Ýrgenishti jau shapty, otqa oranghan auyldan jan saughalap, jan-jaqqa el bytyray bosty, Kórkem-Uәliyding on eki jasar sary balasy tas qaranghy týnge oranyp búta-býrgendi panalady, kenirdek ýshin qoyangha túzaq qúryp, aspandaghy sarala qazdy jerge qúlatty, tasty tasqa sýikep ot jaqty, tausylmaghan rizyghyn jedi, kýn artynan kýn ótti...

Aptap ystyq jerding apshysyn quyrady. Qúm betinde ot sharpidy.

Sary bala úiqydan kózin ashqanda qalyng atty adamdy kórdi. Ortasynda shar ainaday ýlken bórik kiygen, kelisti kelbetti, kózining jiyeginen meyir tógilgen  aq saqaldy, atagha birden kózi týsti.

- Jer beti týgel meniki degendey ayaq-qolyn tórt jaqqa kerip, әkesining tórinde jatqanday-ghoy mynau dep tamsana qarady Tóle bi, baladan tarap túrghan núrgha sýiine onyng tegin emes ekenin sezdi.

- Qaydan kelesing balam?

- Sardaladan.

- Qayda barasyn?

- Sardalagha.

- Atyng kim?

- (Anasynyng ata-tegindi eshkimge aitpa degeni esine týsken ol) Bilmeymin.

- Ákenning aty kim?

- Bilmeymin.

Mynasy qyzyq eken desti janyndaghylar kýbirlep.

Ýndemender, tynysh dep By agha atynan týsip balamen sóilesti.

Sardalada sarnaghan jetim menen jel ghana dep sardalanyng jeli yzynday  soghady. Tóle by balanyng ishki әlemin aralap shyqty, әke bolugha ózin úsyndy, úsqyny ketken, qara taban, shashy ýrpe-shýrpe bolghan sary balagha Sabalaq dep at qoydy.

***

Tólening alty qanat aq ordasynyng mama aghashy qashanda kelimdi-ketimdi adamdardyng atyna toly, kelgen kisining atyn ústap, qoltyghynan demep attandyryp saluy osy Sabalaqtyng moynynda, «tura biyde tughan joq» dep Tóle alty alashqa biylik aityp, eldi eldikke, birlikke shaqyrdy. Qúrannan nәr alyp, sýnnetpen sheshim jasap, dәstýrdi jadynda ústap, Áz Tәukening jeti jarghysyn(sharighatyn) negizge alyp qara qyldy qaq jaryp, әdil biylik aitty. Daulasa kelgenderden jaqsy menen jamandy qatar kórgen Sabalaq kóp nәrseni oigha týidi, qúmnan kebek altyn sýzgendey sanasynda zerdeledi, kókeyinde kóp nәrsening talasy boldy, solay kemeldikke úmtyldy.

Tóle biyding dәret suyn jylytyp, batasyn aldy, kóktemde týiesin baghyp, kýzde jylqysyn qarady, kókesine әbden jaqty, Tólening toghyz úlynan Sabalaqtyng zerektigi men ójetigi kýn sanap asyp otyrdy, Tólening bәibishesining ishine jyn kirdi, myna jetim toghyz úldyng aldyna shyghyp, el biyleytin týri bar, Tólening bar saltanaty osynyng basyna ornasa men búl qorlyqqa qalay shydamaymyn dep baybalam salady, ony estigen Sabalaq ór minez kórsetip, Tólening kónbesine qoymay rúqsat alyp, sardalany әueli әdetimen kezip ketti, pang dalada pandana ketip bara jatqan súlbasyna sýiine úzaq-úzaq qaraghan Tóle sar balasyn bir Allagha tapsyrdy, elding bar jýgin de ózining yqylasyn da osy balagha berdi.

***

Temir on jasynda alyp deneli alpamsa jigit boldy. Birge oinaghan balalardy esh mise tútpay, ýlken balalardy «apalatyp» ýiine jiberetin sodyr boldy. Bilmegen el on jastaghy ony týrine qarap otyzdy ensergen jigit dep topshylady. Zәulim terekti tamyrymen on ýsh jasynda qopardy, on besinde atan ógizdi iyghyna salyp zulap kete beretin boldy.

