Düysenbi, 14 Qazan 2019
Bilik 674 0 pikir 5 Jeltoqsan, 2018 sağat 20:42

Senat deputatı balalardıñ qwqığın qorğau mäseleleri boyınşa qabıldau ötkizdi

Bügin QR Parlamenti Senatınıñ deputatı, QR-dağı bala qwqıqtarı jönindegi uäkil Säule Aytpaeva Atırau, Mañğıstau, Qızılorda jäne Aqmola oblıstarınıñ azamattarın balalardıñ qwqıqtarı men zañdı müddelerin qorğau mäseleleri boyınşa videokonferenc baylanıs tärtibinde qabıldau ötkizdi. Bwl turalı Abai.kz aqparattıq portalı habarlaydı.

Senatordıñ törağalığımen ötken azamattardı qabıldauğa Bilim jäne ğılım, Eñbek jäne halıqtı äleumettik qorğau, İşki ister, Qoğamdıq damu, Densaulıq saqtau ministrlikteriniñ ökilderi sonday-aq jergilikti atqaruşı organdardıñ ökilderi äkim orınbasarları, bilim, densaulıq saqtau, äleumettik qorğau, işki ister basqarmalarınıñ basşıları, ükimettik emes wyımdar qatıstı.

QR-dağı bala qwqıqtarı jönindegi uäkildiñ qabıldauında 20-dan astam azamattardıñ balalardıñ qwqıqtarı men zañdı müddelerin qorğau mäselelerine kömek körsetu jönindegi ötinişterin qarastırıldı.

Balalardıñ sapalı bilim alu qwqığı, ata-anasınıñ qamqorlığınsız qalğan balalarğa qamqorlıq jäne qorğanşılıq ornatu, densaulıq saqtauğa qwqığı, balalar üyiniñ tülekterin twrğın üymen qamtamasız etu, ata-anasınıñ ajırasuındağı balalardıñ twrğılıqtı jerin anıqtau jäne olarmen qarım-qatınas jasau tärtibi jäne t. b. özekti mäseleler asa ötkir talqılandı.

Azamattardıñ barlıq ötinişterin QR Bala qwqıqtarı jönindegi uäkil müddeli organdarmen birlese otırıp oñ şeşti.

Sonımen qatar, Qızılorda jäne Mañğıstau oblısınıñ äkimdikterine üş ötiniş beruşige  zañ jöninde, oñaltu jäne gumanitarlıq keñes körsetu mäseleleri boyınşa qajetti kömek körsetudi wsındı.

QR-dağı bala qwqıqtarı jönindegi uäkil S.M.Aytpaeva  videokonferenc baylanıs barısında jergilikti atqaruşı organdardıñ nazarın halıq arasında qajetti aqparattıq-tüsindirme jwmıstarın ötkizuge, medicinalıq kömek körsetu, balalardıñ qwqıqtarın qorğau jäne otbasılıq problemalardıñ ayqındığı mäselelerine erekşe audardı.

Abai.kz

0 pikir