Särsenbi, 16 Qañtar 2019
Ruhani jañğıru 1724 6 pikir 11 Qañtar, 2019 sağat 12:16

Elbası maqalasın "wltşıl qazaqtıñ" közimen qayta oqu kerek

"Ärkim öz şamasına qaray äreket etedi"deydi qazaq...
Dwrıs-aq! Sol aytqanday, men de köp uaqıt boyı wlttıq-memlekettik tüytkildi mäseleler turalı oylarımdı Abai.kz aqparattıq portalı men "DAT" gazeti jäne "Aqiqat" jurnalı arqılı jwrtpen bölisip otırdım...

Maqsatım - elimizde azamattıq qoğam oyansa degen ümittegi ağartuşılıq äreket bolatın (ötken ğasırdağı Alaş qayratkerleri men qazaq ziyalılarınıñ jolı da osılay bolıp edi).

Biraq, gazet-jurnal-sayt qanşama tirajben şıqsa da, ol halıqtıñ belgili bir tobına ğana äser etetini belgili boldı, äri ol top (oqırmandar tobı) birşama twraqtı bolıp keledi eken...

Sondıqtan, qazirgi interaktivti zamanda "taza ağartuşılıq" ärekettiñ nätijesi mardımdı bolmaytının uaqıt däleldep berdi.

Sebebin oyladım... Söytsem... kez kelgen "ağartuşılıq" isi jalpı qoğam qwndılığı birtekti bolğanda ğana nätijege qol jetkizedi eken.

Alaş qayratkerleri zamanında qazaq qoğamı osınday - tildik jäne wlttıq dästür men mädeni twrğıda birtekti bolğandıqtan - ol arıstarımız jappay ağartuşılıqqa barın salıp, bar küş jiberin sol bağıtta sarp etti.

Al, bügingi mädeni-ruhani jağdayda, eger qolıñnan kelip twrsa, tek qana ağartuşılıqpen şektelip qaluğa bolmaytını mağan ayqın boldı - şama kelse naqtı äreketter qajet ekenin wqtım....

"Qanday äreket jasay alamın" dep oylanıp jürgenimde, mağan, oyda joqta, özim twratın audan äkimşiliginen kömek keldi (aldında patriottıq tärbie sağattarına şaqırıp twratın).

Audanımızdıñ äkimşiligine (Almatı qalası, Jetisu audanı) özi orıs bolsa da, qazaq mädenieti üşin, tili üşin janın beretin bir erekşe jigit kelgen edi... Sol jigit birde "Ağa, joğarıdan Elbasınıñ soñğı eki maqalaları boyınşa atqarılatın is-şaralardıñ jobaların swrap jatır. Tarihtan habarıñız bar ğoy, ne kömek beresiz?" dep ötiniş ayttı...

Elbası maqalaların qayta oqıp şıqtım... Men onı äkimşilik qızmetkerdey emes, "basqa közben", yağni - "wltşıl azamat" közimen qayta oqıdım... Sol arqılı men "Ruhani jañğıru" men "Dalanıñ jeti qırınan" özime qajet mağınanı taptım...

Ol maqalalardan qazaq wltın birtektilikke şaqıratın astarlı mağınanı kördim, "tarihıñdı tügende, birligiñdi küşeyt, bwrınğı babalarıñnıñ qanday bolğanın esiñe alıp, eñseñdi köter, keudeñdi tüze" degen mağınalardı sezdim äri tüsindim...

Qoğamda men sınaytın närse köp. Biraq däl osı eki maqalanı özin ziyalımın deytin är qazaq qolına alıp, öziniñ jäne wrpağınıñ bolaşağı üşin tu etip köterui tiis degen oyğa keldim...

Söytip, "joğarığa" elektrondı älemmen qalıqtap men jasağan üş joba- wsınıs ketti wşıp...

Eki-üş künnen keyin äkimşilikten jaqsı habar tüsti. Olar: "Ağa süyinşi, biz jibergen üş jobanıñ ekeui qoldauğa ie boldı. Mwnday nätije biz üşin märtebe" deydi quanıp... İştey, zamana ağımın wğa otırıp, ol jobalardıñ öterine senimdi otırsam da - oğan men de quandım...

Al, bärimizdi quantqan jobalarımız (bwl endi tek meniñ jobalarım bolıp qalmaydı - äkimşilikpen birge atqaramız, sondıqtan - bizdiki!) mınalar:

1. "SAQTARDIÑ JAUINGERLİK JORIĞI" attı at sportı jarısı.
(Bwnı elimizde ne basqa jerde bwrın soñdı bolmağan jaña oyın desem - artıq aytpaymın. Bwl - bwrınğıday alamanğa at jiberip qoyıp, qaysısı aman keler eken, kimniñ atı alar eken dep wyqısırap otıratın bäyge emes. Bwl - qımız işip alıp du-du äñgimege köşken, qanı qızğan ortağa say oyın türi, yağni, qazirgi qazaq janına layıq interaktivti tarihi - tanımdıq ŞOUJARIS bolmaq).

2. Kelesi jobamız Audan äkimşiligi janındağı bauda SADAQŞILAR TIRİN aşu bolatın...

Nege? Sebebi, ondağı maqsat biz balalarımızğa "Senderdiñ babalarıñ anaday bolğan, mınaday bolğan" dep, olardı qwr maqtan sözben toydıra bergenşe, bir uaqıt "Jür! Mında barıp sadaq tart - babalarıña wqsap baq!" dep nege aytpaymız?" degen oy boldı...

Şınında da, men nege balammen qatar twrıp, şirene sadaq tartpaymın? Beynebir, äke men wl qatar twrıp eli men jerin jaudan qorğağanday!

Tüyin: ..Aytılğan söz äreketke wlassa - qoğamdı "ağartu" qajet bolmay qaladı eken... Öytkeni, äreketşil qoğamnıñ özi-aq kimdi bolsa da oyatıp aluğa qauqarlı.

Äbdiraşit Bäkirwlı

Abai.kz

6 pikir