«Býgin Astanada "Adamzat. Sheksizdik. Mәngilik" atty Euraziyalyq әdeby forumy óz júmysyn bastady. Forumdy QR Mәdeniyet jәne sport ministri Arystanbek Múhamediyúly qúttyqtau sózimen ashty. Ádeby forumgha Euraziya qúrlyghynyng týkpir-týkpirinen shetel qalamgerleri men qazaq sóz ónerining maytalmandary jinaluda» dep habarlady «Abai.kz» aqparattyq portaly.

Atalghan forum Elordamyz Astananyng 20 jyldyghyna arnalyp ótude eken. Sonday-aq, búl sharagha eki alyp qúrlyqtyng týkpir-týkpirinen óz eline ken  tanylghan, últ qalamgerleri shaqyrylypty. Dәl osynday auqymdy basqosu  1973 jyly ótkizilipti. Mine, sodan beri 45 jyl ótipti.

Óte quanyshty jaghday búl! Atalghan jiyngha sәttilik, tabys jәne nәtiyje tileymin!

Aqyn, jazushy, suretshi, kompozitor, óner iyeleri qay últtyng bolmasyn alaqanyna salyp әlpeshteytin, qúrmet tútatyn, ýmit artatyn adamdary. Últ basyna kýn tughanda, birinshi bolyp kósilip sóz aitatyn, bilek týrip aldymen maydangha shyghatyn serkeleri. Qazaq aqyny Tólegen Aybergenovting sózimen aitsaq, «búl ózi syzdaghan barlyq jaranyn auzynda jýretin» marqasqalary!

Býgingi "Adamzat. Sheksizdik. Mәngilik" atty Euraziyalyq әdeby forumgha jiylghan agha buyn aqyn jazushylar óte jaqsy biledi, 1970 jyly qazanda  AQSh kompartiyasynyng mýshesi Deyvis Andjela Ivonn ózining ozyq oily kóz qarastary ýshin «kisi ólimine qatysty» degen jalghan aiyp taghylyp, tútqyngha alynghanda, dýnie jýzining býkil kommunisteri «Tart qolyndy Deyvisten!!!» dep  dýr silkingen bolatyn. Kórdiniz be, bir Deyvis Andjela ýshin!

Býgin she?! Býgin qazaqtyng ýlken bir qanaty, qomaqty bólimi, Shynjandaghy eki milliongha juyq qandasymyz zar jútyp, zapyran qúsyp jatyr. Qazaq qana emes, úighyr, ózbek, qyrghyz, monghol, tәjik, әzirbayjan t.b. etnikalyq últ ókilderi sayasy qudalau kórude.

"Adamzat. Sheksizdik. Mәngilik" turaly әlemdik taqyrypty qauzaugha eki birdey kәri qúrlyqtyng sanlaqtaryn Astana tórine shaqyryp otyrghan Qazaqstan Jazushylar odaghynyng da sol qazaqty joqtap, Qytay Ýkimetine «Tart qolyndy qazaqtan!!!» dep bir úran tastaytyn kezi kelip túr!

«Tart qolyndy Deyvisten!!!» dep úrandatqan agha-apaylarymyzdyng bir bólimi, mýmkin, osy forymgha qatysyp otyrghan da shyghar. Sebebi, bizding qazaq qalamgerlerining ýlken buyny azamzattyng qanyn suday aghyzghan kommunistik jýiening tekpisin bir kisidey-aq kórdi, kórmegeni estidi!

Sondyqtan, men "Adamzat. Sheksizdik. Mәngilik" forumynan Shynjandaghy qazaqtardy jәne etnikalyq az últ ókilderin «Sayasy ýirenu» lagerinen bosatu, bólingen-jarylghan otbasy mýshelerin bir-birine qosu jәne qandastarymyzdyng eki el arasyndaghy barys-kelisin bayaghy qalpyna keltiru turaly Qytay Halyq Respublikasynyng preziydenti Sy Szinipin myrzagha Ýndeu jariyalauyn, ol ýndeudi Astanadaghy QHR Elshisin shaqyryp, qolyna tapsyrudy ýmit etem!

Qúrmetpen,

Auyt Múqiybek, aqyn.

Abai.kz