Senbi, 24 Tamız 2019
«Soqır» Femida 4522 20 pikir 13 Şilde, 2019 sağat 18:20

Twrğımbaevtıñ «qarttar armiyası» häm mügedek qızdıñ köz jası

QR İşki ister ministri

Erlan Zamanbekwlı Twrğımbaevtıñ

nazarına

Soñğı aylarda Qazaqstanda narazılıq şeruleri köbeydi. Ötken jolı sol narazılıqtardı jipke tizip edik, sizge ötirik, bizge şın jartı jılda jüzge juıq tolqu bolıptı. «Ünim joğarığa jetse» eken dep şırıldağan qara halıqtı (bala-şağa demey, tipti kempir-şaldıñ da ayağın jerge tigizbey) Twrğımbaev basqaratın ministrliktiñ policeyleri «kökpar tartısqa» saldı. Mwnıñ şekten şıqqanı sonşalıq «mı ne urodı» dep Senat spikeriniñ sözine qarsı şıqqan qarşaday mügedek qızdı da policeyler küşpen kölikke toğıttı.

Täuelsiz qazaq eliniñ policeyleri mügedek janğa qatıgezdik jasauğa deyin baruınıñ sırı nede? Onıñ jauabı – jalğız. Qazir işki ister salasınıñ tizginin sonau totalitarlı keñestik jüyede tärbielengen, qızılköz qandı däuirdiñ jazalau täsili qanına siñip ketken qart-mamandar wstap otır.

Tipti, bwl sözimizdiñ dälelindey etip, Prezident Qasım-Jomart Toqaevtıñ özi säuirde İşki ister ministrliginiñ keñeytilgen alqa mäjilisine qatısıp, Qazaqstan policiyasınıñ döy-dökeyligi men dörekeligi turalı aşıq aytqan bolatın.

Biz Prezidenttiñ bir sözin de özgertpey nazarlarıñızğa wsınamız.

«Policiyağa qoyılatın negizgi talap – tiimdi jwmıs. Al onıñ tiimdiligin bağalaudağı bastı şart – halıq senimi. Twrğındar policeylerdiñ dörekiligi men biliksizdigine baylanıstı jii şağım aytadı. Keybir jağdaylarda policiya qızmetkerleriniñ özderi zañdı bwzadı, äsirese jol erejelerin saqtamaydı. İşki ister ministrligi jürgizilip jatqan reformalar ayasında täjiribeli äri adal käsibi mamandardı saqtap qaludıñ keşendi şaraların qarastıru qajet. Sonday-aq, jas käsibi mamandardı irikteu barısında olardıñ sıbaylas jemqorlıqqa qarsı immunitetine basa nazar audaru kerek» degen bolatın.

Birinşiden, Prezident aytqan policeyge degen halıq senimi bar ma? Joq. Sebebi, tağı da Toqaev aytqanday «policiya qızmetkerleriniñ özderi zañdı jii bwzıp keledi».

Ol zañdı jii bwzatınınıñ eñ ülken mısalı, mine...

Qazaqstanda «Qwqıqqorğau qızmeti turalı QR zañnamalıq aktisine özgertuler men tolıqtırular engizu» turalı 2013 jıldıñ 21 mamırındağı №93-V Zañı bar. Ol Zañnıñ 82-babı boyınşa:

  • Mayor şendilerge deyin jäne kişi keñesşiliktegi qızmetkerlerge – 48 jasqa,
  • podpolkovnik şendilerge jäne keñesşilerge – 50 jasqa,
  • polkovnik şendilerge jäne joğarğı keñesşilerge – 55 jasqa,
  • joğarğı basşılıq qwramdağı azamattarğa – 60 jasqa deyin qızmette boluğa rwqsat etilgen.

(«Stat'ya 82. Predel'nıy vozrast slujbı v pravoohranitel'nıh organah

Na slujbe v pravoohranitel'nıh organah mogut sostoyat' do sleduyuşego predel'nogo vozrasta:

1) do mayora, mladşego sovetnika vklyuçitel'no - sorok vosem' let;

2) podpolkovniki, sovetniki - pyat'desyat let;

3) polkovniki, starşie sovetniki - pyat'desyat pyat' let;

4) lica vısşego naçal'stvuyuşego sostava - şest'desyat let).

Osığan qatıstı Erlan Twrğımbaevtıñ özi bıltır ğana aqtalıp:

«Qazirgi tañda qızmetkerlerdiñ jası men eñbek ötili birşama jasarğan. Bwrın işki ister organdarına 30 jasta kelip, 20 jıl qızmet etse, 50 jasta zeynetke şığatın. Qazir qızmetke 22 jastan bastap keledi. Oğan 20 jıl eñbek ötilin qosıñız. Sonda 42 jasta boladı. 42 jastağı qızmetker degeniñiz – täp-täuir maman. Mısalı, podpolkovnik, bölim basşısı nemese organ basşı» degen-di.

