Beysenbi, 22 Tamız 2019
Sañlaq 1292 1 pikir 16 Tamız, 2018 sağat 13:08

Djakartada Qazaqstan Respublikasınıñ memlekettik tuı resmi türde köterildi

18 tamız ben 2 qırküyek aralığında Indoneziya elinde XVIII Jazğı Aziya oyındarı ötedi. Sarı qwrlıqtıñ bastı bäsekesine Qazaqstan wlttıq qwraması atınan 440 sportşı qatısadı. 

Bügin Indoneziya astanası Djakarta qalsındağı atletikalıq auılda Qazaqstan Respublikasınıñ memlekettik tuı saltanattı türde köterildi. Elimizdiñ tuın resmi türde köteru saltanatına Qazaqstan qwramasınıñ sportşıları men elimizdiñ sport salasın basqaruşı mamandar qatıstı.

Qazaqstan Wlttıq Olimpiadalıq komiteti sport Direkciyasınıñ basşısı, Aziya oyındarındağı Qazaqstannıñ sporttıq delegaciyasınıñ jetekşisi Elsiyar Qanağatov tu köteru saltanatına jinalğan sportşılarğa sättilik tilep, Aziya oyındarınıñ Qazaqstan üşin mañızdı sport dodası ekenin atap ötti.

Dübirli dodada el namısın qorğaytın barlıq sportşılarımız barın sala öner körsetip, üzdik nätije körsetip qaytadı degen ümittermiz.

Qazaqstan qwraması Aziya oyındarına 1994 jıldan beri qatısıp keledi. Sodan beri ötken altı kezekti Aziyadada elimiz sportşıları jalpı 481 medalge qol jetkizdi. Bwnıñ işende 140 altın, 141 kümis, 200 qola medal' bar ekenin ayta keteyik.

Foto: Olimpiada komitetiniñ saytı.

Abai.kz

1 pikir