Áke baylyghyna shalqyp ósken onyng týigeni az, oiy tayaz, kónili toq edi, «men myqty» dep alyp denesi men baylyghyna barynsha sendi, ór kókirek, takapar bolyp ósti, on jetisinde ot basyn qúrdy, tórt әiel alyp, әr әielden on baladan qyryq bala tudyram dep ózinshe jospar jasady. Jastyqpen asty, tasty, әiel shyghardy, әiel ýstine әiel aldy, jasy qyryqtyng qyrqasyna keldi, shyr etken shiyki ókpege zar boldy. Qatal uaqyt ony aqyry alpyspen alqymdady, bir balagha zar bolyp, kýndiz týn zarlap jylady, Allanyng ózi bermese, pendening barma sharasy. Ashudan jaryla jazdady, ish qústasyn shygharu ýshin janyna qyryq jigit alyp, seyil qúryp sardalagha sayahatqa shyqty...

Ala qarghanyng júmyrtqany jana jaraghan balapanyn qaramay tastap ketkenin kórdi, әlsiz, sorly balapannyng ýstine shybyn-shirkey ýimeledi, shirkeyler saghyz siyaqty balapannyng sharanasyna jabysty, Temir tang qaldy, jalghasty tamashalady, balapandar birining ýstindegisin biri jep talshyq qyldy, qyryq kýn boyy ketpey qarady, qyryq bir kýn bolghanda ala qargha balapanyna keldi, sar auyz balapandar qara qanat bolyp kókke úshty.

Búl júmbaq әlemning syryn dalada úqty, mýltiksiz qyzmet kórsetip kýlimdep túrghan aigha qarady, mәr-mәr tastay tizilip, janyp-óshken júldyzdy birinshi ret kórdi. Adamdar qanday kýnә jasasa da ol esh renjimesten óz júmysyn jalghatyra beredi. Ay men kýn bolmasa dep oilap qorqyp ketti...Mizamnnyng shuaqty týnderi kýnderi men týnderi ony sonday ayap janyna rahat silady. Biyik taudyng basyna shyqty. Kenetten bir býrkit kókke samghay kóterilip kishkene zatty jerge tastady. Astyna ilezde payda bolghan ekinshi qyran sol týiirshik zatty jerge týsirmey qaghyp aldy. Kelesi týskenin de dәl solay qaghyp alyp, kókke samghap biyiktegi býrkitke aparyp beredi. Ol qayta tastaydy, janaghy býrkit kókten týsip kele jatqan zatty kóz ilestirmes jyldamdyqpen qaghady.

Tamasha kórinis... dep Temir janyndaghy qyryq jigitimen kóz almay úzaq tamashalady.

Artynsha analyq qyran býrkit qara túmsyq bolghan balapandaryn jerge laqtyrdy. Kishkene zatty jerge týsirmey ilgen atalyq býrkit lezde balapandardy esh jerge týsirmey úyasyna qayta aparyp qoyady. Solay ýsh balapandy sheshesi kóp ret jerge laqtyrdy, әkesi kóp ret tosyp aldy, aqyrynda olarda qanatyn ózderi qaghyp, kókke qalyqtap úshudy ýirendi. Solay ýsh balapan qyrangha ainalyp kókte úzaq qalyqtady.

-Týsindim Alla, - dep Temir aiqalap jiberdi, men әli ana qyranday әke bolugha dayyn bolmaghan ekenmin dep ýnsiz oy týidi.

Kókiregining kózi ashyldy, ózining jastyqpen jasaghan astamshylyghyna barmaghyn shaynady, endi bәri kesh boldy, sәjdege keldi, óksik ata ózin jek kórdi. Sol týn Temir týs kórdi týsinde alyp qyran býrkit qolyna qondy.

Tang ata jaqsylyqqa joryp, quanghan Temir bir jylqy soyghyzyp, týs sadaqasyn jasap qyryq jigitine as berdi. Týsin eshkimge aitpady.

Kesh bata, tabany tilimdelgen, balaghy jalbyraghan sabalaq sary balany Temirding jigitteri ústap әkelip qosqa kirgizdi. Qyran túmsyq, ótkir kózinen  ishtegi jalynyn bayqaghan Temirding esine birden týsi keldi...

IYen dalada jetim balagha әke bolyp saparynan eline qaytty, balaly bolghanyn jalpaq elge jar salyp úlan asyr toy jasap, týie baluan salyp, qyz qudyrtty, tenge ilip, jamby attyrdy, at jarystyryp bas bәigege jýz jylqy tikti.

Temir myng jylqysynan Sabalaqqa tandap qúlagerdi mingizdi, qamqa ton kiygizdi, kәmshat bórik kiyip, kýmis belbeu taghyndy, at ýstinde bar ónerge jatyldy. Jylqy basy Ysqaqtyng dala mektebin oqydy.

