Ua, qazaqtyng balasy! Sening kýshing – birlikte! Basyndy qos! Bólingendi bóri jeydi! Osy otyrghan qay-qaysymyz óler ólgenshe bar qazaqtyng basy qosylyp, azattyghyn alatyn Úly kýn ýshin qyzmet eteyik! Ant ettik soghan!

Sening kýshing – tilinde! Ataly sózge toqtaghan, Ananyng tilin qúrmet tútqan halyqpyz! Qazaq bolyp tuyldyq, qazaq bolyp jan bereyik! Tilinen aiyrylghan últ, dilinen aiyrylady! Dili joq últ - qúlmen ten! Qúl ghana qojayynynyng tilinde sóileydi! Óitkeni ol – qúl! Qúl bolmayyq, Alashqa adal úl bolayyq! Ant ettik soghan!

Sening kýshing – dininde! Dinine adal kezde sen Allanyng qúzyryndasyn. Qúdaydan basqagha bas iymeysin! Tizeng tek namazda ghana býgilsin! Al dininnen aiyrylsang – imanynnan aiyrylghanyn. Imansyz adam basqynshynyng aram asyn iship auyzyn aramdar, sol aram auyzben últyna qarsy sóz aitar. Jauynyng kýnәhty aram ghadetterin ýirenip, últtyng abyroyyn lastar! Lút Payghambar túsyndaghyday erkek pen erkek, әiel men әiel әueyi bolady! Úrpaghyng azghyndaydy! Qyzyng әrkimning mazaghyna ainalyp, ong jaqta otyryp bala tabatyn bolady. Úldaryng araq pen kýnәgha batqan namyssyz, imansyz ezge ainalady. Janymyz keudemizde túrghanda dinimizge adal bolamyz! Ant ettik soghan!

Sening kýshing – Jerinde! Ár sýiemin qorgha jauynnan! Ol jerde sening ata-babannyng sýiegi jatyr! Ol jerge solardyng qany tógilgen! Jaudyng aram tabanyna taptatpa! Óz basyndy ajalgha tik! Biraq jerindi jaugha berme! Jersiz sen Otansyzsyn! Qayda baryp kýn kóresin? Ol sening –Mekken! Ol sening – janyn! Janymyzdy beremiz, biraq jerimizdi eshkimge bermeymizI Ant ettik soghan!

Sening kýshing – salt-dәstýrinde! Odan aiyrylsang últ boludan qalasyn! Jerindi iyelengen, elindi qúldanghan elding dәstýrin siniresing boyyna. Últtyq tektiliginnen aiyrylasyn! Teksizge ainalasyn! Qazaqtyng salty - ýlkendi qúrmet tútady. Anasyn ardaq tútady! Ýlkenning aldynan qiya ótpeydi. Jetimin jylatpaydy! Jesirin qanghytpaydy! Qanyn búzbaydy! Qazaqtyng saltyn saqtasaq qana mәngilik últ bolamyz! Ant ettik soghan!

Sening kýshing – dombyranda! Sening kýshing – kýilerinde! Sening kýshing - jyr, termelerinde! Sening kýshing – hissa, dastandarynda! Sening kýshing - dalany terbetken dәstýrli әnderinde! Sol ruhaniyatty, dombyrany eshqashan óltirmeymiz! Janymyz – arymyzdyng sadaqasy! Qazaqtyng jerin, elin, ruhyn, dombyrasyn mәngi saqtaymyz! Ant ettik soghan!

...Keshe ghana jazyp bitirgen Qúrmanghazy kýishi turaly anyz ben aqiqatqa qúrylghan "Qabir qazghan" atty әngimem keyipkerimning osynday sózdermen ayaqtalady. Osydan eki ghasyrgha juyq búryn bolghan oqigha jelisimen jazylghan búl әngimede auyzbirlikting bolmauynan qalay Tәuelsizdigimizden aiyrylyp bodan elge ainalghanymyz turaly da sóz bolady.

Aytayyn degenim, osy aitylghandardy býgin de biz ústanym etuimiz kerek. Jeke bas, jýz, ru, klandyq mýddeden últtyq, memlekettik mýddeni joghary qoyayyq. Qoghamdy osyghan tәrbiyeleyik. Aqiqatty aitu kerek, әriyne. Desek te, әrqaysynyzdyng pikiriniz jinala kele qoghamdyq pikirdi qúraytynyn eskersek, bir auyz sóz jazsaq ta últqa birlik, yntymaq әkeletin dýniyeler jazayyq.

Ádilbek Qabanyng facebook paraqshasynan

Abai.kz