Jeksenbi, 8 Jeltoqsan 2019
Alasapıran 2719 5 pikir 10 Mausım, 2019 sağat 15:48

Saylauda qanday zañsızdıqtar äşkere boldı?

Keşe elimizde kezekten tıs Prezident saylauı ötti. 7 kandidat qatısqan bwl sayasi doda – şın mäninde bwrınğı saylaudan özge edi. Onıñ sebebi – özin oppoziciya sanaytın elge belgili Ämirjan Qosanovtıñ saylauğa tüsui. Elde özgeris boladı dep sengen halıqtıñ biraz böligi Ämirjan mırzanıñ kandidaturasın jaqtap, tipti saylau nätijesi bwrmalanbauı üşin erikti türde baqılauşı bolıp jattı. Sonımen, olar qanday zañsızdıqtardı äşkereledi?

Bwl - äleumettik jelide keñ taralğan videolardıñ biri. Birneşe byuletendi qatar alıp, keminde bes adamnıñ atınan dauıs bermek bolğan bwl zañsızdıq  saylau baqılauşılarınıñ nazarına ilikti.

;t=7s

Al, mınau Qızılorda qalasında bolğan desedi. Bir mwğalim kiimin auıstırıp, ekinşi ret dauıs berip jatır. Jalpı, mwnday jağdaylar saylau kezinde jii boladı desedi. Al, osı jolı naqtı közimiz jetip otır. Alayda, bwl - mwğalimder üşin qalıptı tirlik siyaqtı...

Tağı bir Zañsızdıq -  Mañğıstau oblısında bolğan. Öñirdegi 11-şağın audannıñ №21 saylau uçaskeskesinde  saylau komissiyasınıñ törayımı baqılauşılarğa saylau nätijesi körsetilgen hattamanı beruden bas tarttı. Jäne, eş sebebin aytpastan, esikten şığıp ketken.

Osığan wqsas jağday Almatı qalasındağı №49 saylau uçaskesinde de orın aldı. Komissiya törağası Bijanov Atığay Bürkitbaywlı baqılauşılardıñ erkin jwmıs isteuine kedergi jasap, saylau ayaqtalar twsta baqılauşılarğa saylau nätijesi körsetilgen hattamanı beruden bas tarttı. Sonday-aq, Bijanov mırza öziniñ pensiyağa şıqqanın jäne eşkimnen qorıqpaytının alğa tarttı. Al, komissiya qwramındağı №62 mektep mwğalimderi baqılauşılarğa tım belsendi bolmaudı eskertip, "eşkimniñ äkesin saylap jatqan joqpız ğoy" dep reniş bildirgen.

Al, mına beyneköriniste saylauğa kelgen egde jastağı äyel adamnıñ atınan oğan deyin bireu dauıs bergen. Biraq, ol jüyeniñ qalay jüzege asqanı äzirge belgisiz.

Tüyin.

Biz äleumettik jeli arqılı taralğan saylaudağı zañsızdıqtardıñ bir böligin ğana körsettik. Al, mwnday videolardıñ tım köp ekenin jäne dereu öşirilip jatqanın eskersek, Ortalıq saylau komissiyası tez arada osı Zañsızdıqtardı anıqtap, kinäli adamdarğa şara qoldanuı tiis.

Nwrbike Bekswltanqızı

Abai.kz

5 pikir