Menreu qaranghy túman shókken bir týnde Temirding myng jylqysyna jau shapty, Jylqy basy Ysqaq soyylgha jyghyldy, qúlagerdi taqymdap Sabalaq qaraqshylardy qyryq jigitpen quyp, aty shuly qyryq qaraqshyny tiridey qolgha týsirip, dýiim júrtqa on besinde aty shyqty. Sol әngime elge anyz bolyp tarady, Qanjyghaly qart Bógenbay batyr ózi izdep keldi, qypshaqtyng qara Temiri balsy Sabalaqqa batsyn berip, qas batyrgha qosty.

***

Ábilmәmbet hannyng jarlyghymen әr otbasyndaghy erkek kindik atqa qonyp, jonghargha soghystugha bar qazaq jinaldy, qalmaqtyng Sharysh batyrynyng aty aspandap aigha jetip túrdy, býgin maydangha shyqqan Qazaqtyng eki batyryn kóz ilestirmey attan súlatty, elde ýrey joq, qazaqtar sasty, jongharlar asty.... erteng songhy jekpe-jek kim shyghady belgisiz... El úiqysyz dónbekshidi, «eshkim shyqpasa, men shygharamyn»- dep seksenge kelgen qart Bógenbay dәretin janalap eki bas namaz oqyp úiqygha ketti.

Sabalaq sol týn týs kórdi, týsinde qalmaqtyng bahadýri Sharyshtyng basyn dopsha domalatyp teuip bara jatty, ornynan jenil túrdy. Kókesi Temirge týnde kórgen týsin aitty.

-Jaqsy týs, jauyndy jermen jesen etesing dep Temir, kýrektey alaqanymen betin sipap, osydan Sharysty jenseng bir sary siyr soyyp, nәzir qúrban shalayyq dedi. Álekedey jalanaghan jigitter tanghy asty patyshagha jayghanday etip dayyndaptty, buy búrqyraghan quyrdaq pen dónen qymyzdyng iysi Temirding qosynan ainalasyna sinip jatty.

Dәl sol týni Jonghardyng batyry Sharyshta týsinde Sary balanyng basyn dop qyp teuip bara jatqanyn kórdi, tanghy asta, alqaly topta, noyandardyng arasynda maqtana aitty, han Qalden-Seren sen almaytyn jau barma dep darylday aspandata kýldi...

***

Qan maydanda alyp deneli, shashyn týigen Sharysh aqyryp túr... Kýn búlttyng arsynan zorgha syghalaydy, ýp etken jel joq, kim shyghar eken búghan degendey bar tirshilik qas qaqpay qadaghalap túrghanday. Tynysyn ishne tartqan qazaqtar jaghynan Bógenbay qart, belin buyna bastady, aldyna alqyna jetken Sabalaq: batyr ata, búl jolghy kezeginizdi maghan ber dep ótindi, qart batyr qabaghat quanyp, atynan týsip, qayqy qylyshyn kóldeneng ústap batasyn berdi. Sabalaq endi Ábilmәmbet hangha keldi.

- Dәt taqsyr Han iyem dep otty janaryn qadady.

- Dәting bolsa ait balam.

- Mynau aqyrghan qalmaqtyng basyn alsam dep edim, rúqsat etseniz.

- Tym jas kórinesin, búryn maydan kórgen be edin?

- Atamyz jaudan qaytpaghan...

- Qara qazaq qamy ýshin bir jolgha rúqsat beriniz... Sharyshtyng aiqayy búl joly tipti qatty estildi.

Jiyrma jasar Sabalaq Abylaylap maydangha tura shapty, Qazaqtardyng ózi búl kim dep jan-jaghyna qarady, yrjiya, boyyna toghytpay qarysy alghan Sharysh; bala-au qozyndy baghyp jayyna jýre bermey nesine qan maydangha ólim tilep erte kelding dep qarqylday kýldi. Sabalaq oqty kózin qadap túrystyq bere jauyna kektene aibar tanytty, kóz aldynda túrghan Ýrgenishti shapqan jauyn kórdi, onyng janaryndaghy jalynnan seskengen Sharyshtyng óne-boyy dir etip, kýshi birden әlsirey bastady. Sharyshtyng kóz aldynda kishkentay bala alyp adamgha ainaldy, onyng ainalasynda qalyng adam payda boldy. Sharysh qoyqqannan qasha jónelgisi keldi, óitkenshe bolghan joq, jekpe-jek bastalyp ketti, qos batyrdyng naizasy jaryq-júryq etti, qalqan ústap qyan-keski úrys saldy, alysqa baryp qaytadan túlparlaryn tebinip, arynday tura shapty, qylyshtyng jýzinen ot sharpydy, aqyrghan dauystar búlta sindi, qon shangha bókken ekeuding qarasy kórinbey ketti, eki jaq óz Qúdaylaryna siynyp jatty, artynsha Sharyshtyng aty bos oinap shyqty. Abylaylap Qazaqtar attandap lap qoydy, Qalmaqtyng qalyng qolyn tyqsyra quyp Ilening jaghasyna biraq apardy.

