Särsenbi, 20 Naurız 2019
Äñgime 1206 18 pikir 12 Aqpan, 2019 sağat 12:00

Qostanaylıqtar qarapayım därigerdiñ atına köşe bermekşi

El eñsesin tiktedi. Qoğamğa bağa beretindey jağdayğa jetti. Äsirese, Qostanaydıñ qaymana qazaq, aqsaqal qauımı jaña kelgen kisiden asa ümitti ekeni körinip-aq twr. Bwl kisi anau aytqanday osal emes, auzın uäde berip ayğa da bilemeydi, wlttıq mäselege kelgende özge halıqtıñ qıbın tabuğa da asa belsendilik tanıtpaydı,  aytarın tötesinen qoyıp orındata bilui qarapayım jwrtqa tiimdi.

Bas-közsiz erlikke bara salu qiındau ärine. Şaharımız köp wlttı demekşi, bir küni äriptesterimizben lezdemedemiz. Sol kezdegi redaktorımız söylep otır. Redakciyadan junalisterdiñ birin köppartiyalı keñestiñ is-şarasına şaqırtıptı. Äñgime sol jayında.

- Aumalı-tökpeli uaqıtta kösegemiz endi kögerip, jetpis jılğı bwğaudan jaña qazaq boldıq qoy. Soğan qoğam arasında özinşe kiligetinder bar, - dep qalması bar ma?!

- Söytedi olar. Kirmey jatıp: «tör meniki» degenderdiñ onday piğılına etimiz äbden üyrenip baradı, Jäke, - dep qostap qoydı orınbasarı namıstı keyipke ene tüsip.

- Mine, sol jerlerde osınday kisilerdiñ pikirlerin nazardan tıs jibermey, uaqıtında qarsı ıqpal etu keleşek üşin mañızdı. Olar halqımızdıñ qas jauı, tüsinikti me, qas jauı, - dep «sen twr, men atayın» degen Qostanaydağı orıs belsendileriniñ birin qaldırmay tizip şıqtı...

Jañadan saylanğan äkim tağayındalğan künniñ erteñine oblıs basşısınıñ qatısuımen halıqpen kezdeskenin bilemiz. Sol jiınnan kezinde esti ağalarımız jön söz aytqan eken degen oy tüydik.

Juırda ğana qalamızdağı bilikti däriger Dmitriy Gerasimov qırşınnan köz jwmğan bolatın. Aktiv jiınında ağamızdıñ jipke tizip ketken älgi belsendileri marqwmnıñ topırağı suımay jatıp, qalamızdağı dañğılğa bergisiz «Gaşek» köşesin sol kisiniñ atına auıstırudı söz etti. Ol jayında orıs tildi basılımdar jarısa jazdı...

Kez kelgen jerden suırılıp şığatın su jaña äkimimiz Qayrat Ahmetov bwl jerde de tabandılıq tanıttı. Ata zañımızğa süyenip, bwl mäsele bes jılsız qozğalmau kerektigin şegeledi.

Negizi, bwl köşeniñ atın auıstıru köpten beri qozğalıp kele jatqanın belsendi top bilse kerek-ti. Ol turalı qazaq basılımdarına talay ret basıldı da. Jergilikti ğalım Qalqaman Jaqıp atalğan köşeni qazaqtıñ twñğış därigeri, jerlesimiz  Mwhamedjan Qarabaevtıñ atına beru turalı wsınısın talay jerde köterip, birneşe esikti tozdırğanı köz aldımızda. Sonda özimizge kelgende nege osaldıq tanıtadı ekenbiz? Boyımızdağı wlttıq namıs qayda ağayın? Gerasimov qazaq halqı üşin ne istep qoydı?

Aybek Jüzbay

Abai.kz

18 pikir