Särsenbi, 21 Tamız 2019
Bilgenge marjan 14138 12 pikir 21 Naurız, 2019 sağat 10:50

Qauipsizdik Keñesi qanday wyım?

Qazaqstannıñ Twñğış Prezident – Elbası: «...Men Qazaqstan Respublikasınıñ Prezidenti retindegi ökilettigimdi toqtatu jöninde şeşim qabıldadım» – dedi. Jäne tağı da: «...Özderiñiz bilesizder, zañdarımızğa säykes men Twñğış Prezident – Elbası (Wlt köşbasşısı) märtebesine ie boldım. Eleuli ökilettigi bar Qauipsizdik Keñesiniñ törağası retinde qızmet ete beremin. «Nwr Otan» partiyasınıñ Törağası, Konstitutciyalıq Keñestiñ müşesimin.» – dep ötti.

Twñğış Prezident – Elbası degen kim?

Swraq Twñğış Prezident – Elbası (Wlt köşbasşısı) degen qanday märtebe degen swraqqa 2000 jılı 20 şildedegi bekitilgen QR Twñğış Prezident – Elbası turalı Konstituciyalıq Zañı naqtı jauap beredi. Atalğan zañnıñ 1-bap. Qazaqstan Respublikası Twñğış Prezidentiniñ — Elbasınıñ märtebesi jäne ökilettigi – degen bapta bılay dep körsetilgen:

Qazaqstan memlekettiligin qwrudıñ bastauında twrğan jäne demokratiyalıq, zayırlı, qwqıqtıq jäne äleumettik memleket retinde egemen Qazaqstandı damıtuğa asa zor üles qosqan Qazaqstan Respublikasınıñ Twñğış Prezidenti Elbası bolıp tabıladı.

Qazaqstan Respublikasınıñ Twñğış Prezidentine — Elbasına onıñ tarihi missiyasına baylanıstı ömir boyı:

1) Qazaqstan halqına, memlekettik organdar men lauazımdı adamdarğa memlekettik qwrılıstıñ, eldiñ işki jäne sırtqı sayasatı men qauipsizdiginiñ asa mañızdı mäseleleri boyınşa tiisti memlekettik organdar men lauazımdı adamdar mindetti türde qarauğa jatatın bastamalar jasau;

2) Qazaqstan Respublikası Parlamenti men onıñ palatalarınıñ aldın da, respublika Ükimetiniñ otırıstarında el üşin mañızdı mäselelerdi talqılau kezinde söz söyleu; Qazaqstan halqı Assambleyasın basqaru; Qazaqstan Respublikasınıñ Qauipsizdik Keñesin basqaru; Qazaqstan Respublikası Konstituciyalıq Keñesiniñ qwramına kiru qwqığı tiesili.

Memlekettiñ işki jäne sırtqı sayasatınıñ negizgi bağıttarı boyınşa äzirlenetin bastamalar Qazaqstan Respublikasınıñ Twñğış Prezidentimen — Elbasımen kelisiledi.

Qauipsizdik Keñesi Törağasınıñ qwzireti qanday?

Öz mälimdemesinde: «...Eleuli ökilettigi bar» – dep astın sızıp körsetken Elbası N.Ä.Nazarbaev törağa retinde qızmet ete beretin  Qauipsizdik Keñesi qanday wyım? Bwl swraqqa jauaptı biz Qwrmetti N.Nazarbaev mırzanıñ qolımen 2018 jılğı 5 şildedegi   bekitilgen QR Qauipsizdik Keñesi turalı Zañınan tabamız.  Zañda bılay dep jazılğan: 1 tarau. Jalpı erejelerine qaraytın bolsaq:

1. Qazaqstan Respublikasınıñ Qauipsizdik Keñesi (bwdan äri – Qauipsizdik Keñesi) işki sayasi twraqtılıqtı saqtau, konstituciyalıq qwrılıstı, memlekettik täuelsizdikti, aumaqtıq twtastıqtı jäne halıqaralıq arenada Qazaqstannıñ wlttıq müddelerin qorğau maqsatında Qazaqstan Respublikasınıñ Prezidenti qwratın jäne Qazaqstan Respublikasınıñ wlttıq qauipsizdigi men qorğanıs qabiletin qamtamasız etu salasında birıñğay memlekettik sayasat jürgizudi üylestiretin konstituciyalıq organ bolıp tabıladı.