Ýlken jenisten son, Abylaylap jaugha shapqan Sabalaqtyng shyn aty belgili boldy, ataqy Shynghyshannyng túqymy, Baraq hannyng úrpaghy, berisi qanisher Abylaydyng nemeresi Ábilmәnsúr, Kórkem-Uәly súltannyng úly ekeni jalpaq júrtqa jayyldy. Kókten týskendey bolghan han túqymyna tandanysyn jasyra almay, quanyshtan tóbeleri kókke jetti Qazaqtardyn.

Sabalaq Ábilmәmbet hannyng bas sardary boldy. Sol kýnnen bastap onyng Sabalaq aty da, Ábilmәnsúr degen shyn aty da atalmay, Abylay dep atap ketti býkil qazaq, jonghar, shýrshit, noghay, tatar balasy. Ataghy aspandap onyng atynyng ayaghynyng dýrsilin alystan, jerge qúlaq qoyyp tyndap qalmaqtar shoshityn boldy. Qabaghyn týksiytip, demin ishine tartyp, elding qamyn jeytin boldy, búrynghy jay qazaq onyng janyna jaqynday almay qaldy.

***

Abylay qapiyada jau qolyna týsti, sonday aidarynan jel esip túrghan shaqta, atsa oq ótpeytin, shapsa qylysh kespeytin shaghynda, qaranghy zyndangha salyndy. Men almaytyn jau joq, men myqty, men kókti tirep túrmyn degen Abylay amalsyz shoy qaranghy týnekte Jaratushysyn tanydy, ózin ózi izdedi, búta-býrgenning arasynda ash-jalanash jatqan shaghy kóz aldynan ótti, tәube, tәube dep, ornynan atyp túrdy, qazaqtyng qas batyry bolyp tútqynda otyrmyn shýkir dedi. Atasy Shynghyshan qazaq dalasyna jebedey qadalyp, ondaghy kóp halyqty qyrghanmen, sheber Jaratushy óz qolymen bәrin ornyna qoyyp, onyng ýlken úly Joshygha jәne onyng túqmdaryna osy topyraqty qayta qalpyna keltirudi jýktedi, Altyn orda, aq orda, kók orda, qazaq handyghy bәr-bәri osylar...Abylaydy bir jetiden beri jegdey jegen ishki shiryghuy, ashu-yzasy zorgha tarady.... maujyrap úiqygha ketip bardy, sheshesining eteginde jatty...ertek aita bastady...sening atalaryng handar túqymy, týrkmennen qolgha týsken meni súltannyng әieli dep «qatyn» dep mәrtebeledi...sende han bolasyn, sening de әieldering qatyn bolady.

Sen saspa, búl jerden shygha ýlken han bolasyn, sonda sen atalarynnyng jolyn jaqsy jalgha, halqynnyng qadirine jet! men jalanayaq Ázdermin seni tughanynnan qorghap kelemin, Allanyng qalauymen sening jauyng Sharystyng basyn aluda janynda bolghan bizder dep shýnirek kóz, alasa boyly, jalang bas, jalang ayaq adam kózden ghayyp boldy. Úiqysynan tez oyandy Abylay, jany sergip, ózin sonday bir jenil sezindi.

Altyn taqtyng buymen qatelik jasap aldym ba? Tóle by men Temirden alystap qalghanyna nalydy, Alladan keshirim súrap jalyndy. Býkil qazaq Abylay ýshin dúgha jasady, jalanayaq Ázder әulie kýn-týn kóz ilmey Alladan tiledi.

Toqsan adammen Tóle by Qaldenge qalyng eli qazaqtyng atynan keldi, aldaghy myng jyldar haqynda sóz etti, myna ekeumizding ornymyzda erteng basqa adamdar, basqasha sóilesip otyrady, sende, mende Qúdayymyzdyng aldyna baramyz, sonda esep beremiz degende, pandanyp otyrghan Qalden taghynan «Búrhyn, búrhyn» dep atyp túryp dualy auyz biyding sózine tez toqtady.

