جۇما, 29 ناۋرىز 2024
3720 9 پىكىر 28 قاراشا, 2018 ساعات 22:03

ومىرزاق شوكەەۆ تۇركىستان وبلىسىندا شارۋالارمەن ەلباسى جولداۋىن تالقىلادى

بۇگىن قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ومىرزاق شوكەەۆ تۇركىستان وبلىسىنىڭ سايرام اۋدانىندا ارنايى جۇمىس ساپارىمەن بولدى، دەپ حابارلايدى تۇركىستان وبلىسى اكىمىنىڭ ءباسپاسوز قىزمەتى.

ەلباسىنىڭ 2018 جىلدىڭ 5 قازانىنداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋىن تالقىلاۋ ماقساتىمەن كەلگەن ۆيتسە-پرەمەر اۋدانداعى «DALA-FRUIT.KZ» جشس مەن «Nurym Group» جشس-ندە بولىپ، ونداعى شارۋاشىلىقتىڭ بۇگىنگى جاي-كۇيىمەن تانىستى.

ەڭ الدىمەن، «DALA-FRUIT.KZ» جشس-ءنىڭ قارقىندى باۋ شارۋاشىلىعىنداعى ءبىرشاما جەتىستىكتەرگە كۋا بولعان ءو.شوكەەۆ وبلىستا جەمىس-جيدەك، ءجۇزىم شارۋاشىلىعىنىڭ ەگىس كولەمىن ۇلعايتۋ، گەكتار تۇسىمدىلىگىن ارتتىرۋ ماسەلەسى بارلىق ۋاقىتتا كۇن تارتىبىنەن تۇسپەي، ءاردايىم دامىپ كەلە جاتقانىنان حاباردار بولدى.

ايتا كەتسەك، قارقىندى باۋ شارۋاشىلىعىن مەملەكەتتىك قولداۋدىڭ ارقاسىندا، جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنىڭ كولەمى جىلدان-جىلعا ۇلعايۋدا. سونىمەن قاتار، باۋ ارالىق اگروتەحنولوگيالاردى جۇرگىزۋ ءۇشىن قاجەتتى تەحنيكالارعا جانە ساتىلىپ الىنعان شەتەلدىك، وتاندىق كوشەتتەرگە سۋبسيديا تولەنۋدە. بۇل كومەكتەر تاۋار وندىرۋشىلەردىڭ قارقىندى باۋ ەگۋگە دەگەن قىزىعۋشىلىعىن ارتتىرىپ، اعىمداعى جىلى 0,9 مىڭ گا جەمىس، 0,4 مىڭ گا ءجۇزىم، 0,2 مىڭ گا جاڭعاق، 0,1 مىڭ گا تاڭقۋراي ەگىلدى.

وبلىس بويىنشا جەمىس-جيدەكتىڭ كولەمى 17,5 مىڭ گا، ءجۇزىم 9,6 مىڭ گا قۇراپ، 2018 جىلى جەمىس-جيدەكتەن 116,4 مىڭ توننا، جۇزىمنەن 72,0 مىڭ توننا ءونىم الىندى. تاۋار وندىرۋشىلەردى وتاندىق جەمىس پەن ءجۇزىمنىڭ ەليتالىق كوشەتىمەن قامتاماسىز ەتۋ ماقساتىندا 7 كوشەت وندىرەتىن ەليتالىق شارۋاشىلىق ۇيىمداستىرىلعان.

ءوز كەزەگىندە، قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى پرەزيدەنتتىڭ قازاقستان حالقىنا ارناعان جولداۋىندا اگروونەركاسىپ كەشەنىنىڭ الەۋەتىن تولىق ىسكە اسىرۋ كەرەكتىگىن جانە نەگىزگى مىندەت - ەڭبەك ونىمدىلىگى مەن قايتا وڭدەلگەن اۋىل شارۋاشىلىعى ءونىمىنىڭ ەكسپورتىن 2022 جىلعا قاراي 2,5 ەسە كوبەيتۋ تۋرالى تاپسىرما بەرگەنىن ايتىپ، اگروونەركاسىپ كەشەنىندە اتالعان تاپسىرماعا قول جەتكىزۋ ءۇشىن سالانى ءارتاراپتاندىرۋ، ونىڭ ىشىندە مال شارۋاشىلىعىن دامىتۋدىڭ الاتىن ورنى ەرەكشە ەكەنىن اتاپ ءوتتى.

بۇل رەتتە، ءو.شوكەەۆكە «تۇركىستان وبلىسىنىڭ ەت كلاستەرىن» ودان ءارى دامىتۋ ماقساتىندا تاياۋدا جۇمىسىن باستايتىن سايرام اۋدانىنداعى «Nurym Group» جشس-ءى كورسەتىلدى. اۋداننىڭ مانكەنت اۋىلىنان اشىلاتىن مال بورداقىلاۋ الاڭى «قايىپ اتا» جشس-ءنىڭ ەنشىلەس ۇيىمى بولىپ تابىلادى. نەگىزگى باعىتى - 10 000 باس ءىرى قارا مالداردى بورداقىلاۋ الاڭىندا سەمىرتۋ، سونىمەن قاتار، قۇراما جەم تسەحى مەن مال سويۋ الاڭىمەن قامتۋ. جوبانىڭ قۇنى 3,456 ملرد تەنگە. قارجىلاندىرۋ كوزى - 2,368 ملرد. تەڭگە جەكە قارجىسى، 1 088 ملرد تگ نەسيەلىك قارجى. بولاشاقتا 80 ادامدى جۇمىسپەن قامتۋدى كوزدەپ وتىرعان سەرىكتەستىك جىلىنا 5 مىڭ توننا ەت وندىرەتىن بولادى.

وبلىستا قازىرگى تاڭدا ءىرى قارا مال سانى - 948 020 باس، ونىڭ ىشىندە انالىعى 451 216 باس. سىيىمدىلىعى 176 430 باستى قۇرايتىن شاعىن 10-15 باستىق 14 مىڭنان استام مال بورداقىلاۋ الاڭدارى بار. مۇنان بولەك، سىيىمدىلىعى 18 000 باستى قۇرايتىن 1000 باستان باستالاتىن 8 بورداقىلاۋ الاڭى بار. جالپى، بارلىق مال بورداقىلاۋ الاڭدارىنىڭ سىيىمدىلىعى 194 430 باستى قۇرايدى.

بۇگىنگى كۇنى جالپى 7 مىڭ توننا ءىرى قارا مال ەتى يران مەن وزبەكستان ەلدەرىنە ەكسپورتتالدى. سىيىمدىلىعى 5 مىڭ باستىق ءىرى قارا مالدى بورداقىلاۋ الاڭى، «قايىپ اتا» جشس-ءى بۇگىنگى كۇنى رەسپۋبليكا بويىنشا ەڭ ۇلكەن مال ەتىن ەكسپورتتاۋشى بولىپ تابىلادى. ەت ءوندىرۋ قۋاتتىلىعى جىلىنا 4 مىڭ توننا.

وڭىرىمىزگە ساپارى سوڭىندا ءو.شوكەەۆ قوس شارۋاشىلىقتىڭ جۇمىستارىنا وڭ باعاسىن بەرىپ، ەلباسى جولداۋىن ىسكە اسىرۋدا تۇركىستان وبلىسىندا قارقىندى باۋ شارۋاشىلىعىن دامىتىپ، ءوڭىرىمىزدىڭ ءاربىر اۋدانىندا ءىرى مال بورداقىلاۋ الاڭدارىن سالۋدى تاپسىردى.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607