Senbi, 21 Qırküyek 2019
999 2 pikir 7 Mausım, 2019 sağat 13:59

Qazaqstannıñ Twñğış Prezidentine «Qwrmetti senator» märtebesi berildi

Parlament Senatınıñ plenarlıq otırısı bastalmas bwrın Nwrswltan Nazarbaevqa «Qwrmetti senator» märtebesin beru räsimi ötkizildi.

Elbası barlıq deputattarğa qoldau körsetkeni jäne eñbegin joğarı bağalağanı üşin alğıs ayttı.

– Köpşiligiñizben soñğı 30 jıl boyı birge jwmıs istep kelemiz. Biz köptegen qiındıqtı birge ötkerdik. Mağan «Qwrmetti senator» märtebesin beru turalı şeşim qabıldağandarıñız üşin şınayı rizaşılığımdı bildiremin, – dedi Nwrswltan Nazarbaev.

Qazaqstannıñ Twñğış Prezidenti qolğa alğan reformalardı tiimdi jüzege asıru isinde Parlamenttiñ sapalı zañ şığaru qızmetiniñ mañızdı ekenin erekşe atap ötti.

– Elimiz bükil älemge tanımal boldı. Ekonomikamız damıp, azamattarımızdıñ twrmıs deñgeyi arttı. Biz memleketti jañğırtuğa bağıttalğan birneşe bağdarlama qabıldadıq. Sizder sol qwjattardı jüzege asıruğa belsene atsalısıp kelesizder. Reformalardıñ tabıstı boluı sizderdiñ jwmıstarıñızğa baylanıstı, – dedi Elbası.

Nwrswltan Nazarbaev qoğamnıñ twraqtılığın nığaytu jäne damudıñ strategiyalıq bağdarınıñ sabaqtastığın qamtamasız etu üşin prezidenttik ökilettigin toqtatu turalı şeşim qabıldağanın ayttı.

– Bizdiñ bastı jetistigimiz – eldegi twraqtılıq pen tınıştıq. Älemdik qoğamdastıqtıñ qabıldağan şeşimime bildirgen pikirine tañ qaldım. Biz bükil älemge bilik tranzitine qatıstı mäseleni qalay şeşuge bolatının körsettik, – dedi Elbası.

Soñında Nwrswltan Nazarbaev täuelsiz Qazaqstandı odan äri damıtu jäne örkendetu isinde jastardıñ mañızdı röl atqaratının atap ötti.

Qazaqstan Respublikasınıñ Twñğış Prezidenti – Elbasını
Baspasöz qızmeti

Abai.kz

2 pikir