7 qarashada Astanada ótken Qauipsizdik kenesining otyrysynda Nazarbaev әleumettik zertteulerding nәtiyjesi boyynsha, Qazaqstan halqyn kommunaldyq qyzmet baghasy men bilim jәne medisina qyzmetining qymbattyghy alandatady dedi.

Qazaqstan Preziydenti ýkimet pen bas prokuraturadan tarifterding negizsiz kóteriluine jol bergen túlghalargha qatysty barlyq qúqyqtyq aktilerding zangha say oryndaluyn talap etti.

– Elektr energiyasy men jylu tarifteri mәselesi – problemanyng bir bóligi ghana. Basqa da qyzmet kórsetushi-monopolister bar. Búl auyz su, gaz, kәriz jýiesi, telefon baylanysy jәne internet ýshin kórsetiletin qyzmettermen qamtamasyz etu isine de qatysty. Monopoliyagha qarsy komiytet osy mәselelerdi de retke keltirui kerek, – dedi Memleket basshysy.

Qazaqstan Preziydenti energiya jetkizushi kompaniyalardyng osy әreketterinen túrghyndargha kelgen shyghyn kólemi 14 milliard tengege jetkenin aityp, energiyamen qamtamasyz etetin kompaniyalardyng zansyz kirisi 15 milliard tenge bolghanyn atap ótti. Sonday-aq, tekseris nәtiyjesinde jergilikti atqarushy organdar tarapynan tarifterdi tómendetu ýshin bólingen subsidiyalardyng tiyimsiz paydalanylghany anyqtalghan.

– Qapshaghay qalasynan bir ghana mysal keltireyin. Baghdarlamanyng iske asyrylu kezinde tarif eki ese ósken. Energiyamen qamtamasyz etetin qúrylghylardyng tozu kórsetkishi 53-ten 77 payyzgha úlghayghan. Barlyq qúqyq búzushylyqtar Últtyq ekonomika, Energetika ministrlikteri men jergilikti atqarushy organdar tarapynan baqylau jasalmaghandyqtan jәne olardyng әreketsizdiginen tuyndap otyr, – dedi Núrsúltan Nazarbaev.

Abai.kz