Düysenbi, 23 Qırküyek 2019
Jalqı swraq 2159 4 pikir 8 Tamız, 2018 sağat 19:09

Qwrdımğa birjola ketkeniñ be, telearna?

Qazir, Reseydiñ barlıq telearnaların qossañız boldı, minbeler basına şoqiıp twrıp alğan adamdar talqılanıp jatqan taqırıptarı bağıtında oyların aşıq aytıp pikir talastıradı. Aytatın sözderi, sol bayağı AQŞ bastağan Batıs elderi kapitalisterin balağattaudan artılmaydı. Men özim Reseydiñ telearnaların qaramauğa tırısamın, sebebi, olar meniñ elimniñ müddesine qayşı keletin sözderdi köp aytadı.

Qızığı, sol minbelerge şığıp alıp söyleytinderdiñ barlığı, älemdegi ekonomikalıq damığan elderinde ornıqqan demokratiyanıñ qwndılıqtardı bwrmalap, jamandaudan şarşamaydı.

Reseydegi televideniyalıq bağdarlamalardıñ küştiligi soñşa, azamtattarımız Resey sayasatkerleriniñ barlığın tanidı, atı-jönderin jatqa biledi. Bayqağanım, elimizdiñ keybir sayasi şoluşılardıñ özderi, Reseydiñ aqparattıq keñistiginde toruıldap jürip, özderiniñ özderinşe jasağan sayasi saraptamaların bizdiñ bwqaralıq aqparattıq qwraldar arqılı jariyalap otıradı.

Elimizdiñ telearnalarına keletin bolsaq, telearnalarımızdağı soñğı on jıl işinde türli sayasi jäne ekonomikalıq taqırıptardağı telebağdarlamalar müldem qwrdımğa ketti dep aytuğa boladı. Osıdan barıp, elimizdiñ jwrtı elimizde sayasi partiyalardıñ bar ekeniñ de bilmeydi. Telearnalarımız kez-kelgen taqırıptı alıp, sol taqırıptarmen baylanıstı jwmıs jasaytın mamandardı şaqırıp pikirtalastardı nege wyımdastırmaydı? Älde, bizdiñ elde pikirtalastar arqılı qoğamımızdıñ pikirin eskere atırıp şeşiletin sayasi-ekonomikalıq mäseleler joq bolıp ketti me?

Elimizdiñ telearnaları ärtürli telebağdarlamaları  arqılı memlekettegi barlıq sayasi partiyalarğa özderin elge körsetuge barınşa mümkinşilik beretin uaqıt keldi dep oylaymın. Onıñ üstine, barlıq halıqqa bolaşaqtağı barlıq saylaularğa partiyalıq tizimimen barasındar dep, ökimetimiz zañ şığardı emes pe?

Sondıqtan, ökimetimizge elimizdegi televideniyanıñ ayaq-qolın baylap wstap otıruğa bolmaydı. Bwlay jalğasa berse, elimizdiñ sayasi ahual tünertip kele jatqan şieleniske tap boladı. 

Janat Asanqali, Jezqazğan qalası

Abai.kz

 

4 pikir