بەيسەنبى, 22 تامىز 2019
985 0 پىكىر 12 شىلدە, 2019 ساعات 12:32

ەڭ كونە ادام سۇيەگى افريكادان تىس ايماقتان تابىلدى

عالىمدار افريكادان تىس ايماقتا تابىلعان سۇيەك قالدىقتارىن ەڭ كونە ادامعا جاتقىندى. گرەكيادا تابىلعان باس سۇيەك قالدىعىنا كەم دەگەندە 210 مىڭ جىل بولعان.

بۇل تۋرالى Nature جۋرنالى جاريالاعان زەرتتەۋدە ايتىلدى.

سۇيەك قالدىقتارى اپيديما ۇڭگىرىندە 1970-جىلداردىڭ اياعىندا تابىلعان. ونىڭ جاسى ەندى عانا انىقتالعان. عالىمداردىڭ پىكىرىنشە، تابىلعان سۇيەكتەردىڭ ءبىرى 170 مىڭ جىل بۇرىن ءومىر سۇرگەن نەاندەرتال ادامىنا، ال ەكىنشىسى - Homo ءsapiens'تىڭ (ەستى ادام) ەجەلگى وكىلىنە جاتادى.

گرەكيادا تابىلعان باس سۇيەك قالدىعى وتكەن جىلى يزرايلدە تابىلعان سۇيەكتەردەن 16 مىڭ جىل ۇلكەن. بۇل تۋرالى Associated Press اگەنتتىگى حابارلادى.

عالىمدار اشقان جاڭالىق راستالسا، Homo sapiens تاريحى ەلەۋلى وزگەرىسكە ۇشىرايدى. بۇعان دەيىن عالىمدار قازىرگى ادامداردىڭ اتاسى ەۋروپاعا شامامەن 45 مىڭ جىل بۇرىن افريكادان كەلگەن دەپ ەسەپتەپ كەلگەن.

Abai.kz

0 پىكىر