بەيسەنبى, 21 قاراشا 2019
2362 5 پىكىر 7 ماۋسىم, 2019 ساعات 14:34

ەلباسى جولداۋىنا ساي دارىگەرلەردىڭ جالاقىسى 30 پايىزعا وسەدى

ەلباسىمىز نۇرسۇلتان ءابىشۇلى نازارباەۆ 2018 جىلى بەسىنشى قازاندا جولداعان جولداۋىندا قازاقستان حالقىنىڭ ءومىر ءسۇرۋ دەڭگەيىن بۇگىنگىدەن دە جوعارلاتۋ كەرەك ەكەنىن ايتتى. ءدال وسى جولداۋدىڭ ءىى تارماعى "حالىقتىڭ تۇرمىس ساپاسىن ارتتىرۋ" دەپ اتالادى. ال وسى تاراۋدىڭ التىنشى تارماعىندا "مەديتسينالىق قىزمەت ساپاسى حالىقتىڭ الەۋمەتتىك كوڭىل-كۇيىنىڭ اسا ماڭىزدى كومپونەنتى بولىپ سانالادى" دەپ ايقىن اتاپ وتكەن.

ەلباسى ءوزىنىڭ حالىققا ارناعان وسى جولداۋىندا "العاشقى مەديتسينالىق-سانيتارلىق كومەك كورسەتەتىن قىزمەتكەرلەردى ىنتالاندىرۋ ءۇشىن 2019 جىلدىڭ 1 قاڭتارىنان باستاپ اۋرۋلاردى ەمدەۋ ءىسىن باسقارۋدىڭ جاڭا تاسىلدەرىن ەنگىزگەن ۋچاسكەلىك مەديتسينا قىزمەتكەرلەرىنىڭ جالاقىسىن كەزەڭ-كەزەڭمەن 20 پايىزعا كوبەيتۋدى تاپسىرامىن" - دەگەن ەدى. ءارى وسى ماقساتتا كەلەسى جىلى بيۋدجەتتەن ارنايى 5 ميلليارد تەڭگە بولىنەتىنىن ايتقان بولاتىن.

ەلباسى تاپسىرماسىنا ساي، اسىرەسە اۋىلدىق جەرلەردە العاشقى مەديتسينالىق-سانيتارلىق كومەكتىڭ قولجەتىمدى بولۋىن قامتاماسىز ەتۋدىڭ ماڭىزدىلىعى كوزدە ۇستالعان. مىنە ۇلت كوشباسشىسىنىڭ وسى انىق تاپسىرمالارىنا ساي بيىلعى جىلى دەنساۋلىق ساقتاۋ مينيسترلىگى ءبىر قاتار ناقتى شارالاردى قولعا الدى. ونىڭ قاتارىندا جولداۋدا ايتىلعانداي دارىگەرلەردىڭ جالاقىسىن كوتەرۋ ماسەلەسى دە بار.

جاقىندا عانا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ءباسپاسوز قىزمەتى تاراتقان اقپاراتقا سەنسەك،  دەنساۋلىق ساقتاۋ جۇيەسىنىڭ قىزمەتكەرلەرىنىڭ جالاقسى بيىل ماۋسىمنىڭ سوڭىندا  30 پايىزعا دەيىن جوعارلايتىن كورىنەدى. بۇل ەلىمىزدەگى اققالاتتى ابزال جاندار ءۇشىن عانا ەمەس، ءار ءبىر تۇرعىن ءۇشىن قۋانىشتى جاڭالىق. جالاقىسى جوعارلاعان دارىگەرلەردىڭ قىزمەت كورسەتۋ ساپاسى دا جوعارلايتىنى ءسوزسىز.

اتالعان اقپاراتتىڭ انىق-قانىعى مىناداي: بيىلعى جىلدىڭ  ماۋسىم ايىنىڭ اياعىندا دەنساۋلىق ساقتاۋ جۇيەسىنىڭ بارلىق قىزمەتكەرى 30 پايىزعا جوعارلاعان جالاقى الادى. باسقاشا ايتقاندا مەديتسينا سالاسىنىڭ 400 مىڭعا جۋىق قىزمەتكەرىنىڭ ايلىعى اتالعان كولەمدە جوعارلايدى دەگەن ءسوز.

