Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
1896 9 pikir 28 Qaraşa, 2018 sağat 22:03

Ömirzaq Şökeev Türkistan oblısında şarualarmen Elbası joldauın talqıladı

Bügin QR Prem'er-Ministriniñ orınbasarı – Auıl şaruaşılığı ministri Ömirzaq Şökeev Türkistan oblısınıñ Sayram audanında arnayı jwmıs saparımen boldı, dep habarlaydı Türkistan oblısı äkiminiñ baspasöz qızmeti.

Elbasınıñ 2018 jıldıñ 5 qazanındağı «Qazaqstandıqtardıñ äl-auqatınıñ ösui: tabıs pen twrmıs sapasın arttıru» attı Qazaqstan halqına arnağan Joldauın talqılau maqsatımen kelgen vice-prem'er audandağı «DALA-FRUIT.KZ» JŞS men «Nurym Group» JŞS-nde bolıp, ondağı şaruaşılıqtıñ bügingi jay-küyimen tanıstı.

Eñ aldımen, «DALA-FRUIT.KZ» JŞS-niñ qarqındı bau şaruaşılığındağı birşama jetistikterge kuä bolğan Ö.Şökeev oblısta jemis-jidek, jüzim şaruaşılığınıñ egis kölemin wlğaytu, gektar tüsimdiligin arttıru mäselesi barlıq uaqıtta kün tärtibinen tüspey, ärdayım damıp kele jatqanınan habardar boldı.

Ayta ketsek, qarqındı bau şaruaşılığın memlekettik qoldaudıñ arqasında, jemis-jidek daqıldarı men jüzimniñ köpjıldıq ekpeleriniñ kölemi jıldan-jılğa wlğayuda. Sonımen qatar, bau aralıq agrotehnologiyalardı jürgizu üşin qajetti tehnikalarğa jäne satılıp alınğan şeteldik, otandıq köşetterge subsidiya tölenude. Bwl kömekter tauar öndiruşilerdiñ qarqındı bau eguge degen qızığuşılığın arttırıp, ağımdağı jılı 0,9 mıñ ga jemis, 0,4 mıñ ga jüzim, 0,2 mıñ ga jañğaq, 0,1 mıñ ga tañquray egildi.

Oblıs boyınşa jemis-jidektiñ kölemi 17,5 mıñ ga, jüzim 9,6 mıñ ga qwrap, 2018 jılı jemis-jidekten 116,4 mıñ tonna, jüzimnen 72,0 mıñ tonna önim alındı. Tauar öndiruşilerdi otandıq jemis pen jüzimniñ elitalıq köşetimen qamtamasız etu maqsatında 7 köşet öndiretin elitalıq şaruaşılıq wyımdastırılğan.

Öz kezeginde, QR Prem'er-Ministriniñ orınbasarı – Auıl şaruaşılığı ministri Prezidenttiñ Qazaqstan halqına arnağan Joldauında agroönerkäsip keşeniniñ äleuetin tolıq iske asıru kerektigin jäne negizgi mindet - eñbek önimdiligi men qayta öñdelgen auıl şaruaşılığı öniminiñ eksportın 2022 jılğa qaray 2,5 ese köbeytu turalı tapsırma bergenin aytıp, agroönerkäsip keşeninde atalğan tapsırmağa qol jetkizu üşin salanı ärtaraptandıru, onıñ işinde mal şaruaşılığın damıtudıñ alatın ornı erekşe ekenin atap ötti.

Bwl rette, Ö.Şökeevke «Türkistan oblısınıñ et klasterin» odan äri damıtu maqsatında tayauda jwmısın bastaytın Sayram audanındağı «Nurym Group» JŞS-i körsetildi. Audannıñ Mankent auılınan aşılatın mal bordaqılau alañı «Qayıp ata» JŞS-niñ enşiles wyımı bolıp tabıladı. Negizgi bağıtı - 10 000 bas iri qara maldardı bordaqılau alañında semirtu, sonımen qatar, qwrama jem cehı men mal soyu alañımen qamtu. Jobanıñ qwnı 3,456 mlrd tenge. Qarjılandıru közi - 2,368 mlrd. teñge jeke qarjısı, 1 088 mlrd tg nesielik qarjı. Bolaşaqta 80 adamdı jwmıspen qamtudı közdep otırğan seriktestik jılına 5 mıñ tonna et öndiretin boladı.

Oblısta qazirgi tañda iri qara mal sanı - 948 020 bas, onıñ işinde analığı 451 216 bas. Sıyımdılığı 176 430 bastı qwraytın şağın 10-15 bastıq 14 mıñnan astam mal bordaqılau alañdarı bar. Mwnan bölek, sıyımdılığı 18 000 bastı qwraytın 1000 bastan bastalatın 8 bordaqılau alañı bar. Jalpı, barlıq mal bordaqılau alañdarınıñ sıyımdılığı 194 430 bastı qwraydı.

Bügingi küni jalpı 7 mıñ tonna iri qara mal eti Iran men Özbekstan elderine eksporttaldı. Sıyımdılığı 5 mıñ bastıq iri qara maldı bordaqılau alañı, «Qayıp ata» JŞS-i bügingi küni Respublika boyınşa eñ ülken mal etin eksporttauşı bolıp tabıladı. Et öndiru quattılığı jılına 4 mıñ tonna.

Öñirimizge saparı soñında Ö.Şökeev qos şaruaşılıqtıñ jwmıstarına oñ bağasın berip, Elbası Joldauın iske asıruda Türkistan oblısında qarqındı bau şaruaşılığın damıtıp, öñirimizdiñ ärbir audanında iri mal bordaqılau alañdarın saludı tapsırdı.

Abai.kz

9 pikir