Qazaqstan Ishki ister ministrligining resmy ókili Almas Sadubaev Qazaqstanda poliyseyler sany sonshalyqty kóp emesin mәlimdedi. Azattyq tilshisining habarlauynsha, Sadubaev búl jayynda Astanada ýkimet jiynynan song jurnalisterding polisiya qyzmetine qatysty qoyghan saualdaryna jauabynda aitty.

Jurnalister Sadubaevtan "Poliyseyler formasyn ózgertuge ne sebep boldy?" dep súrady. Ministrlik ókili "Ýkimet qaulysynan keyin qalalyq ishki ister departamentterin polisiya departamenti dep ózgerttik. Qazir býkil әlemde, tipti kórshi elderde poliyseyler formasyn ózgertip jatyr. Polisiya formasyn auystyratyn uaqyt jetti. Forma eng bastysy ynghayly boluy kerek. Qazirgi formagha 15 jyl boldy. Qazir jana formanyng týrli núsqalaryn qarastyryp jatyrmyz" dep jauap berdi.

Halyq sany 3 million Gruziyada 20 myng poliysey qyzmet etetinin aitqan Sadubaev 18 million halqy bar Qazaqstangha 50 mynnan astam poliysey aitarlyqtay kóp emes degen pikir bildirdi. Ol әzirge formany auystyrugha qansha qarjy júmsalatynyn qazir aita almaytynyn jetkizdi.

Sadubaev "Reformadan song poliysey qyzmetining mәni ózgere me?" degen súraqqa "Biz qazir 300-den astam audandyq polisiya bóliminde halyqpen keri baylanys ornatu kenselerin ashyp jatyrmyz. Bizge keletin túrghyndardyng 70 payyzy qújat jasatugha qatysty kenes súraydy, 30 payyzy ghana aryzdanady. Múnyng barlyghy halyqpen baylanys ornatu ýshin jasalyp otyr. Barlyq ózgeristi jana jyldan keyin kóresizder" dedi.

Qazan aiynyng ortasynda ýkimet qaulysymen Astana, Almaty qalalary men birneshe oblystyng ishki ister departamentteri polisiya departamenti dep ózgertilgen.

Abai.kz