42 jastağı mamandardı aqtap aluğa bolar. Biraq, Zañğa bağınu aldımen ministrdiñ mindeti emes pe?. Birinşiden, prezident aytılğanday Zañ bwzuşılıq bolmauı üşin ministrlik aldımen zañ talaptarın özderi orındauğa tiis dep bilemiz. Sözimiz jalañ şıqpasın. Biz qazir elimizdiñ işki ister salası kimderdiñ qolında twrğanın jipke tizeyik.

Jaqıpov Raşid Taufikwlı

QR İİM vice-ministri. Policiya general-mayorı. Qazan ayında 60 jasqa toladı.

Ämirov Mwharan Serikwlı

QR İİM Tergeu departamentiniñ basşısı. Policiya general-mayorı. 60 jasta.

Ospanov Quat Qaliwlı

QR İİM Özindik qauipsizdik departamenti basşısı. 55 jasta.

Bädilhan Kamalhanwlı

QR İİM keñesşisi. Policiya polkovnigi. 59 jasta.

Qabılov Amanjol Jayğaliwlı

QR İİM Köliktegi policiya departamenti basşısı. Policiya polkovnigi. 57 jasta.

Nwrğaliev Qadırbek Ahmetkärimwlı

ŞQO Policiya departamenti basşısınıñ birinşi orınbasarı. Policiya polkovnigi. 58 jasta.

Oljabaev Janbolat Qospanwlı

Qostanay oblısı Policiya departamenti basşısınıñ orınbasarı. Policiya polkovnigi. 58 jasta.

Ümbetqaliev Hamza Baqtığaliwlı

Atırau oblısı Policiya departamentiniñ basşısı. 56 jasta.

Jwmahanbetov Eralı

Şımkent qalalıq Policiya departamentiniñ basşısı. 56 jasta.

Osı atı atalğan azamattardıñ bäri nege QR Zañında körsetilgen merzimde zeynetke jiberilmegen? Biz İşki ister ministrligi men departament sayttarındağı aşıq derekközderinde körsetilgen birli-jarımın ğana jazdıq. İzdey berseñ äli talayın tabuğa boları anıq.

Biılğı jıldı eks-prezident Nwrswltan Nazarbaev «Jastar jılı» dep jariyalağan edi. Memleket basşısı Qasım-Jomart Toqaev ta öziniñ inauguraciyası kezinde jastarğa qayrıla söylep, eldiñ, memlekettiñ keleşegi jastardıñ qolında ekenin jäne bir märte esimizge tüsirgen.

Ras, qazirgi uaqıtta el-halıqtıñ 51 payızğa juığın jastar qwraydı. Sol jastar qoğamdıq häm memlekettik qızmettiñ kez kelgen salasına baruğa qwqılı emes pe?.

Qoş! Qazir Twrğımbaev basqaratın İİM sınnıñ astında otır. Bwl salağa tiimdi reforma jasau üşin aldımen zeynetkeler men potencialdı zeynetkerler toptasqan köne-komanda eñbek demalısına ketui kerek.

Ras, Qazaqstan policiyasına aytılar sın köp. Olardıñ wrda-jıq sayasatı men äkireñminez äñgirtayaqşıl, älimjettik äreketteri turalı älemdik aqparat jazıp, Halıqaralıq wyımdar sınnıñ töpesine alıp jatqanı ötirik emes. Bwl turalı biz jazğan Twrğımbaevqa aşıq hatımız jauapsız qaldı. Eger de ministrlik işki ister salasına reforma jasauğa dayın bolsa, aldımen baspasözdegi är sınğa mardımdı jauap berui tiis emes pe?

Tüyin. QR Zañdarın ministrlik bwzsa, basqadan qayır joq. Erlan Twrğımbav mırza basqaratın ministrliktiñ işki sayasatı häm wstanımı Elbası men Prezident sayasatına qarama-qayşı bolmauı üşin İİM-ne bağınıştı türli lauazımdağı zeynetker basşılar otryadı orındarın bosatuı kerek. Mügedek qızdı küştep kölikke salğan policeylerde kinä joq. Bar kinäni keñestik jazalau täsilderin qandarına siñirip, totalitarlıq jüyeniñ torına şırmalğan «qarttar armiyasınan» izdeuimiz kerek.

Nwrgeldi Äbdiğaniwlı

Abai.kz

20 pikir