سارسەنبى, 18 قىركۇيەك 2019
الاساپىران 2245 5 پىكىر 10 ماۋسىم, 2019 ساعات 15:48

سايلاۋدا قانداي زاڭسىزدىقتار اشكەرە بولدى؟

كەشە ەلىمىزدە كەزەكتەن تىس پرەزيدەنت سايلاۋى ءوتتى. 7 كانديدات قاتىسقان بۇل ساياسي دودا – شىن مانىندە بۇرىنعى سايلاۋدان وزگە ەدى. ونىڭ سەبەبى – ءوزىن وپپوزيتسيا سانايتىن ەلگە بەلگىلى ءامىرجان قوسانوۆتىڭ سايلاۋعا ءتۇسۋى. ەلدە وزگەرىس بولادى دەپ سەنگەن حالىقتىڭ ءبىراز بولىگى ءامىرجان مىرزانىڭ كانديداتۋراسىن جاقتاپ، ءتىپتى سايلاۋ ناتيجەسى بۇرمالانباۋى ءۇشىن ەرىكتى تۇردە باقىلاۋشى بولىپ جاتتى. سونىمەن، ولار قانداي زاڭسىزدىقتاردى اشكەرەلەدى؟

بۇل - الەۋمەتتىك جەلىدە كەڭ تارالعان ۆيدەولاردىڭ ءبىرى. بىرنەشە بيۋلەتەندى قاتار الىپ، كەمىندە بەس ادامنىڭ اتىنان داۋىس بەرمەك بولعان بۇل زاڭسىزدىق  سايلاۋ باقىلاۋشىلارىنىڭ نازارىنا ىلىكتى.

;t=7s

ال، مىناۋ قىزىلوردا قالاسىندا بولعان دەسەدى. ءبىر مۇعالىم كيىمىن اۋىستىرىپ، ەكىنشى رەت داۋىس بەرىپ جاتىر. جالپى، مۇنداي جاعدايلار سايلاۋ كەزىندە ءجيى بولادى دەسەدى. ال، وسى جولى ناقتى كوزىمىز جەتىپ وتىر. الايدا، بۇل - مۇعالىمدەر ءۇشىن قالىپتى تىرلىك سياقتى...

تاعى ءبىر زاڭسىزدىق -  ماڭعىستاۋ وبلىسىندا بولعان. وڭىردەگى 11-شاعىن اۋداننىڭ №21 سايلاۋ ۋچاسكەسكەسىندە  سايلاۋ كوميسسياسىنىڭ ءتورايىمى باقىلاۋشىلارعا سايلاۋ ناتيجەسى كورسەتىلگەن حاتتامانى بەرۋدەن باس تارتتى. جانە، ەش سەبەبىن ايتپاستان، ەسىكتەن شىعىپ كەتكەن.

وسىعان ۇقساس جاعداي الماتى قالاسىنداعى №49 سايلاۋ ۋچاسكەسىندە دە ورىن الدى. كوميسسيا توراعاسى بيجانوۆ اتىعاي بۇركىتبايۇلى باقىلاۋشىلاردىڭ ەركىن جۇمىس ىستەۋىنە كەدەرگى جاساپ، سايلاۋ اياقتالار تۇستا باقىلاۋشىلارعا سايلاۋ ناتيجەسى كورسەتىلگەن حاتتامانى بەرۋدەن باس تارتتى. سونداي-اق، بيجانوۆ مىرزا ءوزىنىڭ پەنسياعا شىققانىن جانە ەشكىمنەن قورىقپايتىنىن العا تارتتى. ال، كوميسسيا قۇرامىنداعى №62 مەكتەپ مۇعالىمدەرى باقىلاۋشىلارعا تىم بەلسەندى بولماۋدى ەسكەرتىپ، "ەشكىمنىڭ اكەسىن سايلاپ جاتقان جوقپىز عوي" دەپ رەنىش بىلدىرگەن.

ال، مىنا بەينەكورىنىستە سايلاۋعا كەلگەن ەگدە جاستاعى ايەل ادامنىڭ اتىنان وعان دەيىن بىرەۋ داۋىس بەرگەن. بىراق، ول جۇيەنىڭ قالاي جۇزەگە اسقانى ازىرگە بەلگىسىز.

ءتۇيىن.

ءبىز الەۋمەتتىك جەلى ارقىلى تارالعان سايلاۋداعى زاڭسىزدىقتاردىڭ ءبىر بولىگىن عانا كورسەتتىك. ال، مۇنداي ۆيدەولاردىڭ تىم كوپ ەكەنىن جانە دەرەۋ ءوشىرىلىپ جاتقانىن ەسكەرسەك، ورتالىق سايلاۋ كوميسسياسى تەز ارادا وسى زاڭسىزدىقتاردى انىقتاپ، كىنالى ادامدارعا شارا قولدانۋى ءتيىس.

نۇربيكە بەكسۇلتانقىزى

Abai.kz

5 پىكىر