Jeksenbi, 25 Tamız 2019
Bilik 1369 26 pikir 17 Şilde, 2019 sağat 10:53

Memleket basşısınıñ virtualdı qabıldauı aşıldı

QR Prezidenti Qasım-Jomart Toqaev Aqordanıñ resmi saytında virtualdı qabıldauı aşılğanın mälimdedi.

Bwl turalı memleket basşısı Instagram jelisindegi jeke paraqşasında jazdı.

«Qwrmetti oqırmandarım! Meniñ paraqşama mıñdağan oqırman pikirlerin jazıp, saualdarın joldap jatadı. Olardıñ işinde jüyeli türde jwmıs isteudi qajet etetin kürdeli mäseleler de bar. Ärkim öz swrağına jauap alıp, pikiriniñ eskerilgenin qalaydı. Alayda, barlıq ötinişterge osı paraqşa arqılı jauap beru mümkin emes ekenin özderiñiz de jaqsı tüsinesizder.

Qoğammen pikir almasudı jolğa qoyu, ärbir azamattıñ swrauın qanağattandıru, mwqtaj jandarğa der kezinde kömek körsetu maqsatında www.akorda.kz saytında meniñ Virtualdı qabıldauım aşıldı. Qazirdiñ özinde Virtualdı qabıldauğa köptegen hattar kelip tüsude. Respublika azamattarınıñ jeke nemese qoğamdıq sipattağı türli mäseleleri boyınşa ötinişteri qaraladı. Är hat resmi tirkeledi, onı özim de qaraymın jäne Äkimşilik qızmetkerleri de qarastıradı. Bwl - elimizdiñ ärbir azamatı resmi türde swrau saluğa mümkindik beretin, zañdı küşi bar virtualdı qabıldau», - dep jazdı Prezident.

Memleket basşısınıñ bwl qadamın eldi tıñdaudıñ, el sözine qwlaq asudıñ nağız zamanaui ülgisi dep qabıldauğa boladı. Qarapayım halıq üşin el Prezidentine tikeley ötiniş aytu mümkindigi tusa, bwdan ötken jaqsılıq bola ma?! Bwl virtualdı qabıldau - elimizdiñ ärbir azamatına Prezidentke resmi swrau saluğa mümkindik beredi.

Abai.kz

26 pikir