Zyndannyng basyna eki jaqtan adam baryp Abylaydy ordagha aldyrugha keldi, qaqpaq ashylghanda týsinde kórgen jalanayaq Ázderdi kórdi Abylay. Boyyna sonday myghym kýsh bitti.

Jauynyng aldyna ruhy biyik bolyp kelgen Abylay Qaldenning qolshoqparlarynyng hanymyzdyng aldynda tizerlep bas y degenine qaymyqpastan.

-Men qazaq degen elding qas batyrymyn, batyr maydanda tútqyngha týsse sóz, úrlap, qatynsha ústaghangha neghylghan bas iu dep, ózin pang ústap keudesine qolyn qoyyp sәlem berdi.

Sol sәtten bastap Abylaydyng óshken baghy qayta jandy, ol jau qolynda esh sasqan joq, kýnen-kýnge jaghydayy jaqsardy, ailar aunap, jyl auysty.

Jau qolynan bosap, Topyshty toqaldyqqa alyp, Qaldenge kýieu bolyp, Ámirsanamen dos bolyp oraldy. Jau qolynda sheber Alla onyng nәpisin tәrbiyelep, imanyn kózine kórsetti, eline kelgennen bastap Abylay taqualyqty myqty ústandy. Abylaydyng aibyny asqaqtay berdi, Alla Taghala onyng dәrejesin odan sayyn kóterdi. Ábilmәmbet han ornyn berip, býkil qazaq aq kiyizge salyp Abylaydy han saylady.

Han Abylay Yassauy atasyn qatty qúrmettedi, Týrkistangha әr kelgende alsytan attan týsip, jayaulap baryp әuliyege tәuip etip, artymen sheginip ketetin boldy.

***

Qara kýzde qyrghyz-qazaq soghysty. Ataqty Áteke batyr ýsh kýn boyy Abylaydyng qolyn oisyrata jenedi. Tuysqan bauyrlar qansha soghyssa da aspanda kýn kýlimdep kýnde shyghyp, keshte batyp túrdy.

– Endi qaytem, Jalanash baba?! – dep Abylay pirine qarady han shatyrda.

– Sәske kóterilgenshe ol atsa da sen atpa, ol shapsa da sen shappa. Sening oghyng olargha sәske kóterilgen song daridy – dedi Jalanash baba.

– Shatyr syrtynan estigen bir batyr: Han eke, qarap túryp, tekten-tekke qyrylamyz ba? – dep atyn ekpindetip, jaugha shaba bergende aty tulap jyghyp, ortan jiligin ýzdi.

Týske deyin qyrghyzdar ekpindetip qazaqtardy shatyrlaryna quyp tyghady, aldy, shatyrdy órtep elding ýrneyin әbden úshyrdy. Dúqa namazyn oqyp, zikir jasap otyrghan jalanayaq әuliyeden basqa janda ýrey qalmady. Abylaydyng da shydamy әbden tausyldy, janyna handy shaqyrghan әulie tizesine tizesin tiygizudi súrady, sosyn bir fatiha, úsh yqylas sharif oqyp payghambarymyz Múhammed Mústafa(s.gh.u) mýbarak ruhyna, alghashqy haifa Hazireti Ábu Bәkir(r.a) bastaghan ruhaniyattyng altyn shynjyryndaghy Allanyng sýiikti qúldarynyng mýbarak ruhyna jәne piring mening ruhyma baghyshta Alladan jetkizudi súra, artynsha jeti ret shynayy Alldan qorqyp, jasaghan kýnalaryndy eske alyp, keshirim súra, sosyn sýiikti payghambarymyzgha jeti ret salauat ait, odan song piring men Qalmúhammed Bekmúhammedúlyna baylan dedi. Áulie ózinde bardyng bәrin Abylaygha ótkizedi, jýrekten jýrekke núr aghyldy, jany tynshydy, men hanmyn, men batyrmyn, Sharyshtyng basyn sharshy topta aldym, hannyng túqymymyn degen nәpisi zorgha juasydy, ózin bir tamshy mәniyden, odan úighan qannan jaratqan Jaratushysyn oilap, óne boyy dir etti, ústazdan núr aghylyp keudesine qúiyldy, ana qúrsaghy, búl dýniye, qabyr, maqshar alany, jannat, tozaq... endi mine Abylay ruhynyng hәlibi Alla, Alla dep dýrsildep sogha bastady, qoqynysh, ýrey bәri zym-ziya joq bolyp, rahattanyp kókte praqqa minip satylap úshyp bara jatqanday kýy keshedi...

