Seysenbi, 25 Mausım 2019
46 - söz 1672 10 pikir 5 Mausım, 2019 sağat 11:08

"Äleumettik jelidegiler divan batırlar" degen stereotipterden ketuimiz kerek

"Sayasatqa aralaspa", "sen sonşalıqtı kimsiñ", "öz jöniñdi bil", "äleumettik jelidegiler divan batırlar" degen stereotipterden ketuimiz kerek. Mwnı bizge bilik pen biliktiñ soyılın soqqan blogerler, osı jüyeniñ jalğasqanın qalaytın azamattar tıqpalap keledi. Barlıq örkenietti elderde azamattar sayasi belsendi, äleumettik jelide de öz oyların erkin bildiredi. Eger AQŞ pen Batıs elderinde basqaşa bolsa moyındar edim ol jaqta azamattar passivti, sayasatqa müldem aralaspaydı, äleumettik jelide sayasat turalı jazbaydı, tek eñbek etedi dep. Biraq, ol ötirik! Örkenietti elderde xalıq jwmısın da isteydi, sayasatta da belsendi. Tipti AQŞ prezidentine deyin äleumettik jelide qalay jwmıs isteytinin älem jwrtşılığı körip otır. Tramp saylauğa tüskende däl osı SMM-ge köp aqşa qwyu arqılı jeñiske jetti. Keşegi saylauda Ukraina prezidenti Volodimir Zelens'kiy de osı äleumettik jelige köp qarajat bölgen.

Bizde öz oyıñdı erkin bildirer äleumettik jeliden özge platforma da joq. Ne sayasi partiya, ne Parlament, ne ükimette bäseke, özgeşe oy aytu degen joqqa tän. Keşegi 5 jılda bir keletin kandidattar arasındağı debattı kördiñizder. Prezidenttikke kandidattardıñ söz söyleuine 90 sekundtan bergen biliktiñ söz bostandığına, kreativti oylar men sındarğa degen közqarasın osıdan-aq tüsine beruge boladı. Qazirgi avtoritarlı jüyege qoğamnıñ tım-tırıs jüre bergeni jaqsı. "Habar" men "Egemenge" sengen xalqı bolsa bilgenin isteytin eski jüyeniñ jalğasa bergenin qalaydı.

Qazaqstan xalqı sayasatqa belsendi aralasu arqılı ğana bwl jüyeniñ bey-bereket bassızdığın toqtata aladı. Äueli ekonomika dep 30 jılda kelgen jerimiz osı. Endigi kezek sayasi reformada. Bizdiñ bilik aşıq bäsekege şığudan qorqadı. Eşqaşan, eşkimmen bäsekege tüspese de jabıq esiktiñ arğı jağında otırıp alıp özin aqıldı sanaytın elitamız bar. Bwl señdi bwzu üşin Qazaqstan xalqınıñ sayasi belsendiligi, azamattıq qoğam qwruğa degen wmtılısı qajet. Sondıqtan sayasatta belsendi bolıñızdar! XXI ğasırdıñ jaña mümkindikterin barınşa qoldanıñızdar!

Bauırjan Serikbaydıñ facebook paraqşasınan

Abai.kz

10 pikir