Beysenbi, 12 Jeltoqsan 2019
Masqara! 8179 9 pikir 2 Şilde, 2019 sağat 14:03

Jezökşelerdiñ "krışası" Kulagin emes pe, Sağıntaev mırza?

Keşe Almatınıñ jaña tağayındalğan äkimi Baqıtjan Äbdirwlı Sağıntaev qızmetine kiristi. Ol Almatınıñ Türkisib audanın aralaptı. Söytse, sol audannıñ twrğını Ädiljan Raziev deytin azamat Seyfullin dañğılında jezökşelerdiñ qaptap ketkenin aytıp, şağımdanğan. Jaña äkim, jauaptı qızmetkerlerge tapsırma berip, atalğan mäseleni dereu şeşudi bwyırdı.

Bwl keşegi künniñ jañalıqtar hronikasındağı bastı taqırıptardıñ biri boldı.

Alayda, sol küni-aq, äleumettik jelige Türkisib audanınıñ äkimi Pavel Kulaginge (Aqmola oblısın basqarğan Sergey Kulaginniñ wlı) tür-sıqpıtı keliñkireytin azamattıñ tüngi klubta anayı äreketter jasap jürgeni beynelengen video taradı.

Videonı jelige jüktegen Janar Manaqova esimdi äleumettik jeli qoldanuşısı videonıñ oñ jaq bwrışına Kulaginniñ suretin qoyıp, “Bwlay äkimder ğana demaladı” dep jazğan eken.

Älgi daulı videoda Kulaginge wqsas er adamnıñ tüngi klubta qızdarmen köñil köterip, bilep jürgenin bayqaysız.

Pavel Sergeywlı Kulagin qazir Almatınıñ Türkisib audanınıñ äkimi. Keşegi Baqıtjan Äbdirwlına şağımdanğan azamat basqa-basqa emes, däl osı Kulagin basqaratın audannıñ twrğını eken.

Paveldiñ äkesi Sergey Kulagin Qostanay men Aqmola oblısınıñ äkimi, artınşa auılşaruaşılığı ministri siyaqtı lauazımdı qızmetterdi wzaq jıl atqarğan adam. Eks-äkimniñ wlı nebäri 26 jasında Astananıñ Almatı audanına basşı bolıp tağayındalğan. Keyinirek «A» korpusında irikteuden ötpegendikten, qızmetinen ayırıldı. Söytip, 2016 jılı Qazaqstan Respublikası Prezidenti Äkimşiliginiñ memlekettik inspektorı qızmetin atqaradı. Bir jıldan soñ Almatığa bet bwrğan Kulagin mırza 2017 jıldıñ tamız ayında Türksib audanınıñ äkimi bolıp tağayındaldı. Al, 2018 jılı otız eki jasında otbasın qwrdı.

Ayta keteyik, Almatınıñ “tüngi köbelekterine” meken bolğan Seyfullin dañğılınıñ tömengi böligi tikeley Türkisib audanına qaraydı. Qalanıñ tömengi böligi bolğandıqtan, ondağı tazalıqtıñ da jayı köñil könşitpeydi. Al, jeñil jüristi qızdar emin-erkin jürgen soñ, ol aumaqta qımıstıq isterdiñ de köp bolatını belgili. Al, Kulagin mırza kelgen eki jıldıñ işinde bwl mäseleler tolıq şeşildi dep jäne ayta almaymız.

Keşe jap-jaña äkim tapsırma berdi dedik qoy. Bügin jañağı Seyfullin dañğılınan 130 adam, onıñ işinde aqşağa aqısız qızmet körsetetin 53 äyel, päterdi jalğa beretin 13 adam, jezökşelerdi tasımaldaytın 5 jürgizuşi jäne basqaları wstaldı degen aqpar şıqtı. 58 qwqıq bwzuşı äkimşilik jauapkerşilikke tartılıp, jezökşeler qızmet etetin "priton" iesi anıqtalıp, oğan 315 mıñ 625 teñge ayıppwl salınıptı.

Jalpı, Sağıntaev mırzanıñ alıp şahardağı jeñil jüristilerdiñ qızmetine şekteu qoyuı beker emes. Sebebi, Atıraudağı tolqudıñ bir wşı osı jeñil jüristi qızdar mäselesine barıp tirelgenin kördik.

Joğarıdağı videonıñ ras-ötirigin anıqtau qwzırlı organnıñ mindeti. Mwnı jwmısın "jezökşe" quıp bastağan Sağıntaev tez arada anıqtatıp, eger de anau anayı bilep jürgen adam şınında Kulagin bolsa, oğan layıqtı jazası berilui kerek. Nege? Öytkeni, birinşiden bwl bige qarap, "Jezökşelerdiñ "krışası" Kulagin emes pe eken?" degen saual eriksiz kömeyge kepteledi eken... Ekinşiden, Türkisibtiñ äkimi mınanday bolsa, ondağı jeñil jüristi qızdardı tiyu äste mümkin emes. Üşinşiden, mwnday äkim "balalarımızben birge vokzal mañınan ötuden qaldıq" degen twrğındarınıñ janayqayına qwlaq türmeytini tağı anıq.

Nwrbike Bekswltanqızı

Abai.kz

9 pikir