Jeksenbi, 15 Qırküyek 2019
Aymaq 1974 2 pikir 5 Mausım, 2019 sağat 15:31

Qızılorda oblısı auızsumen qamtuda aldıñğı qatarda

Elimiz boyınşa Qızılorda oblısı sumen qamtamasız etudiñ birıñğay operatorı qwrılğan alğaşqı öñir sanaladı. Al eldi mekenderdi sumen qamtu boyınşa respublikada ekinşi orında (Almatı oblısı - 89%, Qızılorda oblısı - 83%) twr, - dep habarlaydı Abay-aqparat.

Oblıstıq energetika jäne twrğın üy-kommunaldıq şaruaşılıq basqarmasınıñ basşısı Medet Usainnıñ:

– Qızılorda oblısında ortalıqtandırılğan sumen qamtamasız etude birqatar jetistikke qol jetkizgen. 2017 jıldıñ mausım ayına deyin Qızılorda oblısında oqşau auızsu jüyesin paydalanatın 10 mekeme jwmıs istedi. Alayda osı mekemeler twtınuşılardı auızsumen üzdiksiz qamtamasız ete almadı. Sebebi, jergilikti jerde käsibi mamandardıñ tapşılığı, materialdıq-tehnikalıq bazanıñ älsizdigi, arnayı tehnikalarınıñ bolmauı, tömen jäne är türli tarifpen sumen jabdıqtau jüyesin dwrıs paydalanbauğa äkeldi. Sondıqtan oblıstağı "QazSuŞar" mekemesi "Aral" filialınıñ materialdıq-tehnikalıq äleuetin paydalanu üşin, audandardağı lokaldı su beruşi mekemelerdi Filialdıñ teñgerimine berip, respublikada alğaş bolıp öñirde Birıñğay operator qwrıldı, - dep atap ötti.

Birıñğay operator qwru arqılı birqatar tüytkilderdi tüyini tarqağan. Aytalıq, täulik boyı su alatın auıldıq eldimekender sanı 88-den 145-ke deyin köbeyse, oqşau (lokaldı) su paydalanuşılarğa birıñğay tarif bekitildi (386,95 teñge/m3), materialdıq-tehnikalıq bazası jaqsarğan. Sonıñ nätijesinde twtınuşılar tarapınan tüsetin arız-şağım äldeqayda azayğan.

Qazirgi tañda öñirde 235 eldimeken bar. Qalalıq eldimekenderdegi halıqtıñ 98 payızı ortalıqtandırılğan su jüyesine qosılsa, auıldıq eldimekenderdiñ 83 payızı toptıq su qwbırları jäne su taratu jüyesi bar skvajinalar arqılı ortalıqtandırılğan su jüyesine qosılıp, 427,8 mıñ adamdı nemese auıldağı halıqtıñ 97 payızın qamtidı. Al qalğan 39 eldimeken (16,8%) ortalıqtandırılmağan jüyeden (oqşau skvajinalar, qwdıqtar, tasımal arqılı) su twtınuda. «Bwl negizinen halqı az auıldar jäne onda su jüyesin salu ekonomikalıq twrğıdan tiimsiz» - dep atap ötti M.Usain.

Esteriñizge bolsa, Qızılorda oblısınıñ äleumettik- ekonomikalıq damuınıñ 2019-2022 jıldarğa arnalğan Keşendi josparı bekitildi. Keşendi josparğa äleumettik mañızı bar jalpı qwnı 29 mlrd teñge bolatın sumen jabdıqtau jäne su bwrudıñ 14 jobası engizilgen edi. Osı jobalar iske asqan kezde 111 mıñ adam sapalı auızsumen qamtılmaq.

Abai.kz

2 pikir