqanğa jetip jatır eken? Aytıñızdarşı! Egistik uaqıtı jaqındağanda basqanı bılay qoyıp, eñ qajetti dizel'di qımbattatıp jiberu ekonomikalıq diversiya dep qaldı ekonomister. Al, vice-ministr... Osını ministrdiñ özi nege mälimdemeydi? 

Şäriphan Qaysar

Abai.kz

 

10 pikir