سەنبى, 20 ءساۋىر 2019
جالقى سۇراق 1887 4 پىكىر 8 تامىز, 2018 ساعات 19:09

قۇردىمعا ءبىرجولا كەتكەنىڭ بە، تەلەارنا؟

قازىر، رەسەيدىڭ بارلىق تەلەارنالارىن قوسساڭىز بولدى، مىنبەلەر باسىنا شوقيىپ تۇرىپ العان ادامدار تالقىلانىپ جاتقان تاقىرىپتارى باعىتىندا ويلارىن اشىق ايتىپ پىكىر تالاستىرادى. ايتاتىن سوزدەرى، سول باياعى اقش باستاعان باتىس ەلدەرى كاپيتاليستەرىن بالاعاتتاۋدان ارتىلمايدى. مەن ءوزىم رەسەيدىڭ تەلەارنالارىن قاراماۋعا تىرىسامىن، سەبەبى، ولار مەنىڭ ەلىمنىڭ مۇددەسىنە قايشى كەلەتىن سوزدەردى كوپ ايتادى.

قىزىعى، سول مىنبەلەرگە شىعىپ الىپ سويلەيتىندەردىڭ بارلىعى، الەمدەگى ەكونوميكالىق دامىعان ەلدەرىندە ورنىققان دەموكراتيانىڭ قۇندىلىقتاردى بۇرمالاپ، جامانداۋدان شارشامايدى.

رەسەيدەگى تەلەۆيدەنيالىق باعدارلامالاردىڭ كۇشتىلىگى سوڭشا، ازامتاتتارىمىز رەسەي ساياساتكەرلەرىنىڭ بارلىعىن تانيدى، اتى-جوندەرىن جاتقا بىلەدى. بايقاعانىم، ەلىمىزدىڭ كەيبىر ساياسي شولۋشىلاردىڭ وزدەرى، رەسەيدىڭ اقپاراتتىق كەڭىستىگىندە تورۋىلداپ ءجۇرىپ، وزدەرىنىڭ وزدەرىنشە جاساعان ساياسي ساراپتامالارىن ءبىزدىڭ بۇقارالىق اقپاراتتىق قۇرالدار ارقىلى جاريالاپ وتىرادى.

ەلىمىزدىڭ تەلەارنالارىنا كەلەتىن بولساق، تەلەارنالارىمىزداعى سوڭعى ون جىل ىشىندە ءتۇرلى ساياسي جانە ەكونوميكالىق تاقىرىپتارداعى تەلەباعدارلامالار مۇلدەم قۇردىمعا كەتتى دەپ ايتۋعا بولادى. وسىدان بارىپ، ەلىمىزدىڭ جۇرتى ەلىمىزدە ساياسي پارتيالاردىڭ بار ەكەنىڭ دە بىلمەيدى. تەلەارنالارىمىز كەز-كەلگەن تاقىرىپتى الىپ، سول تاقىرىپتارمەن بايلانىستى جۇمىس جاسايتىن مامانداردى شاقىرىپ پىكىرتالاستاردى نەگە ۇيىمداستىرمايدى؟ الدە، ءبىزدىڭ ەلدە پىكىرتالاستار ارقىلى قوعامىمىزدىڭ پىكىرىن ەسكەرە اتىرىپ شەشىلەتىن ساياسي-ەكونوميكالىق ماسەلەلەر جوق بولىپ كەتتى مە؟

ەلىمىزدىڭ تەلەارنالارى ءارتۇرلى تەلەباعدارلامالارى  ارقىلى مەملەكەتتەگى بارلىق ساياسي پارتيالارعا وزدەرىن ەلگە كورسەتۋگە بارىنشا مۇمكىنشىلىك بەرەتىن ۋاقىت كەلدى دەپ ويلايمىن. ونىڭ ۇستىنە، بارلىق حالىققا بولاشاقتاعى بارلىق سايلاۋلارعا پارتيالىق تىزىمىمەن باراسىندار دەپ، وكىمەتىمىز زاڭ شىعاردى ەمەس پە؟

سوندىقتان، وكىمەتىمىزگە ەلىمىزدەگى تەلەۆيدەنيانىڭ اياق-قولىن بايلاپ ۇستاپ وتىرۋعا بولمايدى. بۇلاي جالعاسا بەرسە، ەلىمىزدىڭ ساياسي احۋال تۇنەرتىپ كەلە جاتقان شيەلەنىسكە تاپ بولادى. 

جانات اسانقالي، جەزقازعان قالاسى

Abai.kz

 

4 پىكىر