"Almatydaghy jaghdaydy qalypqa keltiru ýshin barynsha jaghday jasalyp jatyr. Polisiya oqigha ornyna der kezinde shyqqan. Men búl jerde qylmysty qalay ashqanymyz turaly aityp otyrmyn. Qylmys saghat 14:56-da bolsa, keshki saghat 23:30-te kýdiktilerding birin ústadyq" dedi ministr Resey ishki ister ministrligi ókilderimen ótken brifing barysynda.

Qasymovtyng aituynsha, birinshi kýdikti arqyly polisiya ekinshisin ústaghan. Ýshinshi kýdikti Janar Tolybaeva qaladan kóship ketpek bolghandyqtan ony ústau qiyndyq tughyzghan. Sol ýshin Aqsay audanynda últtyq gvardiya arnayy operasiya úiymdastyrghan. Qazir kýdiktilerden jauap alynyp, saraptamalar jasalyp jatyr.

Sportshy óliminen 20 kýn ótken song qylmysqa qatysty alghash ret pikir bildirgen ministr ýsh kýdiktining de Almatygha basqa aimaqtardan kelgenin aitty.

"Ekeui - Jambyl, al taghy biri - Qyzylorda oblysynan kelgen. Ýshinshi kýdikti әiel Almatygha dayashy bolyp júmys istemek bolghan. Ústalghan eki jigit kólikterding ainasyn úrlaumen ainalysqan" dedi Qasymov.

Jiyn barysynda ministr Denis Tenning otbasymen kezdeskenin aitty.

19 shildede Almatyda qazaqstandyq mәnerlep syrghanaushy, Sochy olimpiadasynyng qola jýldegeri, Aziya oiyndarynyng chempiony Denis Ten pyshaq jaraqatynan auruhanada qaza tapqan. Sportshy qala ortalyghynda kóligining janynda әldekimder salghan pyshaq jaraqatynan auruhanagha jetkizilgen son qaytys bolghan.

Denis Tenning qazasyna kýdikti retinde 23 jastaghy Arman Qúdaybergenov pen 1994 jyly tughan Núraly Qiyasov ústalghany belgili bolghan.

Sportshynyng qazasynan keyin qazaqstandyqtar ministr Qasymovtyng otstavkagha ketuin talap etken.

Abai.kz