Jeksenbi, 15 Qırküyek 2019
1040 0 pikir 12 Şilde, 2019 sağat 12:32

Eñ köne adam süyegi Afrikadan tıs aymaqtan tabıldı

Ğalımdar Afrikadan tıs aymaqta tabılğan süyek qaldıqtarın eñ köne adamğa jatqındı. Grekiyada tabılğan bas süyek qaldığına kem degende 210 mıñ jıl bolğan.

Bwl turalı Nature jurnalı jariyalağan zertteude aytıldı.

Süyek qaldıqtarı Apidima üñgirinde 1970-jıldardıñ ayağında tabılğan. Onıñ jası endi ğana anıqtalğan. Ğalımdardıñ pikirinşe, tabılğan süyekterdiñ biri 170 mıñ jıl bwrın ömir sürgen neandertal adamına, al ekinşisi - Homo sapiens'tiñ (Esti adam) ejelgi ökiline jatadı.

Grekiyada tabılğan bas süyek qaldığı ötken jılı Izrail'de tabılğan süyekterden 16 mıñ jıl ülken. Bwl turalı Associated Press agenttigi habarladı.

Ğalımdar aşqan jañalıq rastalsa, Homo sapiens tarihı eleuli özgeriske wşıraydı. Bwğan deyin ğalımdar qazirgi adamdardıñ atası Europağa şamamen 45 mıñ jıl bwrın Afrikadan kelgen dep eseptep kelgen.

Abai.kz

0 pikir