Qasiyetti júma kýni jastar meshitke qaray aghylady. Nege deysiz be? Búl súraqqa naqty jauap joq. Óitkeni әrkimning jauaby әrtýrli. Biri shynymen de uaghyz tyndap, namaz oqugha barsa, biri kerisinshe. “Kerisinshe” degen qalay? Qazirgi uaqytta “hayp” degen bәle boldy emes pe? Áleumettik jelide ataghyn shygharghysy keletin jastardyng sany jetkilikti. Sol bir jalghan әlemning ishinde ózin “inabatty, imandy” etip kórsetu ýshin nege barmaydy desenshi?!

Eki 16-17 jasar qyzdardyng әngimesine qúlaghym shalynyp qaldy. Birinshisi: “Osy júma meshitke baryp atama qúran baghyshtap qaytayyqshy birge” - dep, úsynys jasady. Al, ekinshisi: “Eger maghan meshitting ishinde “instagramgha” salarlyq, layyqty fotosuret jasap beremin desen, barugha bolady, nege barmasqa?”- dep, ózining kishigirim talabyn qoydy. Qúrbysy birden kelise ketti. Ángimeleri birden “ýstimizge ne kiyemiz, qanday oramaldyng týsi fotosurette әdemi bolyp kórinedi…” - degen oigha syiymsyz aqyldasularymen jalghasty

Sonda Imannyng ornyn Instagramnyng basqany ma ? Shynymen, meshitke kirseng boldy qoldarynan týspeytin telefondarymen  jan-jaqty suretke týsirip, ózderi de “selfiyletip” jatady. Osynday jәiitterdi kórgende qalay ishing kýimeydi?!  Sol surtterin úyalmay jelige salyp “Júma mýbәrәk bolsyn. Ár músylman júma sayyn meshitke baruy tiyis” - dep jazyp qoyatyndary da kezdesedi. Tipti bir әr júma qalmay jýrgendey.

Áriyne kýshtep imangha shaqyru dúrys emes, biraq “tәrbie - tal besikten” demekshi, ata-ana balasynyng jastayynan imandy bolyp ósui ýshin ter tógui kerek emes pe? Mýmkin keybirining ata-anasy júmystan qoldary bosay almay, tәrbiyeni balanyng ónegesine dúrys sindire almay jýrgen bolar? Búl jerde de bәrin birdey kinәlәy almaysyn. Bes sausaq birdey emes qoy. Ne bolsa da az ghana uaqytty bólip balagha meshitting qanday jer ekenin, ol jerge nege baratynyn, ol kimning ýii ekenin aityp týsindiru artyq bolmaydy.

Meshitting ishinde suretke týsudi qoyyp, úrlyqtyng da kóbeyip jatqanyn bayqap jýrmiz. Allanyng ýiinde úrlyq jasau degen ne súmdyq? Jastardyng Qúdaydyng qúdiretinen qoryqpaghany ma ?! Búl is-әreketting sony nemen ayaqtalatynyn bilmey, anghaldyqqa salynatyny taghy da – jastar. Sonda jas qyzdar men jigitterding oiyn ózgertu ýshin ne isteumiz kerek? Olardyng tandaulary ózge emes iman bolsa eken dep tileymin. Al siz ata-ana retinde balanyzdyng osynday is-әreketke barghanyn qalar ma ediniz ?

Jauabynyz “joq” bolsa, tәrbiyege qazirden nazar audarghanynyz jón bolar.

Diara Tólebekqyzy

Abai.kz