Senbi, 20 Şilde 2019
Aymaq 915 0 pikir 13 Mausım, 2019 sağat 11:08

Qazalılıq käsipker tıñ şaruanı qolğa aldı

Qızılorda oblısı, Qazalı audanında twñğış ret joğarı sapalı kafel'ge arnalğan kley şığaratın ceh iske qosıldı,- dep habarlaydı Abay-aqparat.

Atalğan audanğa jaqın ornalasqan Janqoja batır auılınıñ twrğını Almagül Tölepova tıñ şaruanı bastau üşin «Auılşaruaşılığın qarjılay qoldau qorı» AQ arqılı 3,5 mln teñge nesie alıptı. Jeke käsipker jobanı jüzege asıru maqsatında qwral-jabdıqtar men arnaulı apparattardı Şımkent qalasınan aldırğan eken. Jwmısşılar arnayı apparattıñ kömegimen äbden tazalanıp elengen şege qwm, cement, mramor wntağı jäne veksula degen arnayı qospanı qosu arqılı qwrılısta keñinen paydalanılatın kleydi jasap şığaradı. Dayın önim 25 kelilik «Merey stroy» degen ataumen satıluda.

– Bizdiñ twraqtı twtınuşılarımız köp boluı üşin önimniñ sapası joğarı, bağası tiimdi boluı qajet. Bügingi küni osı bağıtta eñbektenip jatırmız. Jergilikti jerde dayındalğan önimniñ bağası bazardağıdan äldeqayda arzan. Bwl isti tabıstı jürgizetinimizge senimdimiz. Tek Qazalı öñirin qamtamasız etip qoymay, öñirdiñ özge audandarın da qamtısaq degen oydamız, - deydi jeke käsipker Almagül Tölepova.

Bwl joba audan qwrılısşıları üşin tiimdiligi zor bolmaq. Sonımen qatar käsipker jergilikti 3 adamdı jwmıspen qamtamasız etip otır. Sonday-aq, ceh basşısı üydiñ sırtın sılauğa qajetti sändik sılaq ta (dojdik) şığarıp jatır. Aytuınşa, jergilikti önimge audan köleminde swranıs öte joğarı eken.

Abai.kz

0 pikir