Týski asta qyrghyzdar masattanyp, bozasyn iship, әndetip duyldap yrlay bastaydy.

Kenetten Áteke esine birdene týskendey qylghyna:
– Bitimge kelsek qalay, qazaqtar ózderi jenilip túrghanda dep, batyrlaryna sholay qaraydy.

– Ne dep kettiniz aghasy-au. Jenis bizde emes pe, dep duylday kýledi basqalary.

–Sol kózim jypylyqtap tartyp barady, bir jamandyq barma dep qorqam dep Áteke batyr mingirley qalady.

–Nәdir batyr, kózim tartty dep qorqugha bolama, kóz ol jýrekting soghuymen baylanysty tarta beredi. Tórt kýn boyy jenilgen manqa qazaqtyng endi nesi qaldy, týstken keyin qalghan shatyrlaryn órtep, jerin basyp alyp, erkegin qúl, qatynyn kýng etemiz dep bozanyng buymen aspandata darylday kýldi.

– Áteke-au sizdi de batyr deydi au dep auzyn sýrtken Nәdir odan sayyn órekpidi.

– Shart ketken Áteke shatyrdan shygha eki myng qolyn jinap alatudy asyp ketti. Jalanash baba jerden bir uys topyraqty alyp, jaugha qaray shashyp, «Al, endi shabyndar!» – deydi.

Kýzding sumandaghan suyq jeli әp-sәtte Alataudyng sol qaptalyn soqyr túmangha bóktirdi, soghys maydanynda eshtene kórinbey ketti, tórt kýngi at túyaghy qighan jerden qúlan adasar shang túryp, at bauyrynan qara qan aqqan soghys bolady. Aqyrynda qyrghyzdyng ataqty batyry Jaylyhandy segiz úlymen qabat ústaghan Abylaylar jeniske jetti. Osy soghystan keyin Abylay mýlde basqa adamgha ainaldy. Imany odan sayyn kýsheygen Abalay pirining qasynda qalqada otyryp hatym jasaytyn boldy, sәrsenbi men beysenbi týn Allany kóp zikr etti. Tasbiyq namazy men tahajýt namazdaryn júma týni tastamady. Óz halqyna qamqor qolbasshy, aqylgóy dana han bolyp tolysty. Qandayda bir sheshim qabyldau qiyn sәtte Istihara namazyn oqyp Jaratushygha arqa sýiedi, onmen solyn solay rettep, qytay men orysqa syr bermedi, bas iymedi.

***

Abylay beysenbiden júmagha qaraghan tanda týs kórdi, týsinde qalyng qamystyng qasynda túrdy, kenetten qamys ózdiginen japyryldy. Artynsha qamystyng arasynan shyqqan jolbarys kerilip-sozylyp az túryp, alyp aq anggha ainalyp ketti, aq aida qasqyr, týlki, kýzenge ainaldy. Qamystan endi aidahar ysyldap shyqty. Shoshyp oyanghan Abylay dәretsiz jer baspaytyn әdetimen, tósegining ayaq jaghyndaghy jarty qysh kirpishpen tәyammým jasap, qyryq qadam jerdegi әjetqanagha bardy, bir shelek sumen ghúsyl qúiyndy, tezden Hashir sýresining songhy ýsh ayatyn oqyp, jalghap bir Fatihamen on bir Yqylas sýresin oqyp sauabyn sýiikti payghambarymyz Múhammed Mústafa(s.gh.a) baghyshtap, Ya, Alla búl týsim jaqsylyq bolsa jaqyn et, jamandyq bolsa jauyma ber! -dep betin sipady. Ishtey týsin ózi jorydy, biraq jany jay tappady.

Tang namazyn oqy sala, tang qaranghylyghymen dalagha shyqty. Týrkistannyng qúm úshyryp, kóz uqalatqan tausylmas borany Yassauy kesenesining ainalasynda joq, sonday jangha tynyshtyq syilaydy, osynda jatqan handar men súltandar onyng janyna kelgendey boldy... Songhy deminde óz kindiginen taraghan, otyz úl, qyryq qyzyna Yassauy kesenesine jerleudi ósiyet etti.

Núrhalyq Abdyraqyn

Abai.kz