جۇما, 29 ناۋرىز 2024
ساڭلاق 5376 1 پىكىر 16 تامىز, 2018 ساعات 13:08

دجاكارتادا قازاقستان رەسپۋبليكاسىنىڭ مەملەكەتتىك تۋى رەسمي تۇردە كوتەرىلدى

18 تامىز بەن 2 قىركۇيەك ارالىعىندا يندونەزيا ەلىندە XVIII جازعى ازيا ويىندارى وتەدى. سارى قۇرلىقتىڭ باستى باسەكەسىنە قازاقستان ۇلتتىق قۇراماسى اتىنان 440 سپورتشى قاتىسادى. 

بۇگىن يندونەزيا استاناسى دجاكارتا قالسىنداعى اتلەتيكالىق اۋىلدا قازاقستان رەسپۋبليكاسىنىڭ مەملەكەتتىك تۋى سالتاناتتى تۇردە كوتەرىلدى. ەلىمىزدىڭ تۋىن رەسمي تۇردە كوتەرۋ سالتاناتىنا قازاقستان قۇراماسىنىڭ سپورتشىلارى مەن ەلىمىزدىڭ سپورت سالاسىن باسقارۋشى ماماندار قاتىستى.

قازاقستان ۇلتتىق وليمپيادالىق كوميتەتى سپورت ديرەكتسياسىنىڭ باسشىسى، ازيا ويىندارىنداعى قازاقستاننىڭ سپورتتىق دەلەگاتسياسىنىڭ جەتەكشىسى ەلسيار قاناعاتوۆ تۋ كوتەرۋ سالتاناتىنا جينالعان سپورتشىلارعا ساتتىلىك تىلەپ، ازيا ويىندارىنىڭ قازاقستان ءۇشىن ماڭىزدى سپورت دوداسى ەكەنىن اتاپ ءوتتى.

ءدۇبىرلى دودادا ەل نامىسىن قورعايتىن بارلىق سپورتشىلارىمىز بارىن سالا ونەر كورسەتىپ، ۇزدىك ناتيجە كورسەتىپ قايتادى دەگەن ۇمىتتەرمىز.

قازاقستان قۇراماسى ازيا ويىندارىنا 1994 جىلدان بەرى قاتىسىپ كەلەدى. سودان بەرى وتكەن التى كەزەكتى ازيادادا ەلىمىز سپورتشىلارى جالپى 481 مەدالگە قول جەتكىزدى. بۇنىڭ ىشەندە 140 التىن، 141 كۇمىس، 200 قولا مەدال بار ەكەنىن ايتا كەتەيىك.

فوتو: وليمپيادا كوميتەتىنىڭ سايتى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594