2. Qazaqstan Respublikasınıñ Twñğış Prezidentine – Elbasına onıñ tarihi missiyasına baylanıstı Qauipsizdik Keñesin Törağa retinde basqaru qwqığı ömir boyı tiesili.

3. Qauipsizdik Keñesiniñ qwramın Qazaqstan Respublikasınıñ Prezidenti Qauipsizdik Keñesiniñ Törağasımen kelise otırıp qalıptastıradı.

Konstituciyalıq Keñes müşesi qanday qwqıqqa ie?

Qazaqstan Respblikası Konstituciyasınıñ 6 bölimi tolığımen Konstituciyalıq Keñeske onıñ müşeleriniñ qwqığına arnalğan. Ata zañnıñ 6 böliminiñ 1 tarmağına säykes: Respublikanıñ eks-Prezidentteri qwqığı boyınşa ğwmır boyı Konstituciyalıq Keñestiñ müşeleri bolıp tabıladı. Endi, atalğan böliminiñ 5 tarmağın tolığımen wsınamız. Onda: Konstituciyalıq Keñestiñ Törağası men müşelerin özderiniñ ökilettigi merzimi işinde twtqınğa aluğa, küştep äkeluge, oğan sot tärtibimen belgilenetin äkimşilik jazalau şaraların qoldanuğa, qılmıs üstinde wstalğan nemese auır qılmıstar jasağan retterdi qospağanda, Parlamenttiñ kelisiminsiz qılmıstıq jauapqa tartuğa bolmaydı.

Sonımen, 1991 jılı Täuelsizdik alğan Qazaqstanımızdıñ memleket retinde örkendeui jolında erekşe eñbek etken twlğa Nwrswltan Äbişwlı endi Qazaqstan Respublikasınıñ Prezidenti emes. Alayda, Prezident emes eken dep köñil-küyimizdi eş tüsiruge bolmaydı. Ol Qazaqstan Respublikasınıñ Twñğış Prezidenti – Elbası. N.Nazarbaevtıñ bwl qızmetiniñ qwzireti – kelesi Qazaqstan Respublikasınıñ Prezidenti qwzireti men ökilettigin on, tipti jüz orap aladı.

Qazaqstan Respublikası Prezidentiniñ resmi saytında Qazaqstan Respublikasınıñ Twñğış Prezidenti – Elbası N.Ä.Nazarbaevtıñ şeşimderi şığa bastadı. Aqparat betine şıqqan eñ birinşi aqparat betinde jariyalanğan şeşim «Mahmwd Bazarqwlwlı Qasımbekovtı Qazaqstan Twñğış Prezidenti – Elbası Keñsesiniñ Basşısı bolıp tağayındalsın – dep astına  Qazaqstan Respublikasınıñ Twñğış Prezidenti – Elbası N.Ä.Nazarbaevpen bekitilgen. Eñ qızığı aqpartta, äleuemmettik jelide alğaş jariyalansa da bwl şeşim № 2 şeşim eken. Al, №3 şeşimde: «A.A. Bisembaevtı Qazaqstan Respublikasınıñ Twñğış Prezidenti – Elbasınıñ Kömekşisi – Qazaqstan Respublikasınıñ Prezidenti İs Basqaruşısınıñ Birinşi orınbasarı bolıp tağayındalsın» – delingen. Bwl şeşim de Qazaqstan Respublikasınıñ Twñğış Prezidenti – Elbası N.Ä.Nazarbaevpen bekitilgen. Swraq. № 1 şeşim qayda? Ol şeşimniñ Kim üşin şığarılğanın biletin şığarsızdar?

Qarapayım halıq üşin eldiñ tınış bolğanı auaday qajet! Prezidentter keledi, ketedi. Al, Otanımız Qazaqstan mäñgi qaladı. El basqaruğa kelgen azamat Qazaqstannıñ bwdan da mıqtı boluına jwmıs jasay bersin!

Bwl jazbamızda, Ata zañ men Zañdardı bap-bap, tarmaq-tarmaq etip taramday, taldaudı oqırmannıñ enşisine qaldırdıq.

Erkinbek Serikbay

Abai.kz

12 pikir