Düysenbi, 23 Qırküyek 2019
2265 5 pikir 7 Mausım, 2019 sağat 14:34

Elbası Joldauına say därigerlerdiñ jalaqısı 30 payızğa ösedi

Elbasımız Nwrswltan Äbişwlı Nazarbaev 2018 jılı besinşi qazanda joldağan Joldauında Qazaqstan halqınıñ ömir süru deñgeyin bügingiden de joğarlatu kerek ekenin ayttı. Däl osı Joldaudıñ İİ tarmağı "halıqtıñ twrmıs sapasın arttıru" dep ataladı. Al osı taraudıñ altınşı tarmağında "Medicinalıq qızmet sapası halıqtıñ äleumettik köñil-küyiniñ asa mañızdı komponenti bolıp sanaladı" dep ayqın atap ötken.

Elbası öziniñ halıqqa arnağan osı Joldauında "Alğaşqı medicinalıq-sanitarlıq kömek körsetetin qızmetkerlerdi ıntalandıru üşin 2019 jıldıñ 1 qañtarınan bastap aurulardı emdeu isin basqarudıñ jaña täsilderin engizgen uçaskelik medicina qızmetkerleriniñ jalaqısın kezeñ-kezeñmen 20 payızğa köbeytudi tapsıramın" - degen edi. Äri osı maqsatta kelesi jılı byudjetten arnayı 5 milliard teñge bölinetinin aytqan bolatın.

Elbası tapsırmasına say, äsirese auıldıq jerlerde alğaşqı medicinalıq-sanitarlıq kömektiñ qoljetimdi boluın qamtamasız etudiñ mañızdılığı közde wstalğan. Mine wlt köşbasşısınıñ osı anıq tapsırmalarına say biılğı jılı Densaulıq saqtau ministrligi bir qatar naqtı şaralardı qolğa aldı. Onıñ qatarında Joldauda aytılğanday därigerlerdiñ jalaqısın köteru mäselesi de bar.

Jaqında ğana Qazaqstan Respublikası Densaulıq saqtau ministrliginiñ baspasöz qızmeti taratqan aqparatqa sensek,  densaulıq saqtau jüyesiniñ qızmetkerleriniñ jalaqsı biıl mausımnıñ soñında  30 payızğa deyin joğarlaytın körinedi. Bwl elimizdegi aqqalattı abzal jandar üşin ğana emes, är bir twrğın üşin quanıştı jañalıq. Jalaqısı joğarlağan därigerlerdiñ qızmet körsetu sapası da joğarlaytını sözsiz.

Atalğan aqparattıñ anıq-qanığı mınaday: biılğı jıldıñ  mausım ayınıñ ayağında densaulıq saqtau jüyesiniñ barlıq qızmetkeri 30 payızğa joğarlağan jalaqı aladı. Basqaşa aytqanda medicina salasınıñ 400 mıñğa juıq qızmetkeriniñ aylığı atalğan kölemde joğarlaydı degen söz.

Endi osı aqparattı taratıp aytuğa tırıssaq, densaulıq saqtau salasındağı barlıq qızmetkerleriniñ jalaqısı birinşi mausımnan bastap köterildi deuge tolıq negiz bar. Biz birneşe ret qaytalap otırğan densaulıq saqtau salasındağı qızmetkerler degen söz kimderdi qamtidı? Olar: negizgi qızmetkerler – däriger, medbike, provizor, psiholog, akuşer, fel'dşer, farmacevt, äleumettik qızmetkerler qatarlı mamandar; bwlardan tıs qosımşa qızmetkerler de bar. Olar  – is jürgizuşi, hatşı, operatordı qamtidı. Al tehnikalıq qızmetkerlerge mınalar jatadı:  sanitarlar, aula tazalauşı, kölik jürgizuşi, qarauıl; Bwlardan tıs tağı äkimşilik qızmetkerler de bar. Olar mınalar – programmist, esepşi, kadr boyınşa inspektorlar; Emzana üşin eñ mañızdı twlğalar basqaruşı qızmetkerler men basşılar jäne olardıñ orınbasarların, bas esepşini qospay ketuge tağı bolmaydı. Demek, osı atalğan qızmet ieleriniñ bäriniñ jalaqısı Elbası Joldauına say joğarlağalı otır.

Al bwl qızmetkerlerdiñ ösken jalaqısı qaydan tölenedi degen zañdı swraq qoyıları sözsiz. Endi osığan jauap ereyik. Bwl jalaqılar «Respublikalıq byudjet esebinen qarjılandırılatın mekeme, qazınalıq käsiporın jwmısşılarına,  azamattıq qızmetkerlerge eñbekaqı töleu jüyesi turalı» Qazaqstan Respublikası Ükimetiniñ  № 1193 qaulısı jäne Qazaqstan Respublikası Densaulıq saqtau ministrliginiñ  Qazaqstandağı densaulıq saqtau salası qızmetkerleriniñ salalıq käsipodağı, densaulıq saqtau jüyesindegi «SENIM» salalıq käsipornı jäne Qazaqstan Respublikası Wlttıq densaulıq saqtau palatası arasındağı  kelisim negizinde joğarı köterilip, tölenedi degen söz.

Bwl jerde erekşe ayta keterligi, densaulıq saqtau salasındağı qızmetkerlerdiñ jalaqısı olardıñ lauazımına jäne jwmıs ötili men kvalifikaciyalıq kategoriyasına qaray ösetin boladı. Bwl degeniñiz, wzaq jıldar boyı halıqtıñ densaulığı üşin ter tökken aqqalattılardıñ qaltası basqalarğa qarağanda qalıñday tüsedi degen sözi. Bwl öte oñ özgeris turdıratın boladı. Aylığı artqan är qızmetker halıq üşin qalıtqısız qızmet körsetuge tırısatın boladı.

Joğarıda aytqanımızday, bwl şara Elbasınıñ 2018 jılı 5 qazandağı Qazaqstan halqına arnağan Joldauında bergen  tapsırması ayasında jüzege asıp jatır. Elbası Nwrswltan Nazarbaev bastağan osınday igi şaralardı qazirgi prezident Qasım-Jomart Toqaev ta tabandı türde jalğastıruda. Demek, elimizdiñ ekonomikası bwrınğıday qarqınmen dami tüsedi degen söz.

Abai.kz

 

 

5 pikir