Särsenbi, 16 Qañtar 2019
644 0 pikir 10 Qañtar, 2019 sağat 14:46

2018 jılı almatılıq jwmıs beruşiler 21 mlrd teñge jarna audardı

Ötken jılı Medicinalıq saqtandıru qorına Almatı qalasınan 21 mlrd teñgege juıq jarna tüsti. Al, jüye iske qosılğan 2017 jıldıñ 1 şildesinen beri oñtüstik astanalıqtar qorğa 28 mlrd teñgeden astam qarjı audarğan. Bwl turalı «Äleumettik medicinalıq saqtandıru qorı» KEAQ Almatı filialı basşısı Tileuhan Äbildaev habarladı.

Aytuınşa, bwl respublika boyınşa tüsken jarnanıñ 21 payızı. Jalpı, Almatı qalası tölengen jarna kölemi jağınan elimiz boyınşa köş bastap twr, dedi Tileuhan Äbildaev.

Esteriñizge sala ketsek, 2019 jılı jarnanı jwmıs beruşiler ğana töleydi. Biıl olar jwmısker tabısınıñ 1,5 payızı köleminde jarna audaradı. Audarım jwmıs beruşiniñ öz qarajatı esebinen jasaladı. Al, jeke käsipkerler 2019 jılı özi üşin jarna audaru mindetinen bosatılğan.

Soñğı özgeristerge säykes, elimizde biıldan bastap birıñğay jiıntıq tölem jüyesi engizildi. Birıñğay tölemge özge äleumettik tölemderden basqa MÄMS jarnası da engizilgen. Ol jiıntıq tölemdi töleuşilerge saqtandıru jüyesine qatısıp, MÄMS şeñberinde körsetiletin medicinalıq qızmetterdi paydalanuğa mümkindik bermek. Tölemdi jeke twlğalarğa qızmet körsetetin, jaldamalı jwmısşılar eñbegin paydalanbay tabıs tabatın jeke twlğalar audaradı. Jiıntıq tölem soması respublikalıq mañızı bar qala twrğındarı üşin – 1 AEK (aylıq eseptik körsetkiş), auıl-audan twrğındarı üşin – 0,5 AEK qwramaq (2019 jılı 1 AEK – 2525 teñgege teñ).

Esteriñizge sala ketsek, jinaqtalğan qarjı Wlttıq bankte saqtaladı. Bolaşaqta MÄMS paketi şeñberindegi qızmetter aqısın töleuge jwmsaladı. Elimizdiñ bas bankimen qarjını senimgerlik basqaru turalı kelisim bekitilgen.

Abai.kz

0 pikir