Senbi, 23 Aqpan 2019
46 - söz 1095 8 pikir 22 Qañtar, 2019 sağat 11:34

Jwmıs seni izdesin!

Ömir bolğan soñ özderine nemese balalarına jwmıs izdep qoñırau soğatındar köp. Deni bastarına ayaq astınan tüsken qiındıq, jwmıstağı qısqartu, mamandıqqa say qızmet tabılmaytının sıltau aytıp jatadı. Ädette adamdardıñ köbi aqşası mol, jwmısı az, papki wstaytın qızmet swraydı. Narıqtıq qatınastarda onıñ zamanı ötkeni qaşan?! Joğarı bilimi turalı eki-üş diplomı bola twrıp jwmıssız jürgenderge tipti tañ qalmaytın boldıq.

Mwnıñ sebebi nede? Aynalaña qarasañ jwmıssızdardıñ basım köpşiligi - käsibi şeberlikke jete almağandar. Qarapayım jwmıssızdar professionalizmnen göri aqşanı bastı orınğa qoyadı. Esil-derti tezdetip şaruanı bitiru, tezdetip aqşağa qol jetkizu. Sol jolda türli ayla-şarğı, qulıq-swmdıqtarğa baradı. Äygili motivaciyalıq kitaptarğa qarasañız, kerisinşe professionalizm öte mañızdı ekenin köresiz. 

Öte mıqtı peş jasauşı, mıqtı advokat, mıqtı tas qalauşı, mıqtı avtoelektrik, mıqtı şaştaraz, mıqtı aspaz, mıqtı kafel'şiik, mıqtı audarmaşı, mıqtı "kostoprav" tağı basqa mamandıq ieleri jwmıs izdemeydi. Jwmıs olardı izdeydi. Aytalıq, mıqtı aspaz, mıqtı şef-povar üşin meyramhanalar arasında köbirek jalaqı beruden jarıs ötip jatadı.

Bizdiñ qazaqtarğa käsibi şeberligin arttırudıñ ornına tapsırıs beruşini aldap-sulap, birdemesin şala-pwla istep berip künköristik pwlın alıp ketse bolğanı. Evreyler aytpaqşı, adam bir salada joğarı käsibi şeberlikke jetkende ol öz salası boyınşa aqtı - qara, qaranı - aq dep däleldeytin mümkindikke jetedi. Sol kezde ol qoğamğa ıqpal etuşi küşke aynaladı deydi. 

Sondıqtan "Torğay soysañ da qasapşığa soyğız" demekşi, "jwmıs joq" dep qarap jatqanşa ömirge qajetti bir mamandıqtı tañdap, sonı käsibi şeber deñgeyinde meñgeriñiz. Qinalasız, tipti sol biikke jetu üşin tegin isteytin keziñiz de bolar. Biraq tüptiñ tübinde Siz jwrt sanasatın, özderi izdep keletin mamanğa aynalasız. Şın jetistik degen Osı!!!

Marat Baydildäwlınıñ facebook paraqşasınan

Abai.kz

8 pikir