Jeksenbi, 15 Qırküyek 2019
Ekonomika 1870 5 pikir 18 Mamır, 2019 sağat 15:01

XXI ğasırdağı qarjı ortalıqtarınıñ roli qanday bolmaq?

Qarjılıq habtar elge investiciya tartu kölemin arttıra ala ma? Şeteldik sarapşılar AHQO jwmısına qanday bağa berdi? Osı jäne özge de swraqtardıñ jauabın Astana ekonomikalıq forumına söz boldı.
“Intalandıruşı ösim: adamdar, qalalar, ekonomika” taqırıbında ötip jatqan biılğı forumda XXI ğasırdağı qarjı ortalıqtarınıñ roli qanday boladı degen taqırıp ta talqığa salındı. Az uaqıt işinde Orta Aziya men Tayau Şığıs, Şığıs Europa elderiniñ, Qıtay men Moñğoliya, Resey elderiniñ qarjılıq narığın jalğay bilgen AHQO ökilderi de atalmış jiınnan tıs qalmadı. Osı orayda, AHQO Basqaruşısı Qayrat Kelimbetov AHQO-nı qwru ideyasına toqtalıp ötti.
“AHQO-nı qwrudıñ negizgi ideyası özge qarjı ortalıqtarımen baylanıstıratın ekojüye men hab qwru boldı. Sonımen birge, AHQO-nıñ bastı maqsatı - investorlardı tartu jäne öñirde üzdik investiciyalıq klimat qwru bolıp sanaladı”,-dedi AHQO Basqaruşısı.
AHQO jwmısına şeteldik mamandar da oñ bağa berdi. Olar AHQO-nıñ osı öñirde boy köterui tarihi-mañızdı şeşim dedi.
“Ekonomikalıq damu nüktesi büginde Batıstan Şığısqa qaray ığısuda. Sonıñ jarqın däleli - siz ben bizdiñ bügin osı jerde, osı öñirde basqosuımız bolıp otır. Sol sebepti AHQO-nıñ osı öñirde boy köterui - mañızdı şeşim dep oylaymın”,-dedi BWW ESKATO Damu mäselelerine
arnalğan qarjılandıru jäne makroekonomikalıq sayasat jönindegi direktor Hamza Ali Malik.
Eske salsaq, AHQO 2019 jıldıñ naurızında Älemdik qarjı ortalıqtarı indeksinde (Global Financial Centres Index) 37 satığa köterilip, 102 orınnıñ 51 ornına jayğasqan bolatın. Al Şığıs Europa men Ortalıq Aziya öñiri boyınşa ortalıq birinşi orındı ielendi. Sonımen qatar ortalıq «Islam qarjısına institucionaldıq qoldau körsetkeni üşin», «Islam qarjısı
salasında sayasattı qwrğanı üşin» jäne «Adam kapitalın damıtudağı bastamaları üşin» islam qarjısı salasındağı Global Islamic Finance Awards (GIFA) attı beldi jüldeniñ birden üş marapatına ie boldı.
Büginde AHQO alañına Qazaqstan, AQŞ, BAÄ, Singapur, Qıtay, Wlıbritaniya, Germaniya jäne Franciya elderinen jüz kompaniya tirkelip ülgerdi. Bir jıl işinde Sberbank, Master Card, Visa, Euroclear, ERG, SAP, «Damu» qorı sındı iri kompaniyalarmen ıntımaqtastıq turalı memorandumğa qol qoyıldı. AHQO özine tirkelgen kompaniyalar sanın 2020 jılğa deyin 500-ge jetkizudi josparlap otır.

5 pikir