ەندى وسى اقپاراتتى تاراتىپ ايتۋعا تىرىسساق، دەنساۋلىق ساقتاۋ سالاسىنداعى بارلىق قىزمەتكەرلەرىنىڭ جالاقىسى ءبىرىنشى ماۋسىمنان باستاپ كوتەرىلدى دەۋگە تولىق نەگىز بار. ءبىز بىرنەشە رەت قايتالاپ وتىرعان دەنساۋلىق ساقتاۋ سالاسىنداعى قىزمەتكەرلەر دەگەن ءسوز كىمدەردى قامتيدى؟ ولار: نەگىزگى قىزمەتكەرلەر – دارىگەر، مەدبيكە، پروۆيزور، پسيحولوگ، اكۋشەر، فەلدشەر، فارماتسەۆت، الەۋمەتتىك قىزمەتكەرلەر قاتارلى ماماندار; بۇلاردان تىس قوسىمشا قىزمەتكەرلەر دە بار. ولار  – ءىس جۇرگىزۋشى، حاتشى، وپەراتوردى قامتيدى. ال تەحنيكالىق قىزمەتكەرلەرگە مىنالار جاتادى:  سانيتارلار، اۋلا تازالاۋشى، كولىك جۇرگىزۋشى، قاراۋىل; بۇلاردان تىس تاعى اكىمشىلىك قىزمەتكەرلەر دە بار. ولار مىنالار – پروگرامميست، ەسەپشى، كادر بويىنشا ينسپەكتورلار; ەمزانا ءۇشىن ەڭ ماڭىزدى تۇلعالار باسقارۋشى قىزمەتكەرلەر مەن باسشىلار جانە ولاردىڭ ورىنباسارلارىن، باس ەسەپشىنى قوسپاي كەتۋگە تاعى بولمايدى. دەمەك، وسى اتالعان قىزمەت يەلەرىنىڭ ءبارىنىڭ جالاقىسى ەلباسى جولداۋىنا ساي جوعارلاعالى وتىر.

ال بۇل قىزمەتكەرلەردىڭ وسكەن جالاقىسى قايدان تولەنەدى دەگەن زاڭدى سۇراق قويىلارى ءسوزسىز. ەندى وسىعان جاۋاپ ەرەيىك. بۇل جالاقىلار «رەسپۋبليكالىق بيۋدجەت ەسەبىنەن قارجىلاندىرىلاتىن مەكەمە، قازىنالىق كاسىپورىن جۇمىسشىلارىنا،  ازاماتتىق قىزمەتكەرلەرگە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ  № 1193 قاۋلىسى جانە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ  قازاقستانداعى دەنساۋلىق ساقتاۋ سالاسى قىزمەتكەرلەرىنىڭ سالالىق كاسىپوداعى، دەنساۋلىق ساقتاۋ جۇيەسىندەگى «SENIM» سالالىق كاسىپورنى جانە قازاقستان رەسپۋبليكاسى ۇلتتىق دەنساۋلىق ساقتاۋ پالاتاسى اراسىنداعى  كەلىسىم نەگىزىندە جوعارى كوتەرىلىپ، تولەنەدى دەگەن ءسوز.

بۇل جەردە ەرەكشە ايتا كەتەرلىگى، دەنساۋلىق ساقتاۋ سالاسىنداعى قىزمەتكەرلەردىڭ جالاقىسى ولاردىڭ لاۋازىمىنا جانە جۇمىس ءوتىلى مەن كۆاليفيكاتسيالىق كاتەگورياسىنا قاراي وسەتىن بولادى. بۇل دەگەنىڭىز، ۇزاق جىلدار بويى حالىقتىڭ دەنساۋلىعى ءۇشىن تەر توككەن اققالاتتىلاردىڭ قالتاسى باسقالارعا قاراعاندا قالىڭداي تۇسەدى دەگەن ءسوزى. بۇل وتە وڭ وزگەرىس تۋردىراتىن بولادى. ايلىعى ارتقان ءار قىزمەتكەر حالىق ءۇشىن قالىتقىسىز قىزمەت كورسەتۋگە تىرىساتىن بولادى.

جوعارىدا ايتقانىمىزداي، بۇل شارا ەلباسىنىڭ 2018 جىلى 5 قازانداعى قازاقستان حالقىنا ارناعان جولداۋىندا بەرگەن  تاپسىرماسى اياسىندا جۇزەگە اسىپ جاتىر. ەلباسى نۇرسۇلتان نازارباەۆ باستاعان وسىنداي يگى شارالاردى قازىرگى پرەزيدەنت قاسىم-جومارت توقاەۆ تا تاباندى تۇردە جالعاستىرۋدا. دەمەك، ەلىمىزدىڭ ەكونوميكاسى بۇرىنعىداي قارقىنمەن دامي تۇسەدى دەگەن ءسوز.

Abai.kz

 

 

5 پىكىر